Money9: દિલીપ સાત વર્ષથી સિસ્ટમેટિક ઇન્વેસ્ટમેન્ટ પ્લાન એટલે કે એસઆઇપી દ્વારા મ્યુચ્યુઅલ ફંડમાં રોકાણ કરી રહ્યા છે. જ્યારે પૈસાની જરૂર પડે છે ત્યારે થોડુ થોડું ઇન્વેસ્ટમેન્ટ રીડિમ કરી લે છે. તેમની ચિંતા એ છે કે આટલા વર્ષો સુધી રોકાણ કર્યા બાદ પણ તેમની મૂડીમાં ખાસ વધારો નથી થયો. બીજી તરફ તેમના દોસ્તે બાદમાં રોકાણ શરૂ કર્યું હતું પરંતુ કેટલાક વર્ષોમાં જ લાખો રૂપિયાનું ફંડ બનાવી દીધું છે. લાંબાગાળાના નાણાકીય લક્ષ્યોને પૂરા કરવા અને સારીએવી રકમ જમા કરવા માટે મ્યુચ્યુઅલ ફંડમાં રોકાણ એક સારી રીત માનવામાં આવે છે. તે મોંઘવારીને મ્હાત કરનારુ રિટર્ન આપવાની તાકાત ધરાવે છે. ઘણીવાર મ્યુચ્યુઅલ ફંડમાં રોકાણને લઇને લોકોનો અનુભવ ઘણો ખરાબ રહે છે. આવો જાણીએ દિલીપ જેવા લોકો મ્યુચ્યુઅલ ફંડ રોકાણમાં ક્યાં ભૂલ કરે છે. જેનાથી તેમને ઉંચુ રિટર્ન નથી મળતું.
સ્કીમને સમજ્યા વગર રોકાણ કરવું
મ્યુચ્યુઅલ ફંડ સ્કીમ કે પ્રોડક્ટને સમજ્યા વગર રોકાણ ન કરો. ઉદાહરણ તરીકે ઇક્વિટી મ્યુચ્યુઅલ ફંડ લોંગ ટર્મ માટે એટલે કે લાંબાગાળા માટે હોય છે. જ્યારે રોકાણકાર સામાન્ય રીતે ટૂંકાગાળા એટલે કે શોર્ટ ટર્મમાં સારા રોકાણની ઇચ્છા રાખતા હોય છે. આવા સંજોગોમાં ઇક્વિટી મ્યુચ્યુઅલ ફંડમાં રોકાણ કરવા પર નુકસાન થઇ શકે છે. મ્યુચ્યુઅલ ફંડમાં લાંબાગાળાનો દ્રષ્ટિકોણ રાખવો વધારે સમજદારી ગણાય છે. ખાસ કરીને જ્યારે તમે મોટી મૂડી બનાવવા માંગતા હોવ. ઓછામાં ઓછું 5 થી 7 વર્ષ સુધી રોકાણ કરવું જોઇએ. આનાથી વધારે સમય સુધી રોકાણ કરવું વધુ ફાયદાકારક હોઇ શકે છે.
યોગ્ય રકમનું રોકાણ ન કરવું
મ્યુચ્યુઅલ ફંડમાં રેન્ડમ ઇન્વેસ્ટમેન્ટ સામાન્ય વાત છે. રેન્ડમ ઇન્વેસ્ટમેન્ટનો અર્થ કોઇપણ જાતના ફાઇનાન્સયિલ ગોલ વિના મનફાવે તે રીતે કોઇપણ રકમ જમા કરવી. આવા કેસમાં બની શકે કે રોકેલી રકમ પર અપેક્ષા અનુસાર રિટર્ન ન પણ મળે. ઉદાહરણ તરીકે 20 વર્ષમાં એક કરોડ રૂપિયાનું ટાર્ગેટ છે. અને દર મહિને 1 હજાર રૂપિયાનું રોકાણ કરી રહ્યા છો તો તમે તમારા લક્ષ્યને પ્રાપ્ત નહીં કરી શકો. એક કરોડ એકત્ર કરવા માટે તમારી મંથલી એસઆઇપી 10,109 રૂપિયા હોવી જોઇએ. અહીં અંદાજીત રિટર્ન વાર્ષિક 12 ટકા છે. રિટર્નમાં વધ-ઘટ સંભવ છે. નાણાકીય લક્ષ્યને પૂર્ણ કરવા માટે જરૂરી રકમની ખબર હોવી અને રોકાણ કરવું જરૂરી છે.
વારંવાર રોકાણ ન કરો.
મ્યુચ્યુઅલ ફંડમાં રોકાણ કરનારા લોકો ઘણીવાર પૈસાની જરૂર પડે ત્યારે મ્યુચ્યુઅ ફંડમાંથી રિડમ્પ્શન કરાવી લે છે. એટલે કે પૈસા કાઢી લે છે. વારંવાર મ્યુચ્યુઅલ ફંડમાંથી પૈસા કાઢવા પર તમને કમ્પાઉન્ડિંગ રિટર્નનો ફાયદો નથી મળતો. કારણ કે રિડમ્પ્શન એમાઉન્ટ પર તેનો ફાયદો તમને નહીં મળે. આનું પરિણામ એ થશે કે તમે રિડમ્પ્શન બાદ ખરીદેલી યૂનિટથી પોતાના ફાઇનાન્સિયલ ગોલને પૂર્ણ નહીં કરી શકો. આ પ્રકારના કામ તમારા ફાઇનાન્સિયલ પ્લાનને નુકસાન પહોંચાડી શકે છે.
બજારના ઉતાર-ચડાવથી ગભરાઇ જવું
શેર બજારમાં ઉતાર-ચડાવનું જોખમ રહે છે. તેનાથી ગભરાઇને ઘણાં લોકો મ્યુચ્યુઅલ ફંડમાંથી પૈસા ઉપાડી લે છે. કે પછી રોકાણ રોકી લે છે. બજારમાં ઘટાડો હકીકતમાં લોંગ ટર્મ વેલ્થ ક્રિએશનની તક પૂરી પાડે છે. ઘટાડા વચ્ચે રોકાણ ચાલુ રાખવાથી એ જ એમાઉન્ટમાં તમને વધારે યૂનિટ મળશે. કારણ કે પ્રતિ યૂનિટ કોસ્ટ નીચે આવી જશે. બજારમાં તેજી આવવાથી તે તમારા રિટર્નને વધારી દેશે.
કોઇપણ જાતના ગોલ કે પ્લાન વિનાનું રોકાણ
કોઇપણ જાતના ફાઇનાન્સિલ ગોલ વિના રોકાણ કરવું કદાચ સૌથી મોટી ભૂલ છે. રોકાણ કરવામાં આવેલી પાઇ-પાઇની રકમ માટે ફાઇનાન્સિયલ ગોલ હોવું જોઇએ. આનાથી રોકાણકારોને તેમની ઇન્વેસ્ટમેન્ટ જર્નીનો પ્રોગ્રેસ ટ્રેક કરવામાં પણ મદદ મળે છે. દરેક વ્યક્તિએ પોતાના શોર્ટ અને લોંગ ટર્મ ગોલ નક્કી કરી લેવા જોઇએ. શોર્ટ ટર્મ ગોલમાં કાર ખરીદવી કે પરિવાર સાથે રજાઓ ગાળવી. જ્યારે લોંગ ટર્મ ફાઇનાન્સિયલ ગોલમાં ઘર ખરીદવું, બાળકોનો અભ્યાસ અને રિટાયરમેન્ટ પ્લાનિંગ સામેલ હોઇ શકે છે. આવા ગોલને શોર્ટ ટર્મ ગોલ માનવામાં આવે છે. જેના માટે સામાન્ય રીતે તમારે 3 વર્ષની અંદર પૈસાની જરૂર પડે છે. તો લોંગ ટર્મ ગોલ માટે 5 થી 7 વર્ષ કે તેથી ઉપરના રોકાણ આવે છે.
આશા છે કે દિલીપની ભૂલથી પણ તમે કંઇક શિખ્યા હશો. મ્યુચ્યુઅલ ફંડમાં વધુ રિટર્નનો ફાયદો ત્યારે જ મળશે જ્યારે તમે નાની-નાની જરૂરિયાતો માટે પૈસા નહીં ઉપાડો. ધીરજ રાખો અને લાંબા સમય સુધી રોકાણ કરતા રહો. રોકાણ શરૂ કરતા પહેલા તમારે એક ઇમરજન્સી ફંડ બનાવવું જોઇએ. જેમાં ઓછામાં ઓછા છ મહિનાની કમાણી જેટલા પૈસા હોવા જોઇએ જેથી જરૂરિયાત પડે ત્યારે તમે ઇમરજન્સી ફંડમાંથી પૈસા ઉપાડી શકો. અને તમારુ ઇન્વેસ્ટમેન્ટ તૂટવાનો વારો ન આવે. ઇમરજન્સી ફંડ નહીં હોય તો તમે મ્યુચ્યુઅલ ફંડ પર લોન લઇ શકો છો. આ ઉપરાંત સમયાંતરે મ્યુચ્યુઅલ ફંડ પોર્ટફોલિયોનો રિવ્યૂ જરૂર કરો. જેથી ફંડના પર્ફોર્મન્સ પર તમે નજર રાખી શકો. જરૂરિયાત પડે ત્યારે ફંડ બદલી શકો અને ફાઇનાન્સિયલ ગોલના પૂરા થવામાં કોઇપણ પ્રકારનો શોર્ટ ફોલ એટલે કે ઘટાડો થાય તો રોકાણ વધારી શકાય.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો