Money9: પ્રથમ તેના પરિવાર સાથે સિંગાપુર જઈ રહ્યો છે… પ્લાનિંગ કરતી વખતે થોડો મૂંઝવણમાં છે. કન્ફ્યુઝન એ વાતને લઇને છે કે ટ્રિપ દરમિયાન ડેબિટ કાર્ડ વાપરવું કે પછી ક્રેડિટ કાર્ડ… ફોરેન ટ્રિપનું પ્લાનિંગ કરવું સહેલી વાત નથી. ટિકિટ બુક કરાવવી, કયા સ્થળોએ ફરવાનું છે, કઈ હોટેલમાં રહેવાનું છે વગેરે જેવી ઘણી બાબતો અગાઉથી નક્કી કરવી પડે છે. ત્યારબાદ એક બીજો મોટો નિર્ણય લેવામાં આવે છે અને તે ખર્ચ સાથે સંબંધિત છે.
જે લોકો વિદેશ પ્રવાસે જાય છે તેઓ એવી દુવિધામાં રહેતા હોય છે કે ઓવરસ્પેન્ડિંગથી બચવા માટે ડેબિટ કાર્ડનો ઉપયોગ કરવો કે પછી ક્રેડિટ કાર્ડનો? ક્રેડિટ કાર્ડથી TCS એટલે કે એક્સ કલેક્ટેડ એટ સોર્સથી બચવામાં મદદ મળે છે. પ્રશ્ન એ પણ છે કે ડેબિટ અથવા ક્રેડિટ કાર્ડનો ઉપયોગ વિદેશમાં કરતી વખતે કયા ચાર્જિસ ચૂકવવા પડશે?
વિદેશ પ્રવાસનું આયોજન કરતી વખતે પ્રથમની જેમ તમારા મનમાં પણ આવા પ્રશ્નો આવી શકે છે. તો ચાલો સમજીએ કે વિદેશ પ્રવાસ માટે શું યોગ્ય વિકલ્પ છે?
સૌથી પહેલા જે વાત ધ્યાનમાં રાખવાની છે તે એ કે ડેબિટ કાર્ડ દ્વારા ખર્ચ કરવાનો અર્થ એ છે કે પૈસા તરત તમારા બેંક ખાતામાંથી કપાઈ જશે…તેથી જો તમે વિદેશમાં તમારા ખર્ચને નિયંત્રિત કરવા માંગો છો તો ડેબિટ કાર્ડ યોગ્ય વિકલ્પ છે. બીજી બાજુ, ક્રેડિટ કાર્ડ ત્યારે મદદરૂપ થાય છે જ્યારે વિદેશમાં તમારા ખિસ્સા રોકડ અથવા ખાતામાં પૈસા ઓછા પડતા હોય. આ ઉપરાંત, ક્રેડિટ કાર્ડ સાથે 45 થી 50 દિવસનો ઇન્ટરેસ્ટ ફ્રી પીરિયડ મળે છે…તો આને ધ્યાનમાં રાખીને, તમે પછીથી બિલની ચુકવણી કરી શકો છો.
હવે આપણે વિવિધ ચાર્જિસની વાત કરીએ… ડેબિટ અથવા ક્રેડિટ કાર્ડ દ્વારા વિદેશમાં કરવામાં આવતા દરેક ખર્ચ પર માર્કઅપ ફી લેવામાં આવે છે, જે સામાન્ય રીતે ટ્રાન્ઝેક્શન વેલ્યૂના 1 ટકા હોય છે. એટલે કે 1,000 રૂપિયાના ટ્રાન્ઝેક્શન પર માર્ક ફી 10 રૂપિયા હશે.
ભારતની બહાર ડેબિટ અથવા ક્રેડિટ કાર્ડનો વપરાશ પર ચુકવણી મોટે ભાગે વિદેશી કરન્સીમાં થાય છે. કાર્ડ પર ટ્રાન્ઝેક્શનની વેલ્યૂ રૂપિયામાંથી જે તે દેશની કરન્સીમાં કન્વર્ટ થાય છે. આમાં, દરેક ટ્રાન્ઝેક્શન સાથે ફોરેક્સ કન્વર્ઝન ફી લેવામાં આવે છે જે સામાન્ય રીતે 3.5 ટકા સુધી હોય છે.
વિદેશમાં ક્રેડિટ કાર્ડનો ઉપયોગ કરીને ATMમાંથી પૈસા ઉપાડતી વખતે ઇન્ટરેસ્ટ ચાર્જ ઉપરાંત ચેન્જ ઓફ ફોરેન કરન્સી ટ્રાન્ઝેક્શન ફી, વિડ્રોઅલ ફી કે કેશ એડવાન્સ ફી પણ આપવી પડે છે. આ રીતે ટ્રાન્ઝેક્શન પર ઉપાડવામાં આવેલી રકના 3.5 ટકા સુધીની કેશ એડવાન્સ ફી, રિવોલ્વિંગ ક્રેડિટ પર 42 ટકા વાર્ષિક અથવા 3.5 ટકા માસિક ઇન્ટરેસ્ટ ચાર્જ અને ટ્રાન્ઝેક્શન વેલ્યૂના 3.5 ટકા સુધીની ફોરેન કરન્સી ટ્રાન્ઝેક્શન ફી વસૂલવામાં આવશે.
જ્યારે ડેબિટ કાર્ડ દ્વારા એટીએમમાંથી પૈસા ઉપાડવામાં આવે તો એક ફ્લેટ વિડ્રોઅલ ફી લાગશે જે સામાન્ય રીતે ક્રેડિટ કાર્ડ પર લાગતી કેશ વિડ્રોઅલ ફી કરતા ઘણી ઓછી હોય છે. દરેક ટ્રાન્ઝેક્શનની સાથે સામાન્ય રીતે 125 થી 150 રૂપિયાની ફ્લેટ વિડ્રોઅલ ફી લાગે છે.
તેથી એ વાત તો સ્પષ્ટ છે કે જો તમને તાત્કાલિક રોકડની જરૂર છે અને તમારા બેંક ખાતામાં પૈસા છે તો ડેબિટ કાર્ડનો ઉપયોગ કરો અને ATMમાંથી પૈસા ઉપાડવા માટે ક્રેડિટ કાર્ડનો ઉપયોગ કરવાનું ટાળો.
TCSની દૃષ્ટિકોણથી જો આપણે ડેબિટ કાર્ડ અને ક્રેડિટ કાર્ડને જોઇએ તો, આ વર્ષે ઓક્ટોબર 2023 થી TCS સંબંધિત નવો નિયમ અમલમાં આવ્યો છે. નિયમો હેઠળ કોઈ એક નાણાકીય વર્ષમાં 7 લાખ રૂપિયાથી વધુ ખર્ચ કરવામાં આવે તો લોકોએ TCS ચૂકવવો પડશે. એક નાણાકીય વર્ષમાં ડેબિટ કાર્ડ દ્વારા 7 લાખ રૂપિયા સુધીના ખર્ચ પર કોઈ TCS નહીં લાગે. તો ઇન્ટરનેશનલ ક્રેડિટ કાર્ડથી લિબરલાઈઝ્ડ રેમિટન્સ સ્કીમ એટલે કે LRSને બહાર રાખવામાં આવી છે, તેથી ક્રેડિટ કાર્ડ પર કોઈપણ જાતનો TCS ચૂકવવાનો રહેશે નહીં.
એકંદરે, વિદેશમાં ખર્ચ કરતી વખતે ગણતરી કરી લો અને ચેક કરી લો કે તમારે ડેબિટ અથવા ક્રેડિટ કાર્ડ પર કેટલો વધારાનો ચાર્જ ચૂકવવો પડશે. ત્યારબાદ જ નક્કી કરો કે કયા કાર્ડનો ઉપયોગ કરવાનો છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો