Money9: મ્યુચ્યુઅલ ફંડમાં જો તમે રોકાણ કરવાનું વિચારી રહ્યા છો તો તમારા મનમાં એક કન્ફ્યુઝન જરૂર થતું હશે કે તમારે મ્યુચ્યુઅલ ફંડમાં SIP કરવી કે લંપસમ ઇન્વેસ્ટ કરવું. આ સવાલ મોટાભાગે ફર્સ્ટ ટાઇમ ઇન્વેસ્ટરને કન્ફ્યુઝ કરે છે. પરંતુ આ સવાલનો જવાબ આપીએ તે પહેલા એ સમજીએ કે તમારે મ્યુચ્યુઅલ ફંડમાં રોકાણ કેમ કરવું જોઇએ. તો આનો જવાબ છે શ્રેષ્ઠ રિટર્ન. બેંક એફડીની સરખામણીએ મ્યુચ્યુઅલ ફંડ તમને વધુ રિટર્ન આપી શકે છે, જો તમે લાંબાગાળા માટે રોકાણ કરો તો..
રોકાણ કેમ કરવું તેનો જવાબ તો તમને મળી ગયો હવે સમજીએ કે કેવી રીતે કરવું. એટલે કે મ્યુચ્યુઅલ ફંડમાં SIP કરવી કે લંપસમ. તો આને સમજતા પહેલા તમારે એ જાણવું જરૂરી છે કે SIP અને લંપસમ બન્નેમા તફાવત શું હોય છે અને તેના શું ફાયદા છે?
SIP એટલે સિસ્ટમેટિક ઇન્વેસ્ટમેન્ટ પ્લાન દ્વારા તમે મ્યુચ્યુઅલ ફંડ સ્કીમમાં હપ્તેથી પૈસા લગાવો છો..suppose દર મહિને, 3-3 મહિને કે 6-6 મહિને. બીજી તરફ લંપસમ એટલે કે એકસાથે રોકાણના વિકલ્પમાં તમે સારીએવી રકમ એકસામટી લગાવો છો.
મ્યુચ્યુઅલ ફંડમાં રોકાણનો એક મોટો ફાયદો કમ્પાઉન્ડિંગ છે. કમ્પાઉન્ડિંગનો અર્થ છે તમે તમારા રોકાણ પર જે રિટર્ન મેળવ્યું છે તે તમારી પ્રિન્સિપલ એટલે કે મુદ્દલ રકમનો હિસ્સો બની જાય છે આ રીતે લાંબાગાળે તમે સારીએવી મૂડી ભેગી કરી શકો છો. તો કેવા લોકો માટે SIP યોગ્ય છે?
મ્યુચ્યુઅલ ફંડમાં SIP નવા રોકાણકારો. ખાસ કરીને યુવા પ્રોફેશનલ, નોકરિયાત, હાઉસ વાઇફ અને સ્ટુડન્ટ માટે સારો ઓપ્શન હોઇ શકે છે.
અહીં 500 રૂપિયા મહિનાથી રોકાણ શરૂ કરી શકો છો. તમે નાની એમાઉન્ટથી SIP ચાલુ કરી શકો છો. અને ધીમે ધીમે વધારી શકો છો.
SIPમાં હંમેશા માર્કેટને ટ્રેક કરવાની જરૂરિયાત નથી હોતી. ઇક્વિટી માર્કેટના ઉતાર-ચડાવથી ગભરાતા લોકો માટે SIP યોગ્ય ઓપ્શન છે.
SIPમાં તમે નક્કી કરેલી રકમ નિયમિત રીતે ઇન્વેસ્ટ કરી શકો છો. આવા સંજોગોમાં બજારમાં ઘટાડાના સમયમાં વધુ યૂનિટ જ્યારે તેજીના સમયમાં ઓછા યૂનિટ મળે છે. જેનાથી પ્રતિ યૂનિટ કોસ્ટ ઘટી જાય છે. આને Rupee Cost Averaging કહેવાય છે.
લંપસમ રોકાણની સરખામણીએ SIPમાં જોખમ ઓછું હોવાનું માનવામાં આવે છે. રિટાયરમેન્ટ પ્લાનિંગ બાળકોનો અભ્યાસ, ઘર ખરીદવા જેવા લાંબાગાળાના ગોલ્સને પૂર્ણ કરવામાં SIP તમારી મદદ કરી શકે છે. તમે તમારે દરેક ગોલ માટે એક ડેડિકેટેડ SIP શરૂ કરી શકો છો. આનાથી તમે તમારા ફાઇનાન્સિયલ ગોલ પર સરળતાથી નજર રાખી શકો છો.
હવે એ સમજીએ કે કેવા લોકો માટે લંપસમ રોકાણ યોગ્ય છે?
ઇક્વિટી મ્યુચ્યુઅલ ફંડમાં લંપસમ એટલે કે એકમુશ્ત રોકાણ એવા લોકો માટે યોગ્ય છે જેમની પાસે વધારે પૈસા છે. આ પૈસા બોનસ, FD મેચ્યોરિટી, પ્રોપર્ટી વેચવા કે ખાનદાની હોઇ શકે છે. આને તરત યોગ્ય જગ્યાએ લગાવવા માટે એકસામટું રોકાણ સારો વિકલ્પ છે. આ ઉપરાંત એવા લોકો જે વધારે રિસ્ક લેવા તૈયાર છે. બજારના ઉતાર-ચડાવને સહન કરી શકે છે. વધારે પૈસા લગાવીને જલદી ફાઇનાન્સિયલ ગોલ પ્રાપ્ત કરવા માંગે છે. તે એકસામટુ રોકાણ કરી શકે છે.
વધતા બજારમાં એકસામટુ રોકાણ SIP કરતા વધુ રિટર્ન આપવાની ક્ષમતા રાખે છે. જો કે આ ત્યારે જ સંભવ છે જ્યારે યોગ્ય સમયે મ્યુચ્યુઅલ ફંડમાં એન્ટ્રી કરો છો. જો તમે ઇક્વિટી માર્કેટમાં ઝડપી ઘટાડાના સમયમાં એક મોટીરકમ એકસામટી એટલે લંપસમ રોકી અને આગળ જઇને જો બજાર સારુ પ્રદર્શન કરે છે તો તમે ઓછા સમયમાં મોટું રિટર્ન પ્રાપ્ત કરી શકો છો.
હકીકતમાં, ઇક્વિટી માર્કેટ ઉતાર-ચડાવથી ભરેલું છે. માર્કેટને ટાઇમ કરવું એટલે કે જાણવું ઘણું જ મુશ્કેલ છે કે બજાર ક્યારે ઘટશે કે વધશે. બજારનો જાણકાર ખેલાડી જ આવો અંદાજો લગાવી શકે છે કે બજાર કઇ દિશામાં જશે.
વધુ રિટર્નની ઇચ્છા વધુ રિસ્કને આમંત્રણ પણ છે. તેમાં પૈસાનું પણ નુકસાન થઇ શકે છે. SIP અને લંપસમ રોકાણ બન્નેના પોતાના ફાયદા છે. લંપસમ અથવા SIPમાંથી રોકાણનું કયું માધ્યમ તમારા માટે યોગ્ય છે.
તે રોકાણની રકમ, જોખમ ઉઠાવવાની ક્ષમતા, રોકાણનો સમયગાળો અને તમારા ફાઇનાન્સિયલ ગોલ્સ પર આધાર રાખે છે. જો તમે બજારના ઉતાર-ચડાવનો ફાયદો ઉઠાવવા માંગો છો અને તમારી પાસે મોટી રકમ છે તો લંપસમ રોકાણ એક સારો વિકલ્પ હોઇ શકે છે. જો તમે જોખમ લેવાથી ડરો છો કે તમારી પાસે રોકાણ માટે મોટી રકમ નથી તો SIP એક સારો વિકલ્પ સાબિત થઇ શકે છે.
સારુ રિટર્ન મેળવવા માટે તમે ઇચ્છો તો SIP દ્વારા રેગ્યુલર અને બજારમાં ઘટાડા દરમિયાન લંપસમ રોકાણ કરી શકો છો. કોઇપણ મ્યુચ્યુઅલ ફંડમાં રોકાણ કરતા પહેલા સંપૂર્ણ રિસર્ચ કરો. ઇક્વિટી મ્યુચ્યુઅલ ફંડમાં રિટર્ન અને રિસ્ક બન્ને છે. ત્યારે અનુભવી ફાઇનાન્સિયલ એડવાઇઝરની સલાહ લો. અને પોતાના પોર્ટફોલિયોનો રેગ્યુલર રિવ્યૂ કરતા રહો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો