Money9: જો તમે શેર માર્કેટમાં જાતે ટ્રેડિંગ નથી કરવા માંગતા તો મ્યુચ્યુઅલ ફંડ દ્વારા માર્કેટમાં સિસ્ટમેટિક રીતે નાના હપ્તા કે એકસાથે રોકાણનો વિકલ્પ પસંદ કરી શકો છો. પરંતુ શેરમાં જ રોકાણ કરવું છે પણ શેર માર્કેટમાં જાતે સ્ટોક્સને ખરીદવા-વેચવાથી દૂર રહેવું છે તો પોર્ટફોલિયો મેનેજમેન્ટ સર્વિસ એટલે કે PMS હેઠળ રોકાણ કરી શકાય છે. મ્યુચ્યુઅલ ફંડમાં તમે ઇક્વિટીમાં રોકાણ કરનારા મ્યુચ્યુઅલ ફંડની સ્કીમ ખરીદો છો અને પોર્ટફોલિયો મેનેજમેન્ટ સર્વિસમાં તમે એક કસ્ટમાઇઝ શેર્સના પોર્ટફોલિયોમાં રોકાણ કરો છો. PMSમાં પ્રોફેશનલ મની મેનેજર તમારા ટાર્ગેટ પ્રમાણે પોર્ટફોલિયો બનાવે છે. તેમાં રોકાણ કરવા માટે તમારી પાસે ઓછામાં ઓછા 50 લાખ રૂપિયા હોવા જોઇએ.
PMS Bazaarના તાજેતરના એક અભ્યાસમાં પોર્ટફોલિયો મેનેજમેન્ટ સર્વિસિઝ અને મ્યુચ્યુઅલ ફંડ્સના પ્રદર્શનની તુલના કરવામાં આવી છે. આ સ્ટડીમાં કેટેગરી, ટાઇમ ફ્રેમ સહિત ઘણી બાબતો અને બેંચમાર્કના આધારે PMS અને Mutual Fundના પર્ફોર્મન્સ વચ્ચેનો તફાવત અને રિટર્નને સમજાવવામાં આવ્યું છે.
રિપોર્ટ અનુસાર છેલ્લા 5 વર્ષમાં PMSની 59 સ્કીમોએ બેંચમાર્કની તુલનાએ સારુ પ્રદર્શન કર્યું છે. તો બીજી તરફ મ્યુચ્યુઅલ ફંડની 46 ટકા સ્કીમનું જ રિટર્ન બેંચમાર્કથી વધુ રહ્યું છે. 3 વર્ષ અને 10 વર્ષના સમયગાળામાં રોકાણમાં પણ આવો જ ટ્રેન્ડ જોવા મળ્યો. PMS બધી કેટેગરીમાં સતત શાનદાર રિટર્ન આપી રહી છે.
PMS અને MF એકબીજાથી અલગ છે. બન્નેની સમાન માપદંડો પર તુલના કરવી યોગ્ય નથી. જો કે, બન્ને ઇન્વેસ્ટમેન્ટ અને ગ્રોથ માટે તક આપે છે. પરંતુ બન્નેના ગ્રાહક અને દ્રષ્ટિકોણ અલગ અલગ છે. જો તમે PMS અને મ્યુચ્યુઅલ ફંડ્સમાંથી કોઇએકમાં રોકાણ કરવા માંગો છો તો પહેલા તમારે કેટલીક પાયાની બાબતોને સમજવી જરૂરી છે. જેમ કે PMS અને MF વચ્ચે તફાવત શું છે? તમારે કયા વિકલ્પમાં રોકાણ કરવું જોઇએ? વગેરે.
જો PMSની વાત કરીએ તો આ રોકાણ પર્સનલાઇઝેશન પર ભાર મૂકે છે. તે એ વાત પર વધુ ધ્યાન આપે છે કે ફંડ મેનેજર્સ એવા પોર્ટફોલિયો બનાવે જે રોકાણકારની ખાસ જરૂરિયાતો પર ધ્યાન આપી શકે. PMS બે પ્રકારની સ્કીમ ઓફર કરે છે. ડિસ્ક્રિશનરી અને નોન-ડિસ્ક્રિશનરી. ડિસ્ક્રિશનરી સ્કીમમાં ફંડ મેનેજર જાતે નિર્ણય કરે છે જ્યારે નોન ડિસ્ક્રિશનરી સ્કીમમાં ફંડ મેનેજર રોકાણકારની મંજૂરી લે છે. મ્યુચ્યુઅલ ફંડથી વિરુદ્ધ PMSમાં પૂલિંગ નથી થતું. અને ન તો તેના કોઇ યૂનિટ બહાર પડે છે.
SEBIના નિયમો અનુસાર બધા PMS પ્રોવાઇડર્સે દરેક સ્કીમના પ્રદર્શનને દર્શાવવું જરૂરી છે. આ સાથે દરેક રણનીતિનો ખુલાસો પણ કરવો પડશે અને તેને રોકાણકારો માટે ઉપલબ્ધ કરાવવો પડશે. ઉપરાંત સ્કીમની સાથે જોડાયેલા બેંચમાર્ક સાથે તેની તુલના કરીને રોકાણકારને માહિતગાર રાખવા પડશે. રોકાણ કરતા પહેલા તમારી પાસે આ અંગેની સંપૂર્ણ માહિતી હોવી જોઇએ.
PMSમાં એક સ્ટ્રટેજી,જે મ્યુચ્યુઅલ ફંડની સ્કીમની સમાન હોય છે. PMS ફક્ત મોડલ પોર્ટફોલિયો જાહેર કરે છે. તેને એક સ્કીમ કે યોજનાના બદલે એક રણનીતિ પ્રમાણે રોકાણ કરવાનું હોય છે. PMSમાં મોટું રોકાણ કરવાનું હોય છે. જે ઓછામાં ઓછું 50 લાખ રૂપિયાથી શરૂ થાય છે. એટલે કે તેની પહોંચ ખાસકરીને વધુ સારા નેટવર્થવાળા માટે જ છે.
બીજી તરફ મ્યુચ્યુઅલ ફંડ્સની વાત કરીએ તો તેમાં સ્ટોક અને બોન્ડ ખરીદવા માટે રોકાણકારો પાસેથી પ્રાપ્ત પૈસાને પ્રોફેશનલ રીતે મેનેજ કરવામાં આવે છે. એક રોકાણકાર ફક્ત 100 રૂપિયાથી પણ રોકાણ કરી શકે છે.
PMS એક સિલેક્ટિવ એપ્રોચ છે જે 20થી 30 સ્ટોક્સનો પોર્ટફોલિયો ઓફર કરે છે. બીજી તરફ મ્યુચ્યુઅલ ફંડ રોકાણકારોને લગભગ 40થી 50 શેરોવાળો વિવિધ પોર્ટફોલિયો ઉપલબ્ધ કરાવે છે. મ્યુચ્યુઅલ ફંડનો ઉદ્દેશ એકદમ સ્પષ્ટ છે. તેણે SEBIએ નક્કી કરેલી કેટેગરીનું પાલન કરવાનું હોય છે જ્યારે PMSનું પ્રદર્શન દર મહિને જાહેર થાય છે.
ટોપ PMS પ્રોવાઇડરના PMSમાં 70 ટકાથી પણ વધુ રિટર્ન મળી શકે છે જ્યારે ઇક્વિટી મ્યુચ્યુઅલ ફંડનું એક વર્ષનું એવરેજ રિટર્ન ફક્ત 20 ટકાથી ઉપર જઇ શકે છે. PMS Bazaarના રિપોર્ટ અનુસાર એક વર્ષ માટે બધી કેટેગરીમાં PMSએ મ્યુચ્યુઅલ ફંડ્સથી સારુ પ્રદર્શન કર્યું છે. આંકડા પર નજર કરીએ તો થીમેટિક PMSનું એક વર્ષનું રિટર્ન 87 ટકા રહ્યું છે જ્યારે આ કેટેગરીના મ્યુચ્યુઅલ ફંડનું રિટર્ન 64 ટકા રહ્યું છે. સ્મોલકેપ મ્યુચ્યુઅલ ફંડનું એક વર્ષનું રિટર્ન 17 ટકા જ્યારે PMSએ 94 ટકાનુ બમ્પર રિટર્ન આપ્યું છે.
લેડરઅપ વેલ્થ મેનેજમેન્ટના MD રાઘવેન્દ્ર નાથ કહે છે કે જ્યારે તમે ઓછામાં ઓછા 50 લાખ રૂપિયાનું રોકાણ કરવા તૈયાર હોવ તો તમે PMSમાં રોકાણ માટે વિચારી શકો છો. PMS, મ્યુચ્યુઅલ ફંડ્સની સરખામણીએ વધુ ફ્લેક્સિબલ હોય છે. PMS, બજારની હાલતને જોઇને કોઇપણ સ્ટોકમાં રોકાણ કરી શકે છે અને તેજી દરમિયાન રોકડ હોલ્ડ કરી શકે છે.
જો કમાણી પર ટેક્સની વાત કરીએ તો મ્યુચ્યુઅલ ફંડ્સ…PMSની સરખામણીએ શ્રેષ્ઠ સાબિત થાય છે. મ્યુચ્યુઅલ ફંડમાં માત્ર પૈસા ઉપાડવા પર ટેક્સ લાગે છે. જ્યારે PMSમાં રોકાણકારોને સ્ટોક વેચાણ કે ડિવિડન્ડ્સ પર ટેક્સ ચુકવવો પડે છે. PMSમાં વારંવાર ખરીદી અને વેચાણ પર ટેક્સ લાગી શકે છે. જેનાથી કમ્પાઉન્ડિંગ પ્રોસેસ ધીમી થઇ શકે છે જ્યારે મ્યુચ્યુઅલ ફંડ મેનેજર આ પ્રકારના ટેક્સથી બચાવી શકે છે.
PMS, પર્સન્લાઇઝ્ડ સ્ટ્રેટેજી ઇચ્છતા HNI રોકાણકારો માટે એક રેગ્યુલેટેડ રોકાણ રણનીતિ છે. તો પણ તમારે આ પ્રકારના રોકાણ પર ધ્યાન આપવું જરૂરી છે. તમારે એક યોગ્ય પોર્ટફોલિયો મેનેજમેન્ટ ટીમની સલાહ લેવી જોઇએ. અને તે સલાહના આધારે એસેટ્સ અને નાણાકીય યોજના સાથે સંતુલન સાધવુ જોઇએ…PMSના રોકાણ પર ફી અને ટેક્સ વધુ લાગે છે…એટલે PMS પ્રોવાઇડર પસંદ કરતા પહેલા તમે PMS ફંડની મેનેજમેન્ટ ફી અંગે જરૂર જાણી લો. આ ફી 1 થી 3 ટકા સુધી હોઇ શકે છે. આ ઉપરાંત એન્ટ્રન્સ લોડ ચાર્જ, એડમિનિસ્ટ્રેશન ફી પણ ચુકવવી પડશે.
મ્યુચ્યુઅલ ફંડ્સ અને પોર્ટફોલિયો મેનેજમેન્ટ સર્વિસિઝ, બન્ને મેનેજ્ડ ઇન્વેસ્ટમેન્ટ છે. જે રોકાણકારના નાણાકીય લક્ષ્યને પ્રાપ્ત કરવામાં મદદ કરે છે. ઓછુ જોખમ અને ઓછા ખર્ચનો ડાયવર્સિફાઇડ પોર્ટફોલિયો ઇચ્છતા રિટેલ રોકાણકારો માટે મ્યુચ્યુઅલ ફંડ જ યોગ્ય છે.
આનાથી વિરુદ્ધ, PMS વધુ જોખમ અને સારા રિટર્ન આપનારા ફંડ છે. તે કસ્ટમાઇઝ્ડ પોર્ટફોલિયો ઇચ્છતા HNIs માટે યોગ્ય છે.PMS, કસ્ટમાઇઝ્ડ એટેન્શન, જાણકારની સલાહ અને સારુ પ્રદર્શન ઉપલબ્ધ કરાવે છે. જેનાથી તે એવા રોકાણકારો માટે સારો વિકલ્પ બની શકે છે જે ઓછામાં ઓછા 50 લાખ રૂપિયા રોકાણ કરવા માંગે છે. ઇક્વિટી એક્સપોઝર ઇચ્છે છે. શેર બજારમાં રોકાણ કરવા માંગે છે પણ શેર બજારની દરરોજની કડાકૂટથી દૂર રહેવા માંગે છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો