Money9 Gujarati: દેશમાં ક્રેડિટ કાર્ડ (credit card) નું ચલણ ઝડપથી વધી રહ્યું છે. મોંઘા ક્રેડિટ કાર્ડ સાંભળીને તમને લાગશે કે 10-20 હજાર રૂપિયાની જોઇનિંગ ફી/વાર્ષિક ફી (Joining Fee/Annual Fee) સાથેનું કોઇ કાર્ડ હશે. પરંતુ આનાથી પણ વધુ મોંઘા ક્રેડિટ કાર્ડ્સ આવે છે જેને અલ્ટ્રા પ્રીમિયમ ક્રેડિટ કાર્ડ (Ultra Premium Credit Card) કહેવામાં આવે છે. આવા કાર્ડની જોઇનિંગ અને એન્યુઅલ ફી બંને 40 થી 60 હજાર રૂપિયાથી શરૂ થાય છે. એવા પણ કાર્ડ છે જેની ફી લાખો રૂપિયા છે. છેવટે, શું હોય છે અલ્ટ્રા પ્રીમિયમ ક્રેડિટ કાર્ડ, કોના માટે યોગ્ય છે અને તેના શું છે તેના નફા-નુકસાન? આવો સમજીએ-
અલ્ટ્રા પ્રીમિયમ ક્રેડિટ કાર્ડ વાસ્તવમાં લાઇફસ્ટાઇલ કાર્ડ્સ છે. આ કાર્ડ્સના મુખ્ય ફાયદા હોટેલ મેમ્બરશિપ, ડાઇનિંગ પ્રોગ્રામ અને આની પર અપગ્રેડ્સ, એરપોર્ટ આસિસ્ટન્સ જેવી ચીજો છે. હવે આને કેટલાક કાર્ડ્સના ઉદાહરણ દ્વારા સમજીએ-
સૌથી પહેલી વાત Axis Reserve કાર્ડની કરીએ. આ કાર્ડની એન્યુઅલ અને રિન્યુઅલ ફી બન્ને 59,000 રૂપિયા છે. 35 લાખ રૂપિયાના વાર્ષિક ખર્ચ પર આ ફી વેવ એટલે કે માફ થઇ જાય છે. આમાં, જોઇનિંગ અને રિન્યુઅલ બોનસ તરીકે 50,000 રૂપિયાના રિવોર્ડ પોઈન્ટ આપવામાં આવે છે. આનો અર્થ છે 10,000 રૂપિયાની કિંમતના ગિફ્ટ વાઉચર તમને મળશે.
એક બીજું કાર્ડ લઈએ. એમેક્સ પ્લેટિનમ ચાર્જ કાર્ડ. તેની એન્યુઅલ અને રિન્યુઅલ ફી બંને 70,800 રૂપિયા છે. આમાં ફી વેવનો કોઇ વિકલ્પ નથી. એટલે કે તમારો વાર્ષિક ખર્ચ ગમે તેટલો હોય, તમારે આ ફી ચૂકવવી જ પડશે. બેનિફિટની વાત કરીએ તો, 1.35 લાખ મેમ્બરશિપ રિવોર્ડનો વેલકમ બેનિફિટ મળે છે જેની કિંમત 67,000 થી 1.35 લાખ રૂપિયાની વચ્ચે છે.
તો આ બે ઉદાહરણો પરથી તમે જાણી ગયા હશો કે અલ્ટ્રા પ્રીમિયમ ક્રેડિટ કાર્ડની સાથે કેટલી ફી લેવામાં આવે છે અને બેનિફિટ કેવા મળે છે. આવી જ સ્થિતિ વત્તાઓછા અંશે બીજા કાર્ડ્સની પણ છે. હવે આ કાર્ડ કઇ પરિસ્થિતિમાં ફાયદાકારક છે..ચાલો એ પણ સમજી લઇએ.
– જો તમે વારંવાર ટ્રાવેલ કરો છો તો હોટેલ બુકિંગ આસિસ્ટન્સ, એરપોર્ટ આસિસ્ટન્સ જેવી સુવિધાઓ તમારા કામમાં આવી શકે છે.
– જો તમે માત્ર લક્ઝરી હોટલોમાં જ રોકાઓ છો, તો આ કાર્ડની સાથે મળતા અપગ્રેડ અને મેમ્બરશિપ તમારા કામના હોઈ શકે છે.
– જો કાર્ડની સાથે તમને કામના વેલકમ બેનિફિટ મળે છે અથવા ફી માફીનો વિકલ્પ મળે છે, તો આ કાર્ડ તમારા કામનું હોઈ શકે છે.
– લાઇફસ્ટાઇલ બેનિફિટ્સથી તમને સંપૂર્ણ લાભ મળી રહ્યો હોય. એટલે કે તમે બધા લાભો લઈ રહ્યા છો.
– આ કાર્ડ્સના ગેરફાયદાની વિશે વાત કરીએ તો, જે કાર્ડ્સમાં ફી વેવર નથી મળતું તે બીજા વર્ષથી મોંઘા થઈ શકે છે… કારણ કે જરૂરી નથી કે વેલકમ બેનિફિટ એક્સટેન્ડ થાય. આવી સ્થિતિમાં, એક વર્ષ સુધી કાર્ડનો ઉપયોગ કર્યા બાદ તેને કેન્સલ કરવું વધુ સારું રહેશે કારણ કે તમે વેલકમ બેનિફિટ વગર ફીની સંપૂર્ણ વેલ્યૂ વસૂલ નહીં કરી શકો.
હાં, રેગ્યુલર સ્પેન્ડિંગની સાથે તમે રિવોર્ડ પોઇન્ટ પ્રાપ્ત કરી શકો છો જેને એર માઈલ્સ અથવા હોટેલ લોયલ્ટી પોઈન્ટ્સમાં બદલી શકાય છે, પરંતુ તેના માટે તમારે વાર્ષિક ઘણો ખર્ચ કરવો પડશે.
આ રીતે, અલ્ટ્રા પ્રીમિયમ ક્રેડિટ કાર્ડ એવા લોકો માટે યોગ્ય છે કે જેનો વાર્ષિક ખર્ચ ઘણો વધારે છે અને જેઓ હોટલ, ફ્લાઈટ્સ વગેરેમાં પોતાના માટે એક લક્ઝુરિયસ એક્સપીરિયન્સ ઈચ્છે છે. એટલે કે આ કાર્ડ બધા માટે નથી.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો