Money9: ગયા મહિને, રૂબીના બેંક ખાતામાં ઓછા પૈસા હતા અને મ્યુચ્યુઅલ ફંડ SIPનો હપ્તો બાઉન્સ થઈ ગયો..બેંકે 1180 રૂપિયાની પેનલ્ટી લગાવી દીધી.. તેની હજાર-હજાર રૂપિયાની બે SIP ચાલતી હતી અને તેની પાસેથી એક SIP જેટલી પેનલ્ટી વસૂલવામાં આવી.
રૂબી જેવી ભૂલ તમારાથી ન થાય તે માટે દર મહિને થતી મંથલી એસઆઈપી જેવી નિશ્ચિત ચુકવણીની તારીખને ધ્યાનમાં રાખો, કે જે તારીખે બેંક ખાતામાંથી પૈસા કપાય છે..સુનિશ્ચિત કરો કે તે તારીખે બેંક ખાતામાં પુરતું બેલેન્સ રહે. જો બેલેન્સ ઓછું હશે તો SIPનો હપ્તો તો મિસ થશે જ, સાથે સાથે પેનલ્ટી પણ ચૂકવવી પડશે.
આ પ્રકારના પેમેન્ટ હવે ECS એટલે કે ઇલેક્ટ્રોનિક ક્લિયરિંગ સિસ્ટમ અને NACH એટલે કે નેશનલ ઓટોમેટેડ ક્લિયરિંગ હાઉસ દ્વારા થાય છે. તેમાં બાઉન્સ થવા પર બેંક 250 થી લઇને 500 રૂપિયા સુધીનો દંડ લગાવે છે. આ રકમ પર 18 ટકાના દરે GST પણ વસૂલવામાં આવે છે.
બેંક ECS અને NACH નો ઉપયોગ વારંવાર થતા ઇલેક્ટ્રોનિક ટ્રાન્ઝેક્શન્સ માટે કરે છે. બેંકોમાં પેપરવર્ક ઘટાડવા માટે આ ટેક્નોલોજી અપનાવવામાં આવી હતી. એવું માનવામાં આવતું હતું કે આનાથી બેંકોના ખર્ચમાં ઘટાડો થશે, જેનો ફાયદો ગ્રાહકોને પણ મળશે.. પેમેન્ટમાં સુવિધા તો જરૂર વધી છે પરંતુ પેમેન્ટ બાઉન્સની સ્થિતિમાં ગ્રાહકને મોટી રકમ ચૂકવવી પડી રહી છે. જો કે, જો બેંક ખાતામાં પૂરતી રકમ હોય અને સિસ્ટમમાં ટેકનિકલ ખામીને કારણે પેમેન્ટ બાઉન્સ થાય, તો ગ્રાહક પર કોઈ પેનલ્ટી નથી લાગતી.
SIP પેમેન્ટ મિસ થાય તો મ્યુચ્યુઅલ ફંડ કંપનીઓ ભલે કોઇ પેનલ્ટી ન લે પરંતુ બેંક પોતાની રીતે દંડ વસૂલે છે. બેંકોના દંડની રકમ અલગ-અલગ છે. જો તમારી SIP એકથી વધુ વખત મિસ થઇ જાય છે તો દંડની રકમ વધી શકે છે. દેશની સૌથી મોટી સરકારી બેંક SBI ECS અથવા NACH બાઉન્સ થવા પર 250 રૂપિયાનો દંડ વસૂલે છે. PNB પણ 250 રૂપિયા જ ચાર્જ કરે છે. HDFC પ્રથમ વખત SIP મિસ થાય તો 450 રૂપિયા, બીજીવારમાં 500 રૂપિયા અને ત્રીજી વાર 550 રૂપિયાનો દંડ ફટકારે છે. ICICI બેંક ખાતામાં પૂરતી એમાઉન્ટ ન હોવાના કારણે ECS બાઉન્સ થાય તો 500 રૂપિયાની વન-ટાઇમ પેનલ્ટી લગાવે છે. એક્સિસ બેંક અને કોટક મહિન્દ્રા બેંક પણ ECS બાઉન્સ થવા પર 500 રૂપિયાનો દંડ વસૂલ કરે છે. દંડની રકમમાં 18 ટકાના દરે GST ઉમેરવામાં આવે છે.
જો સતત ત્રણ હપ્તા ચૂકી જવાય, તો મ્યુચ્યુઅલ ફંડ કંપની તમારી SIP બંધ કરી દેશે. તમે આ SIP ને ફરીથી રિન્યુ નહીં કરી શકો. જો કે તમારા પૈસા સુરક્ષિત રહેશે. તમે જ્યારે ઇચ્છો ત્યારે તેને રિડીમ કરી શકો છો.
SIPમાં રૂબી જેવી ભૂલોથી બચવા માટે ડિસિપ્લિનમાં રહેવાની જરૂર છે. સર્ટિફાઇડ ફાઇનાન્શિયલ પ્લાનર સચિન પારેખ કહે છે કે જો તમે પૈસાની બાબતમાં ડિસિપ્લિન્ડ નથી તો રોકાણ માટે અલગથી બેંક એકાઉન્ટ ખોલાવી લો. આ ખાતામાં નેટ બેંકિંગ અને ડેબિટ કાર્ડની સુવિધાનો લાભ ન લેશો. જે ખાતામાં સેલેરી આવે છે તે બેંકમાં સ્ટેન્ડિંગ ઇન્સ્ટ્રક્શન આપી દો. જેનાથી તમારા રોકાણ સાથે જોડાયેલા એકાઉન્ટમાં દર મહિનાની નિશ્ચિત તારીખે પૈસા આવતા રહેશે. જો તમને લાગે કે કેટલાક મહિનાઓ સુધી ફંડની સમસ્યા રહી શકે છે, તો તમે SIPને પોઝ કરી શકો છો એટલે કે અટકાવી શકો છો.
મ્યુચ્યુઅલ ફંડ કંપનીઓ SIPમાં રોકાણના સમગ્ર સમયગાળામાં એકવાર પોઝની સુવિધા આપે છે. આ સુવિધા દ્વારા, SIP 6 મહિના માટે બંધ કરી શકાય છે. ત્યારબાદ તે આપમેળે શરૂ થઇ જશે. જો તમને લાગે છે કે SIP ચલાવવા માટે પૈસાની વ્યવસ્થા નહીં થઇ શકે તો સારું એ રહેશે કે તમે SIPને બંધ કરી દો. મ્યુચ્યુઅલ ફંડ કંપનીઓ SIPને પોઝ અથવા બંધ કરવાની સુવિધાનો કોઈ ચાર્જ લેતી નથી.
જો તમે SIP દ્વારા રોકાણ કરો છો તો રૂબી જેવી ભૂલ ક્યારેય ન કરતા. તમારા બેંક ખાતામાં SIPનો હપ્તો કપાય તે પહેલાં જ પૈસાની વ્યવસ્થા કરો. જો તમે હપ્તો ચૂકી જશો તો બેંકની પેનલ્ટી તો લાગશે જ સાથે જ તમારા રિટર્નને પણ અસર થઈ શકે છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો