Money9: એસોસિએશન ઓફ મ્યુચ્યુઅલ ફંડ્સ ઇન ઇન્ડિયા એટલે કે એમ્ફીના આંકડા અનુસાર છેલ્લા એક વર્ષમાં ઇન્ડેક્સ ફંડ્સનું નેટ એસેટ અંડર મેનેજમેન્ટ લગભગ 181 ટકા વધીને 1.29 લાખ કરોડ રૂપિયા પર પહોંચી ગયું છે. પરંતુ આ સમયગાળા દરમિયાન ઇન્ડેક્સ ફંડ્સનું રિટર્ન ઘણું ખરાબ રહ્યું છે. ઘણાં ફંડ્સે તો નેગેટિવ રિટર્ન આપ્યું છે.
ઇન્ડેક્સ ફંડ શું હોય છે?
જો કોઇ રોકાણકાર પેસિવ મ્યુચ્યુઅલ ફંડમાં રોકાણ કરવા માંગે છે તો તેની પાસે આજે બે વિકલ્પ છે. પહેલો છે ઇન્ડેક્સ ફંડ્સ અને બીજો છે એક્સચેન્જ ટ્રેડેડ ફંડ એટલે કે ETFનો. ઇન્ડેક્સ ફંડ કોઇ અંડરલાઇંગ બેન્ચમાર્કને કોપી કરે છે. એટલે કે કોઇ ઇન્ડેક્સ શેરોમાં તે જ રેશિયોમાં રોકાણ કરે છે જેટલું વેઇટેજ તે શેર તે ઇન્ડેક્સમાં રાખે છે. ઉદાહરણ તરીકે નિફ્ટી 50 ઇન્ડેક્સ ફંડ્સ, નિફ્ટી 50 કંપનીઓમાં રોકાણ કરે છે. આજ રીતે સેન્સેક્સ ઇન્ડેક્સ ફંડ્સ સેન્સેક્સની 30 કંપનીઓમાં રોકાણ કરે છે.
ઇન્ડેક્સ ફંડ દ્વારા રોકાણકાર ખુબ સરળ રીતે પોતાના રોકાણમાં ડાયવર્સિફિકેશનનો ફાયદો ઉઠાવી શકે છે. ઇન્ડેક્સ ફંડમાં રોકાણ સૌથી સુરક્ષિત રણનીતિઓમાંનું એક માનવામાં આવે છે. આ ઉપરાંત એક્ટિવ મ્યુચ્યઅલ ફંડ્સ સાથે તુલના કરીએ તો ઇન્ડેક્સ ફંડમાં ખર્ચ પણ ઓછો થાય છે.
આ ઉપરાંત ઇન્ડેક્સ ફંડ્સમાં રોકાણ કરવાનું એક મોટું નુકસાન એ પણ હોય છે કે તેમાં રોકાણ માટે પેસિવ સ્ટાઇલ અપનાવવામાં આવે છે. એટલે તેમાં સુગમતા ઓછી હોય છે. એક્ટિવ ફંડમાં ફંડ મેનેજર સક્રિયતા દર્શાવતા બજારમાં ઘટાડાના સમયે કે અર્થવ્યવસ્થામાં કોઇ ઉલટફેરના સમયમાં પોર્ટફોલિયોના શેરમાં ફેરફાર કરી નાંખે છે અને રોકાણકારને જોખમથી બચાવી લે છે. પરંતુ પેસિવ ફંડ્સમાં આવી શક્યતા નથી હોતી. તેમાં નિષ્ક્રિયતા હોય છે, કારણ કે તે ફક્ત ઇન્ડેક્સને ફોલો કરે છે અને શેરોની ફાળવણીમાં ફેરફાર નથી કરતા. હવે અહીં બે સવાલ ઉભા થાય છે. પહેલો એ કે શીતલ જેવા જુના રોકાણકાર શું કરે જે એક વર્ષના નેગેટિવ રિટર્નના કારણે પરેશાન છે? બીજું એ કે નવા રોકાણકારોએ શું આ ફંડ્સમાં રોકાણ કરવું જોઇએ?
આ આખી સ્ટોરી પર ધ્યાન આપીએ તો શીતલે બે ભૂલો કરી છે
શીતલની પહેલી મોટી ભૂલ એ છે કે તેણે પોતાના બધા પૈસા એક જ ફંડમાં લગાવી દીધા અને તે પણ ઇન્ડેક્સ ફંડમાં…કોઇપણ રોકાણકાર પોર્ટફોલિયોમાં ચાર-પાંચ સ્કીમ્સ હોવી જોઇએ..તેણે પોતાનું રોકાણ ડેટ અને ઇક્વિટી ફંડમાં ડિવાઇડ કરવું જોઇએ..જો કોઇ પેસિવ ઇન્વેસ્ટર છે તો જ પોતાના ઇક્વિટી પોર્ટફોલિયોનો વધુમાં વધુ હિસ્સો ઇન્ડેક્સ ફંડમાં લગાવી શકે છે. એટલે કે કુલ મળીને કહીએ તો જો કોઇએ 4 કે 5 SIP શરુ કરીને રાખી છે તો એક કે બે SIP જ ઇન્ડેક્સ ફંડ માટે કરવી જોઇએ.
શીતલની બીજી ભૂલ એ હતી કે તેણે જૈન સાહેબની વાત માનીને ઇન્ડેક્સ ફંડમાં પૈસા તો લગાવી દીધા.. પરંતુ તેમની પૂરી વાત ન સમજી શકી..લાંબાગાળાના દ્રષ્ટિકોણવાળા સાધનમાં એક વર્ષના રિટર્નને જોઇને તે પરેશાન થઇ ગઇ…જ્યાં તેને ઓછામાં ઓછા 3થી 5 વર્ષ સુધી રોકાણ કરવાની સલાહ આપવામાં આવી હતી.
તો કુલ મળીને વાત એમ છે કે જો તમે પણ ઇન્ડેક્સ ફંડમાં પૈસા લગાવો છો કે લગાવવાનું વિચારી રહ્યા છો તો શીતલની જેમ આ ભૂલ ન કરો અને પોતાના પૂરા પૈસા એક જ ફંડમાં ન નાંખો. લાંબાગાળાના દ્રષ્ટિકોણની સાથે MFનો મજબૂત પોર્ટફોલિયો બનાવવા માટે અલગ-અલગ પ્રકારના ફંડ્સની પસંદગી કરો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો