MONEY9: પુલકિત પોતાના પરિવારમાં એકમાત્ર કમાનાર વ્યક્તિ છે. તે એક સારી જગ્યાએ નોકરી કરતો હતો પરંતુ અચાનક એક દિવસ કંપનીમાં છટણી થઇ અને પુલકિત તેની ઝપટમાં આવી ગયો. કંપનીએ સેવરન્સ પેકેજ પણ આપ્યું પરંતુ તે એકાદ મહિના માટે પુરતું હતું. હવે નોકરી છૂટ્યાને કેટલાક મહિના થઇ ગયા છે અને પૈસાની તકલીફ શરૂ થઇ ગઇ છે.
નોકરી જવી, બીમારી આવવી કે કોઇ ઇમર્જન્સી, આ પ્રકારના સંજોગોનો સામનો કરવા માટે જ લોકો ઇમર્જન્સી ફંડ બનાવે છે. એટલે જો તમે નથી ઇચ્છતા કે તમે પણ પુલકિત જેવા સંજોગોનો શિકાર બનો તો આ ખાસ રિપોર્ટ તમારા માટે છે. ખરાબ સમય જણાવીને નથી આવતો, એટલે તેનો સામનો કરવા માટે હંમેશા એક ફંડ તૈયાર રાખવું જોઇએ. જો તમારી પાસે કોઇ ઇમર્જન્સી ફંડ નથી તો હજુ પણ મોડું નથી થયું, તમે શરૂઆત કરી શકો છો.
ઇમર્જન્સી ફંડ કોઇ ફાઇનાન્સિયલ પ્લાનનો જરૂરી હિસ્સો હોય છે. આવું ફંડ એ સુનિશ્ચિત કરે છે કે કોઇ ઇમર્જન્સી દરમિયાન તમારી બેઝિક લાઇફસ્ટાઇલ પર અસર ન પડે અને તમે કોઇપણ જાતના દેવા વગર તે સ્થિતિનો સામનો કરી શકો.
ઇમર્જન્સી ફંડ કેટલું મોટુ હોય?
ઇમર્જન્સી ફંડની સાઇઝ ઘણી ચીજો પર આધાર રાખે છે. જેવી કે તમારી ઇનકમ, લાઇફસ્ટાઇલ, તમારા પર આધારિત લોકોની સંખ્યા, લોન વગેરે. થંબ રુલ એ છે કે તમારી પાસે 3 થી 6 મહિના સુધીના ઘર ખર્ચ જેટલી રકમનું ફંડ હોવું જોઇએ. પરિવારમાં બાળકો છે અને તમે એકમાત્ર કમાનારા વ્યક્તિ છો તો આ રકમ ઓછામાં ઓછી 6 મહિનાના ખર્ચ બરાબર હોવી જોઇએ.
ઇમર્જન્સી ફંડ માટે લાખો રૂપિયા અલગ રાખવાનું ભલે મુશ્કેલ લાગે પરંતુ યોગ્ય પ્લાનિંગ, નાણાકીય સમજદારી અને સ્ટેપ બાય સ્ટેપ કામ કરીને તમે સરળતાથી ફંડ બનાવી શકો છો. આના માટે જરૂરી છે કે દર મહિનાનું એક લક્ષ્ય બનાવી લો અને કેટલીક રકમ આ ફંડમાં નાંખતા રહો. આનાથી સેવિંગની ટેવ તો બનશે સાથે જ પૈસા જમા થતા રહેશે. આના માટે એક અલગ એકાઉન્ટ બનાવો જેમાં તમારુ મંથલી કોન્ટ્રીબ્યૂશન ડિપોઝિટ થતુ જાય.
બિનજરૂરી ખર્ચા પર કન્ટ્રોલ કરો, જેમ કે અવારનવાર બહાર ખાવાના બદલે ક્યારેક જ બહારનું ખાઓ, ફાલતુના શોપિંગથી બચો વગેરે. આનાથી તમારા સેવિંગ ગોલ્સ પૂરા થવાની સાથે જ ફંડ કોન્ટ્રિબ્યૂશનને વધારવામાં મદદ મળશે.
ઇમર્જન્સી ફંડમાં લમસમ એમાઉન્ટનો એક હિસ્સો નાંખી શકો છો. ઓફિસમાં મળેલું બોનસ, ટેક્સ રિફંડ કે કોઇ અન્ય રકમ મળે તો તેનો એક નાનકડો હિસ્સો ખર્ચ કરો અને બાકી રકમ ઇમર્જન્સી ફંડમાં નાંખી દો.
હવે એ જાણવું પણ જરૂરી છે કે આ ફંડને મેનેજ કેવી રીતે કરવું. તેના માટે સિક્યોરિટી, એક્સેસિબિલિટી અને લિક્વિડિટીનું ધ્યાન રાખો. સિક્યોરિટી એટલે કે ફંડને એવી કોઇ જગ્યાએ ન નાંખો જ્યાં શોર્ટ ટર્મમાં કેપિટલ લોસ થવાનું જોખમ હોય. જેમ કે પૈસા શેર માર્કેટ કે ઇક્વિટી આધારિત મ્યુચ્યુઅલ ફંડમાં ન લગાવો.
એક્સેસિબિલિટી એટલે કે એ વાતનું ધ્યાન રાખો કે ઇમર્જન્સી ફંડ તત્કાળ ખર્ચ માટે હંમેશા ઉપલબ્ધ હોય. લિક્વિડિટીનું ધ્યાન રાખવું પણ જરૂરી છે. એટલે કે તમે તમારા રોકાણને કેટલું જલદી કેશમાં કન્વર્ટ કરી શકો છો. લોંગ ટર્મમાં ડિપોઝિટ, પીએફ કે એનએસસી વગેરે તમારુ ઇમર્જન્સી ફંડ ન હોઇ શકે કારણ કે તમે ચોક્કસ સમયગાળા પહેલા તેમાંથી પૈસા નહીં ઉપાડી શકો.
ટિપ-1
ઇમર્જન્સી ફંડ માટે 15:15:70નો રેશિયો નક્કી કરી લો. એટલે કે 15 ટકા હિસ્સો કેશમાં રાખો, 15 ટકા બેંક એકાઉન્ટમાં અને 70 ટકા કોઇ શોર્ટ ટર્મ ડિપોઝિટ કે લિક્વિડ મ્યુચ્યુઅલ ફંડમાં નાંખો, જેનાથી તમારા ઇમર્જન્સી ફંડમાં એક બેલેન્સ બની રહેશે.
ટિપ-2
તમે 6 મહિના કે એક વર્ષનું Recurring Deposit account (રિકરિંગ ડિપોઝિટ એકાઉન્ટ) એટલે કે RD ખોલી શકો છો. આમાં તમારા સેવિંગ એકાઉન્ટમાંથી દર મહિને પૈસા ક્રેડિટ થતા રહેશે. આરડી મેચ્યોર થશે ત્યારે વ્યાજ સાથે મળનારી રકમથી ઇમર્જન્સી ફંડ બનાવી શકો છો.
ટિપ-3
ઇમર્જન્સી ફંડમાં સમય અને જરૂરિયાતના હિસાબે ફેરફાર કરો. વધતી મોંઘવારીની સાથે તમારો ખર્ચ સમયની સાથે બદલાઇ શકે છે. આવું એટલા માટે કારણ કે એક વર્ષ પહેલા 6 મહિનાના ખર્ચ બરાબરનું ઇમર્જન્સી ફંડ અત્યારે કદાચ પૂરતું ન પણ હોય.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો