વિશ્વની અગ્રણી ચીપ કંપનીઓ ભારતમાં રોકાણ કરવા માટે અને ચીપ મેન્યુફેક્ચરિંગ પ્લાન્ટ સ્થાપવા માટે કટિબદ્ધ છે. ગાંધીનગર ખાતે શરૂ થયેલા સેમિકોન ઈન્ડિયા કાર્યક્રમમાં અગ્રણી કંપનીઓએ જાહેરાત કરી છે.
વેદાંતાએ ગુજરાતમાં સેમિકન્ડક્ટર પ્લાન્ટ માટે ટેકનોલોજી પાર્ટનર શોધી લીધો છે અને ટૂંક સમયમાં ભાગીદારીની જાહેરાત થઈ શકે છે. વેદાંતા સેમિકન્ડક્ટર પ્લાન્ટ સ્થાપવા માટે કટિબદ્ધ હોવાનું ચેરમેન અનિલ અગરવાલે જણાવ્યું છે.
તાઈવાનની અગ્રણી કોન્ટ્રાક્ટ મેન્યુફેક્ચરિંગ કંપની Foxconn ગુજરાતમાં સેમિકન્ડક્ટર પ્લાન્ટ સ્થાપવા માટે રાજ્ય સરકાર સાથે વાટાઘાટ કરી રહી છે. જો ફોક્સકોન પણ ગુજરાતમાં પ્લાન્ટ સ્થાપશે તો ગુજરાતને મોટો ફાયદો થશે.