Money9: રિયાને એક મ્યુચ્યુઅલ ફંડ કંપની તરફથી ઈમેલ આવ્યો. ઈમેલમાં કોઇ એનએફઓની જાહેરાત હતી જેમાં આ બાબતો લખવામાં આવી હતી. મ્યુચ્યુઅલ ફંડની લોકપ્રિયતા વધી છે. તેમજ ફંડ કંપનીઓની સંખ્યા એટલે કે AMCની સંખ્યા પણ વધી છે. ક્યારેય વિચાર્યું છે કે આ મ્યુચ્યુઅલ ફંડ યોજનાઓ કેવી રીતે અસ્તિત્વમાં આવી? આનો જવાબ છે NFOs એટલે કે ન્યૂ ફંડ ઑફર્સ.
શું રિયાને NFO માં રોકાણ કરવાની જરૂર છે? અથવા ઓપન-એન્ડેડ સ્કીમના યૂનિટ 10 રૂપિયાના ભાવે મળી રહ્યાં છે? ફક્ત આના કારણે જ તે એનએફઓ તરફ ખેંચાઈ રહી છે. શું NFO માં રોકાણ કરતા પહેલા તેમાં જોખમ લેવાની પોતાની ક્ષમતાને ચકાસી છે?
હાલના મ્યુચ્યુઅલ ફંડમાં રોકાણ કરતા રિયા જેવા રોકાણકારો માટે આ મૂંઝવણભરી સ્થિતિ બની શકે છે. કારણ કે આટલા બધા NFO લોન્ચ કરવામાં આવી રહ્યા છે. હવે તે NFOમાં રોકાણ કરે કે વર્તમાન મ્યુચ્યુઅલ ફંડમાં રોકાણ કરવાનું ચાલુ રાખે?
આ ઘણા બધા લોકો માટે એક પ્રશ્ન હોઈ શકે છે. આનો જવાબ શોધતા પહેલા એ સમજવું જરૂરી છે કે NFO શું હોય છે?
વાસ્તવમાં, મ્યુચ્યુઅલ ફંડ કંપની પ્રથમ વખત સબસ્ક્રિપ્શન માટે જ્યારે કોઇ નવી સ્કીમ લોન્ચ કરે છે. તો તેને ન્યૂ ફંડ ઑફર્સ એટલે કે NFO કહેવામાં આવે છે. NFO મ્યુચ્યુઅલ ફંડ કંપનીઓને સિક્યોરિટીઝ ખરીદવા માટે મૂડી એકત્ર કરવામાં મદદ કરે છે. સામાન્ય રીતે NFOની કિંમત 10 રૂપિયા પ્રતિ યુનિટ ફિકસ્ડ હોય છે.
ફંડ મેનેજર વર્તમાન માર્કેટ ટ્રેન્ડને ધ્યાનમાં રાખીને NFO લોન્ચ કરે છે. કોઈપણ રોકાણકારે સૌપ્રથમ એ જાણવું જોઇએ કે NFO બે પ્રકારના હોય છે. ઓપન એન્ડેડ અને ક્લોઝ એન્ડેડ ફંડ્સ. ઓપન એન્ડેડ સ્કીમ હેઠળ રોકાણકારોની પાસે કોઇપણ સમયે સ્કીમમાં એન્ટર કરવા અને એક્ઝિટ કરવાની આઝાદી હોય છે. આનાથી વિરુદ્ધ ક્લોઝ એન્ડેડ ફંડ્સમાં રોકાણકારોની પાસે સીમિત સંખ્યામાં યૂનિય હોય છે અને NFO ક્લોઝ થયા બાદ યૂનિટ ખરીદવાનો વિકલ્પ નથી હોતો.
જો કે, ઓપન-એન્ડેડ ફંડ્સ રોકાણકારો માટે કોઈપણ વર્કિંગ ડે પર નેટ એસેટ વેલ્યુ એટલે કે NAV પર સબ્સ્ક્રિપ્શન કરવા માટે રિ-ઓપન કરવામાં આવે છે. એવા રોકાણકારો જે NFO દરમિયાન યુનિટ નહોતા ખરીદી શક્યા બાદમાં તેઓ પણ ” એક્ઝિસ્ટિંગ મ્યુચ્યુઅલ ફંડ” સ્કીમ હેઠળ યૂનિટ ખરીદી શકે છે.
NFOમાં રોકાણ કરતા પહેલા કેટલીક બાબતોનું ધ્યાન રાખવું જોઈએ. જેમ કે ભૂતકાળના પ્રદર્શનને ધ્યાનમાં રાખવું જરૂરી હોય છે. આ માહિતી ઓફર ડોક્યુમેન્ટમાં હંમેશા સામેલ હોય તે જરૂરી નથી. જો તમે પહેલેથી જ ફંડમાં રોકાણ કરી ચૂક્યા છો તો પહેલા 3 વર્ષ દરેક ક્વાર્ટર તેની સમીક્ષા કરવા પર ધ્યાન આપો.
રિટર્નના ટ્રેન્ડને સમજવા માટે તમે મ્યુચ્યુઅલ ફંડના પ્રદર્શનને ઇન્ડેક્સ અને પીયર એટલે કે તેની સમાન સ્કીમ સાથે તુલના કરી શકો છો. NFOમાં રોકાણ કરવામાં જોખમ હોઈ શકે છે.
હાલના મ્યુચ્યુઅલ ફંડ્સથી તુલનામાં NFOમાં ભૂતકાળની કામગીરીનો ટ્રેક રેકોર્ડ નથી હોતો. જેથી કરીને તમે એસેટ એલોકેશન અને જોખમનું સરળતાથી મૂલ્યાંકન કરી શકો. આ ઉપરાંત તમને એ પણ ખબર નથી હોતી કે ફંડ મેનેજર તમારા પૈસાનો ઉપયોગ કેવી રીતે કરવાનો છે.
કોઈપણ જાતના સ્ટાન્ડર્ડ કે ઇન્ડિકેટર વગર ફંડની સફળતાનું મૂલ્યાંકન કરવું મુશ્કેલ હોઈ શકે છે. તેથી, રોકાણકારોએ ઑફર ડોક્યુમેન્ટ ખૂબ જ કાળજીપૂર્વક વાંચવા જોઈએ.
બીજી બાજુ, હાલના મ્યુચ્યુઅલ ફંડને NFOથી જે ચીજ અલગ કરે છે તે છે બેન્ચમાર્ક, કન્સિસ્ટન્ટ રિટર્ન અને રિટર્ન મુજબ તેમના પ્રદર્શનનો ટ્રેક રેકોર્ડ.
ઝીરોધા ફંડ હાઉસના સીઈઓ વિશાલ જૈન કહે છે કે જ્યારે NFOs અને હાલના મ્યુચ્યુઅલ ફંડ્સ વચ્ચે સરખામણી થાય છે તો એ વાત ધ્યાનમાં રાખવી જોઈએ કે ન્યૂ ફંડ ઑફર્સ ખાસ તકો આપી શકે છે. આમાં મોટાભાગે ઓપન-એન્ડેડ સ્કીમો હોવાથી, વ્યક્તિ બાદમાં ક્યારેય પણ રોકાણ કરવા પર ધ્યાન આપી શકે છે.
બીજી તરફ, હાલના મ્યુચ્યુઅલ ફંડ્સમાં ટ્રેક રેકોર્ડ પણ જોવા મળે છે. જેનાથી તેના ભૂતકાળના પ્રદર્શન વિશે સંપૂર્ણ માહિતી મેળી શકે છે.
અંતમાં અમે એમ કહી શકીએ કે રોકાણકારોએ પોતાની જોખમ લેવાની ક્ષમતા અને રોકાણના હેતુઓ અનુસાર પોતાના માટે રોકાણના વિકલ્પો પસંદ કરવા જોઈએ. જોકે, આગામી મહિનાઓમાં NFOમાં રોકાણ કરવાની ઘણી તકો મળશે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો