Money9 : મ્યુચ્યુઅલ ફંડની લોકપ્રિયતા સતત વધી રહી છે…એટલે જ દેશની તમામ એસેટ મેનેજમેન્ટ કંપનીઓનું એસેટ અંડર મેનેજમેન્ટ એટલે કે એયુએમ કુલ મળીને લગભગ 47 લાખ કરોડ રૂપિયા થઈ ગયું છે… લોકોને મ્યુચ્યુઅલ ફંડમાં ઘણો વિશ્વાસ છે. અને આ વિશ્વાસને કારણે જ ઘણા લોકો તેમાં રોકાણ કરીને ભૂલી જાય છે. પરંતુ તે યોગ્ય નથી… ફંડ હાઉસ કે સ્કીમ ગમે તે હોય, સમયાંતરે તેની સમીક્ષા કરવી જરૂરી છે.
હવે તમારા મનમાં એવો પ્રશ્ન આવશે કે પોતાના ફંડની સમીક્ષા કેવી રીતે કરવી. તો સૌ પ્રથમ એ સમજો કે ફંડનું પ્રદર્શન તમારા ગોલ અનુસાર છે કે નહીં. તમે કોઇ લક્ષ્યને ધ્યાનમાં રાખીને કદાચ ફંડમાં રોકાણ કર્યું હશે તો એ જોવું જરૂરી છે કે ફંડ તેના રિટર્નની સાથે તમારા લક્ષ્યને પ્રાપ્ત કરી શકશે કે નહીં… આની સાથે જ તમારે કેટલીક વધુ મૂળભૂત બાબતો ધ્યાનમાં લેવી પડશે.
પ્રથમ છે પ્રદર્શનનું મૂલ્યાંકન. અહીં જુઓ કે છેલ્લા એક વર્ષ, 3 વર્ષ કે પાંચ વર્ષમાં ફંડે કેવા પ્રકારનું રિટર્ન આપ્યું છે.
જો કોઈ ફંડ રિટર્નની દ્રષ્ટિએ ખરાબ પ્રદર્શન કરી રહ્યું હોય તો તેનું કારણ જાણવાનો પ્રયાસ કરવો પડશે. ઉપરાંત, કોઈએ ફંડમાંથી માત્ર એટલા માટે બહાર નીકળવું ન જોઇએ કારણ કે શોર્ટ ટર્મમાં તેમાં તમને નુકસાન થઈ રહ્યું છે. જો રોકાણ કરેલા ફંડમાં તમને અપેક્ષા અનુસાર રિટર્ન નથી મળી રહ્યું તો પણ તરત એક્ઝિટ ન કરો.
ફંડને અંદાજે 1 થી દોઢ વર્ષ માટે મોનિટર કરો…પોતાની સ્કીમની સમકક્ષ બીજા ફંડ્સની સ્કીમ સાથે પ્રદર્શનની તુલના કરો…
બીજું પરિબળ જોડાયેલું છે બેન્ચમાર્કની ઓળખ સાથે…દરેક ફંડનો એક બેન્ચમાર્ક હોય છે અને તેનો ઉપયોગ ફંડની કામગીરીને માપવા માટે થાય છે.
એક સારું મ્યુચ્યુઅલ ફંડ એને કહેવાય જે બેન્ચમાર્કને સતત બીટ કરી રહ્યું હોય, એટલે કે તે બેન્ચમાર્ક કરતાં વધુ સારું રિટર્ન આપી રહ્યું હોય. મ્યુચ્યુઅલ ફંડ્સ માટે, બેન્ચમાર્ક એ એક પ્રકારનો ઇન્ડેક્સ હોય છે. આમાં, શેર અથવા અન્ય સિક્યોરિટીઝનું ગ્રુપ બનાવવામાં આવે છે. અને એક ચોક્કસ ફોર્મ્યુલાના આધારે ઇન્ડેક્સનું મૂલ્ય નક્કી કરવામાં આવે છે.
ઉદાહરણ તરીકે બીએસઈ સેન્સેક્સ પણ એક બેન્ચમાર્ક છે, જેમાં 30 શેરનો સમાવેશ થાય છે… જો સેન્સેક્સને બેન્ચમાર્ક માનનારી કોઇ સ્કીમ સતત આનાથી સારુ રિટર્ન આપી રહી હોય તો તેને સારી સ્કીમ ગણવામાં આવશે. ત્રીજી મહત્વની બાબત એ છે કે તમારે ફંડ મેનેજર પર નજર રાખવી જોઈએ. જો કોઇ ફંડના સિનિયર મેનેજમેન્ટ લેવલમાં વારંવાર ફેરફારો થઇ રહ્યા હોય તો તે ફંડનું મેનેજમેન્ટ સક્ષમ ન હોવાનો સંકેત દર્શાવે છે.
ફંડ મેનેજરમાં ફેરફાર સંબંધિત સમાચારો પર નજર રાખો…કારણ કે જ્યારે નવો ફંડ મેનેજર આવે છે ત્યારે તેની રોકાણ શૈલી પણ બદલાઈ જાય છે. એ પણ જુઓ કે ફંડ મેનેજરનો કાર્યકાળ આગળ ઓછામાં ઓછા 3 વર્ષ સુધી ચાલુ રહે..ઉપરાંત એની પર પણ નજર રાખો કે ફંડ મેનેજર પોર્ટફોલિયોમાં કેવા ફેરફારો કરે છે… તમને આ બધી માહિતી ફંડની વેબસાઈટ પર મળી જશે.
સર્ટિફાઇડ ફાઇનાન્શિયલ પ્લાનર જીતેન્દ્ર સોલંકી કહે છે… મ્યુચ્યુઅલ ફંડની સમીક્ષા તમારા નાણાકીય લક્ષ્યો અનુસાર થવી જોઈએ…એ જુઓ કે રિટર્ન તમારા લક્ષ્યો અનુસાર છે કે નહીં. એ પણ જુઓ કે ફંડ કેટલું ડાઉનસાઈડ પ્રોટેક્શન પૂરું પાડે છે… તે તેના સમકક્ષની સરખામણીમાં કેવું પ્રદર્શન કરે છે. AMCની રોકાણ ટીમ અને તેમની ફિલસૂફી કેવી છે. અને તેઓ પોર્ટફોલિયોમાં કેવો ફેરફાર કરે છે. ત્યારબાદ જ કોઈ નિર્ણય લો.
ડિજિટલ ઇન્ફોર્મેશનના આજના યુગમાં રોકાણ અને પોર્ટફોલિયોના પ્રદર્શન પર નજર રાખવી સરળ છે… ઘણી વેબસાઇટ્સ અને એપ્સ છે જ્યાંથી તમે મ્યુચ્યુઅલ ફંડના પ્રદર્શન વિશે માહિતી મેળવી શકો છો.
ઘણી ટીવી ચેનલો અને ન્યૂઝપેપર પણ સમયાંતરે મ્યુચ્યુઅલ ફંડની સમીક્ષાઓ રજૂ કરતી રહે છે. તમે કોઇ ફંડની ફેક્ટ શીટનો ઉપયોગ કરીને પણ તમારા રોકાણને ટ્રેક કરી શકો છો…ફેક્ટ શીટ એ એક પાનાનો બેઝિક ડોક્યુમેન્ટ હોય છે જેમાં સ્કીમનું પ્રદર્શન અને પોર્ટફોલિયો વિશેની માહિતી હોય છે અને તે મ્યુચ્યુઅલ ફંડ્સ દર મહિને પ્રકાશિત કરે છે. આ ઉપરાંત તમે AMFIની વેબસાઈટ પરથી પણ કોઈપણ ફંડના પ્રદર્શન વિશે માહિતી મેળવી શકો છો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો