Money9: સંગીત અને પ્રગીત આમ તો સગા ભાઈઓ છે, પરંતુ રોકાણની બાબતમાં બંનેનો અભિપ્રાય સંપૂર્ણપણે અલગ છે….એક પૂર્વ છે તો બીજો પશ્ચિમ…હવે મ્યુચ્યુઅલ ફંડને જ લઇ લો…સંગીત મ્યુચ્યુઅલ ફંડના રેગ્યુલર પ્લાનમાં રોકાણ કરવું પસંદ કરે છે તો પ્રગીત ડાયરેક્ટ પ્લાનમાં…હવે તમે વિચારતા હશો કે આ ડાયરેક્ટ અને રેગ્યુલર પ્લાન શું હોય છે? શેમાં રોકાણ કરવું એ સૌથી ફાયદાનો સોદો બની શકે? કઇ યોજના કોના માટે યોગ્ય છે? તો ચાલો આ વીડિયોમાં આ બધાને સમજવાનો પ્રયત્ન કરીએ…
ડાયરેક્ટ પ્લાનમાં, રોકાણકાર ડિસ્ટ્રિબ્યુટર અથવા એજન્ટ પાસે ગયા વિના સીધા મ્યુચ્યુઅલ ફંડ સ્કીમમાં રોકાણ કરી શકે છે… બીજી બાજુ, રેગ્યુલર પ્લાનમાં, મ્યુચ્યુઅલ ફંડ ડિસ્ટ્રિબ્યુટર અથવા એજન્ટની મદદથી રોકાણ કરવામાં આવે છે.
જો તમે એસોસિયેશન ઑફ મ્યુચ્યુઅલ ફંડ્સ ઇન ઇન્ડિયા એટલે કે AMFI ના આંકડાઓ પર નજર નાખશો, તો દેશના ટોચના 30 શહેરોમાં, રિટેલ રોકાણકારો અને HNI એટલે કે મોટા રોકાણકારોની મ્યુચ્યુઅલ ફંડ એસેટના 55 ટકા ડિસ્ટ્રિબ્યુટર્સ દ્વારા આવ્યા હતા… આ ટોચના 30 શહેરોમાંથી ઇન્ડિવિડ્યુઅલ એસેટનો માત્ર 19 ટકા હિસ્સો જ ડાયરેક્ટ ઇન્વેસ્ટમેન્ટ દ્વારા આવ્યો….ટોચના 30 શહેરોમાં મેટ્રો શહેરો ઉપરાંત જયપુર, લખનઉ જેવા રાજધાની શહેરો સામેલ છે. જેમાં ડિસ્ટ્રીબ્યુટર્સ દ્વારા રોકાણનો હિસ્સો 55 ટકા છે.
તેવી જ રીતે, જો આપણે આ ટોચના 30 શહેરો સિવાય B30 એરિયા વિશે વાત કરીએ, તો ફક્ત 21 ટકા ઇન્ડિવિજ્યુઅલ રોકાણકારો ડિસ્ટ્રીબ્યૂટર્સ દ્વારા આવ્યા હતા… અને તેમની એસેટના માત્ર 5 ટકા ડાયરેક્ટ રોકાણ દ્વારા આવ્યા હતા…એટલે કે સ્પષ્ટ છે કે મ્યુચ્યુઅલ ફંડમાંનાના રોકાણકારો ડિસ્ટ્રીબ્યૂટર્સ દ્વારા વધુ રોકાણ કરી રહ્યા છે.
હવે તમે વિચારશો કે મ્યુચ્યુઅલ ફંડ રોકાણના કિસ્સામાં ડિસ્ટ્રીબ્યૂટર્સ શા માટે આટલા મહત્વપૂર્ણ છે? વાસ્તવમાં SEBI અને AMFI એ તાજેતરના વર્ષોમાં મ્યુચ્યુઅલ ફંડ્સને તર્કસંગત બનાવવા માટે એટલી બધી કેટેગરીઝ બનાવી દીધી છે કે દર વર્ષે ડઝનેક યોજનાઓ લોન્ચ થાય છે. આવી સ્થિતિમાં, સામાન્ય રોકાણકાર માટે આટલી બધી સ્કીમમાંથી યોગ્ય સ્કીમ પસંદ કરવાનું કામ સરળ નથી… તેથી જ લોકો તેમના નાણાકીય લક્ષ્યો અનુસાર યોગ્ય મ્યુચ્યુઅલ ફંડ પસંદ કરવા માટે ડિસ્ટ્રીબ્યૂટર્સની મદદ લે છે.
ઇન્વેસ્ટોગ્રાફીના ફાઉન્ડર અને CFP, શ્વેતા જૈન કહે છે કે મ્યુચ્યુઅલ ફંડ ઉદ્યોગના વિકાસ માટે ડિસ્ટ્રીબ્યૂટર આધારિત એસેટ હજુ પણ મહત્વપૂર્ણ છે. ટેક્નૉલૉજીના વધતા ઉપયોગને કારણે, ડિસ્ટ્રિબ્યુટર આધારિત રેગ્યુલર પ્લાનની કોસ્ટ ઘટી છે. જેના કારણે, લોકોને ડિસ્ટ્રીબ્યૂટર્સ દ્વારા રોકાણ કરવાનું અનુકૂળ આવે છે, જ્યાંથી તેઓ સલાહ લઈ શકે છે અને તેના માટે વધુ ખર્ચ પણ કરવો પડતો નથી. બીજી તરફ, રેગ્યુલર પ્લાનની સરખામણીએ ડાયરેક્ટ પ્લાન સસ્તા હોય છે પરંતુ તેમાં કોઇ સપોર્ટ કે ગાઇડ કરનારુ નથી હોતું. તેથી તેમાં ગ્રોથ ઘટી રહ્યો છે.
ડાયરેક્ટ પ્લાન અને રેગ્યુલર પ્લાન કોઇ એક જ મ્યુચ્યુઅલ ફંડ સ્કીમમાં મળનારા બે વિકલ્પો હોય છે, જેમાં પોર્ટફોલિયો અને ફંડ મેનેજર સમાન હોય છે. તફાવત માત્ર ખર્ચના ગુણોત્તરમાં એટલે કે તેમના પર થયેલા ખર્ચમાં થાય છે. રેગ્યુલર પ્લાનની સરખામણીમાં ડાયરેક્ટ પ્લાનમાં ખર્ચ ઓછો થાય છે. તેનું કારણ એ છે કે ડાયરેક્ટ પ્લાનમાં કોઈ ડિસ્ટ્રીબ્યૂટર કે એજન્ટની જરૂર નથી પડતી. તેથી, તેમાં ડિસ્ટ્રીબ્યૂશન અને કમિશનનો ખર્ચ બચે છે. આ બચતનો અર્થ એ છે કે ડાયરેક્ટ પ્લાનની નેટ એસેટ વેલ્યુ એટલે કે NAV રેગ્યુલર પ્લાન કરતા વધારે હોય છે. ડાયરેક્ટ પ્લાન અને રેગ્યુલર પ્લાનના ટોટલ એક્સપેન્સ રેશિયો એટલે કે TERમાં 0.5 ટકા થી 2 ટકાનો તફાવત હોઈ શકે છે.
હવે એ સમજીએ કે જો સંગીત અને પ્રગીત 10 વર્ષ માટે અલગ-અલગ પ્લાનમાં 25,000 રૂપિયાનું રોકાણ કરે છે, તો રિટર્નમાં શું તફાવત આવશે?
ધારો કે સંગીતે રેગ્યુલર પ્લાનમાં દર મહિને 25 હજારની SIP શરૂ કરી અને 10 વર્ષ માટે રોકાણ કર્યું. આ પ્લાન પર એક્સપેન્સ રેશિયો 2 ટકા છે અને તેને 12 ટકા રિટર્ન મળવાની અપેક્ષા છે. બીજી તરફ, જો પ્રગીતે પણ આ જ સ્કીમમાં ડાયરેક્ટ પ્લાન દ્વારા દર મહિને રૂ. 25,000ની SIP શરૂ કરી અને 10 વર્ષ માટે રોકાણ કર્યું. આના પર ખર્ચ ગુણોત્તર માત્ર 1% છે અને અપેક્ષિત રિટર્ન 12% છે. તેથી 10 વર્ષ પછી, પ્રગીતે તેના ડાયરેક્ટ પ્લાન દ્વારા સંગીત કરતાં 3 લાખ રૂપિયા વધુ કમાણી કરી.
સંગીત અને પ્રગીતના રિટર્નની ગણતરી દર્શાવે છે કે રિટર્નની દ્રષ્ટિએ ડાયરેક્ટ પ્લાન આગળ છે… કારણ કે તેમાં ઓછા એક્સપેન્સ રેશિયોને લીધે ઊંચું રિટર્ન મળે છે અને તેનાથી લાંબા ગાળાના રોકાણકારોને ફાયદો થાય છે. જો કે, ડાયરેક્ટ પ્લાનમાં રોકાણ કરવા માટે મ્યુચ્યુઅલ ફંડ્સ વિશે પર્યાપ્ત જ્ઞાન અને જાગૃતિની જરૂર હોય છે… અનુભવી રોકાણકારો માટે આ એક સારો વિકલ્પ હોઈ શકે છે કારણ કે તેમને ડિસ્ટ્રીબ્યૂટર્સ કે નાણાકીય સલાહકારોની મદદની જરૂર નથી હોતી.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો