MONEY9 GUJARATI: જેમ જેમ ફાઈનાન્શિયલ યર (Financial Year) પૂરું થઈ રહ્યું છે… ટેક્સ પ્લાનિંગ (Tax planning)ને લઈને અજિતનું ટેન્શન વધી રહ્યું છે… તેણે વર્ષની શરૂઆતમાં ઘણું પ્લાનિંગ કર્યું હતું… અહીં ઈન્વેસ્ટમેન્ટ (Investment) કરશે… ત્યાં પૈસા રોકશે.. પણ કંઈ કર્યુ નહિ… હવે શું કરવું તેની ચિંતામાં છું… કઇ ટેક્સ રેજિમ (Tax regime) પસંદ કરવી… ટેક્સ (Tax) બચાવવા માટે ક્યાં ઈન્વેસ્ટ કરે?
બે મહિના પછી ટેક્સ સેવિંગ ઇન્વેસ્ટમેન્ટ પ્રૂફ (Tax saving investment proof) આપવા પડશે… હવે જ્યારે ઇન્વેસ્ટમેન્ટ જ નથી થયું તો પ્રૂફ ક્યાંથી આપશો… જો પ્રૂફ નહીં હોય તો ટેક્સ કપાશે… શું તમે પણ અજીત જેવા છો? શું તમે હજુ સુધી ફાઈનાન્શિયલ યર 2023-24 (Financial Year 2023-24) માટે તમારું ટેક્સ પ્લાનિંગ નથી કર્યું? તો હવે આ કામમાં વ્યસ્ત થઈ જાવ… પરંતુ તે પહેલા ચાલો જાણીએ ટેક્સ પ્લાનિંગની કેટલીક મહત્વની સ્ટ્રેટેજી વિશે… જે તમને ટેક્સ પ્લાનિંગમાં મદદ કરશે…
સૌપ્રથમ તો આપણે ટેક્સ રેજિમ એટલે કે કર વ્યવસ્થાની વાત કરીએ… આપણી પાસે બે ટેક્સ રેજિમ છે…ઓલ્ડ ટેક્સ રેજિમ અને ન્યૂ ટેક્સ રેજિમ…ટેક્સપેયરે ઓલ્ડ અને ન્યૂ ટેક્સ રેજિમમાંથી કોની પસંદગી કરવા માંગે છે,, તે ટેક્સ ડિડક્શન ક્લેમ કરવાની તેની પસંદ પર નિર્ભર કરે છે.. ન્યૂ ટેક્સ રેજિમમાં ટેક્સનો રેટ ઓછો છે, પરંતુ તમને HRA, 80C, 80D જેવી કપાતનો લાભ નહીં મળે… ન્યૂ રેજિમ હેઠળ 7 લાખ રુપિયા સુધીની કમાણી પર કોઈ ટેક્સ લાગતો નથી.. સાથે જ ઓલ્ડ ટેક્સ રેજિમની જેમ અહીં પણ 50 હજાર રુપિયાનું સ્ટાન્ડર્ડ ડિડક્શન ફાઈનાન્શિયલ યર 2023-24થી મળશે.. એટલે કે, જો તમારી આવક 7.5 લાખ રુપિયા સુધી છે… તો કોઈ ટેક્સ લાગશે નહીં. જ્યારે ઓલ્ડ ટેક્સ રેજિમમાં 5 લાખ રુપિયા સુધીની જ આવક ટેક્સ-ફ્રી છે…
નાણાકીય વર્ષ 2023-24થી, તમને ડિફોલ્ટ રૂપે ન્યૂ ટેક્સ રેજિમ મળશે… એટલે કે, તે આવકવેરા રિટર્ન ફોર્મમાં પહેલાથી સિલેક્ટ હશે… જો તમે 80C, 80D, HRA જેવી ડિડક્શનનો લાભ લેવા માંગતા હોવ તો તમારે ઓલ્ડ ટેક્સ રેજિમ પસંદ કરવાની રહેશે… જો તમારી પાસે હોમ લોન, ટર્મ ઇન્સ્યોરન્સ, PPF અથવા હેલ્થ ઇન્સ્યોરન્સ છે… ઘરના ભાડા પર ટેક્સ છૂટ એટલે કે હાઉસ રેન્ટ એલાઉન્સનો લાભ લો છો… તો ઓલ્ડ ટેક્સ રેજિમ તમારા માટે યોગ્ય છે..
કઈ રેજિમ તમારા માટે લાભકારક છે? આ જાણવા માટે, તમે આવકવેરા વિભાગની વેબસાઈટ પર ઈન્કમ ટેક્સ કેલ્ક્યુલેટરની મદદ લઈ શકો છો… ઓલ્ડ ટેક્સ રેજિમનું સૌથી કૉમન ડિડક્શન સેક્શન 80C છે… ઈન્કમ ટેક્સ એક્ટના સેક્શન 80C હેઠળ રોકાણ કરવા પર,, ટેકસપેયર્સ દોઢ લાખ રૂપિયા સુધી ડિડક્શન ક્લેમ કરી શકે છે.. તમે જે રોકાણ કરો છો,, તે ઈનકમમાંથી બાદ કરવામાં આવે છે… પછી ટેક્સ કેલ્ક્યુલેશન કરવામાં આવે છે… આનાથી ટેક્સની રકમ ઘટી જાય છે.. આમાં પબ્લિક પ્રોવિડન્ટ ફંડ (PPF), એમ્પ્લૉઈ પ્રોવિડન્ડ ફંડ (EPF), ઇક્વિટી લિંક્ડ સેવિંગ્સ સ્કીમ (ELSS), 5 વર્ષની ટેક્સ સેવિંગ FD, સુકન્યા સમૃદ્ધિ યોજના (SSY) વગેરેમાં રોકાણનો સમાવેશ થાય છે. આ સિવાય, નેશનલ પેન્શન સ્કીમ એટલે કે NPSમાં રોકાણ કરીને,, તમે કલમ 80CCD(1)B હેઠળ વધારાના 50,000 રુપિયાનું ડિડક્શન મેળવી શકો છો. આ તમામ રોકાણ ટેક્સ બચાવવાની સાથે ફ્યૂચર સેવિંગ્સ અને રિટાયરમેન્ટ પ્લાનિંગમાં મદદ કરે છે.
હેલ્થ ઈન્સ્યોરન્સ ન માત્ર સારવારના ખર્ચનું ભારણ ઘટાડે છે પરંતુ પણ ટેક્સ પણ બચાવે છે… હેલ્થ ઈન્સ્યોરન્સ પ્રીમિયમ પર સેક્શન 80D હેઠળ, તમે 25,000 રૂપિયા સુધીનું ડિડક્શન લઈ શકો છો… આમાં તમે, પતિ અથવા પત્ની અને બાળકોને આવરી લેવાય છે… જ્યારે સીનિયર સિટીઝનને 50 હજાર રુપિયાનું ડિડક્શન મળે છે… જો તમે અને તમારા પેરેન્ટ્સ બંને સીનિયર સિટીઝન કેટેગરીમાં છો… તો તમે 1 લાખ રુપિયા સુધીના ડિડક્શનને ક્લેમ કરી શકો છો.
જો તમે હોમ લોન લઈને ઘર ખરીદ્યું છે… તો તમે ઓલ્ડ ટેક્સ રેજિમ પસંદ કરી શકો છો… હોમ લોનની પ્રિન્સિપલ અને ઈન્ટરેસ્ટ એટલે કે મૂળ રકમ અને વ્યાજ બંનેની ચુકવણી પર ટેક્સ છૂટ મળે છે… ઈનકમ ટેક્સ એક્ટની કલમ 24 હેઠળ તમે હોમ લોનના વ્યાજ પર 2 લાખ રુપિયા સુધીના ડિડક્શનને ક્લેમ કરી શકો છો… અને કલમ 80C હેઠળ પ્રિન્સિપલની ચુકવણી પર ડિડક્શન ક્લેમ કરી શકો છો… આ ઉપરાંત, ઓલ્ડ રેજિમમાં ડોનેશન, અમુક સ્પેસિફિક રોગોની સારવાર પર થયેલા ખર્ચ પર પણ ડિડક્શન ક્લેમ કી શકાય છે..
ટેક્સ પ્લાનિંગનું કામ ફાઈનાન્શિયલ યર શરૂ થતાંની સાથે જ કરી દેવું જોઈએ… પણ જો તમે અજીતની જેમ લેટ થઈ ગયા છો તો પણ ચિંતા કરશો નહીં… તમારી પાસે હજુ થોડો સમય છે… જો તમે ડિસેમ્બરથી વધુ મોડું કરશો તો મુશ્કેલી થઈ શકે છે. જોલાસ્ટ ટાઈમ પર ટેક્સ પ્લાનિંગ કરવામાં આવે તો ઈન્વેસ્ટમેન્ટ પસંદ કરવામાં ભૂલ થઈ શકે છે…
સૌથી પહેલા ઈનકમ ટેક્સ કેલ્ક્યુલેટરની મદદથી ચેક કરો કે કઈ ટેક્સ રેજિમ તમારા માટે યોગ્ય છે… જો તમે ટેક્સ બચાવવા માટે કોઈ રોકાણ કરવા નથી માંગતા… અથવા તમારો પગાર ઓછો છે… તો ન્યૂ ટેક્સ રેજિમ પસંદ કરી શકો છો.. જો તમારી પાસે હોમ લોન, 80Cમાં આપેલ ઑપ્શન અને NPSમાં ઈન્વેસ્ટમેન્ટ છે,, તો ઑલ્ડ ટેક્સ રેજિમ તમારા માટે વધુ સારી રહેશે… જો તમે નોકરીયાત છો,, તો એકમાંથી બીજી રેજિમમાં ઇચ્છો તેટલી વખત સ્વિચ કરી શકો છો..
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો