Money9: કોરોનાનો કહેર હળવો થયા બાદ પ્રૉપર્ટી માર્કેટમાં બૂમ છે. લોકોમાં ઘર ખરીદવાની ઇચ્છા વધવાથી મકાનોની માંગ વધી છે. સોફ્ટવેર કંપનીમાં કામ કરતો નિતેશ ઘર લેવાનું વિચારી રહ્યો છે. બિલ્ડર અને બ્રોકરના ચક્કરો લગાવીને થાકી ગયો છે. રેડી-ટૂ-મૂવ કે અંડર-કન્સ્ટ્રક્શન ફ્લેટમાંથી કયા ખરીદવા તેને લઇને તે કન્ફ્યૂઝ છે. મકાન-દુકાનનો આ રિપોર્ટ લાખો લોકોની આવી મુંઝવણને દૂર કરવાનો પ્રયાસ છે.
રેડી-ટૂ-મૂવ એટલે શું
નિર્જીવ પડેલી ઇમારતો અને પ્રદર્શન કરી રહેલા ઘર ખરીદનારાઓને જોઇને રેડી-ટૂ—મૂવ ફ્લેટ ખરીદવાનું ઉચિત લાગે છે. સામાન્ય રીતે આવા ફ્લેટ રિસેલમાં વેચવામાં આવે છે. એટલે કે કોઇએ ડેવલપર પાસેથી ખરીદ્યો અને બાદમાં તેને વેચી દીધો. રેડી-ટૂ-મૂવ એટલે કે તૈયાર મકાનની ખાસિયત એ છે કે તમે તરત શિફ્ટ થઇ શકો છો. GST સહિત બીજા ચાર્જિસ નથી આપવા પડતા. જો તમે હોમ લોન લીધી છે તો તમારે ફક્ત EMI ભરવી પડે છે.
કિંમતોનો આધાર આ બાબતો પર
રેડી-ટૂ-મૂવ ફ્લેટની કિંમતો તેના લોકેશન, કન્સ્ટ્રક્શન ક્વોલિટી, ફ્લેટ કેટલો જુનો છે અને પ્રોપર્ટી બજારની શું હાલત છે…વગેરે ચીજો પર આધાર રાખે છે. પ્રોપર્ટીની કિંમત ઓછી કે વધારે તેનો આધાર પણ આ જ બાબતો પર રહેલો છે. રિ-સેલ પ્રોપર્ટી સસ્તી હોવાનું એક કારણ એ પણ છે કે કોઇપણ પ્રોપર્ટી જેમ-જેમ જુની થતી જાય તેમ તેમ તેની કિંમત પણ ઘટતી હોય છે. સ્વાભાવિક છે કે નવા મકાનની સરખામણીમાં જુના ઘરની કૉસ્ટ ઓછી જ રહેવાની. રેડી-ટૂ-મૂવ ફ્લેટ ખરીદતી વખતે કન્સ્ટ્રક્શન એન્જિનિયર પાસેથી તેની સ્ટ્રેન્થ એટલે કે મજબૂતી અને વકીલ કે ડેવલપર પાસેથી કાયદેસરના દસ્તાવેજ ચેક કરાવી લો.
અંડર કન્સ્ટ્રક્શન પ્રોપર્ટીનું જોખમ
હવે વાત અંડર કન્સ્ટ્રક્શન ફ્લેટની કરીએ..આવી પ્રોપર્ટીનું સૌથી મોટું જોખમ પઝેશન મળવામાં થતો વિલંબ છે. સામાન્ય રીતે બિલ્ડર 3 થી 4 વર્ષમાં ફ્લેટ આપવાનો વાયદો કરે છે અને બાદમાં ડિલીવરી આપવામાં વિલંબ કરે છે. આવા ઢગલો કેસો તમને જોવા મળશે. અંડર-કન્સ્ટ્રક્શન પ્રોજેક્ટમાં ઘર ખરીદનારાને EMI અને ભાડું બન્ને ભરવું પડે છે.
પ્રૉપર્ટી કન્સલ્ટન્ટ ફંર્મ એનારોકના આંકડા દર્શાવે છે કે દિલ્હી-NCRમાં ફક્ત નોઇડા અને ગ્રેટર નોઇડામાં જ 1.65 લાખ ફ્લેટ ફસાયેલા છે, જેની કિંમત 1.18 લાખ કરોડ રૂપિયા છે. તેમાં વર્ષ 2014 કે તેની પહેલા લૉન્ચ થયેલા હાઉસિંગ પ્રોજેક્ટ સામેલ છે. તો બીજી તરફ દેશના 7 મુખ્ય શહેરોમાં મે 2022 સુધી 4.48 લાખ કરોડ રૂપિયાના અંદાજે 4.8 લાખ ઘર અટકેલા પડ્યા છે. દિલ્હી-NCRમાં મકાનોની સંખ્યા 2.40 લાખ છે.
અંડર-કન્સ્ટ્રક્શન પ્રોપર્ટીના ફાયદા
અંડર-કન્સ્ટ્રક્શન પ્રોપર્ટીમાં તરત પૂરા પૈસા નથી આપવા પડતા. પરંતુ કંસ્ટ્રક્શન લિંક્ડ પ્લાન હેઠળ હપ્તેથી પૈસા ભરી શકાય છે. ડેવલપર ગરબડ કરે તો રેરામાં ફરિયાદ કરી શકાય છે. આવી પ્રોપર્ટી લોન્ચ થાય ત્યારે તે ઓછી કિંમતે મળી જાય છે અને જ્યાં સુધી નિર્માણ પુરુ થાય ત્યારે તે વિસ્તારમાં ડેવલપમેન્ટ થવાથી પ્રોપર્ટીની કિંમત વધી જાય છે. એટલે રોકાણ પર સારુ એવું એપ્રિસિએશન મળી જાય છે.
પ્રૉપર્ટી કન્સલ્ટન્સી ફર્મ હોમેન્ટ્સના ફાઉન્ડર પ્રદીપ મિશ્રા જણાવે છે કે કોવિડના પહેલા વર્ષમાં રેડી-ટૂ-મૂવ ફ્લેટની ડિમાંડ હતી. તેનો સ્ટૉક ઘટવાથી હવે ખરીદાર અંડર-કન્સ્ટ્રક્શન પ્રોજેક્ટ તરફ વળી રહ્યાં છે. રેરા (RERA)ના પગલાથી ઘર ખરીદનારાનો ભરોસો વધ્યો છે. જો રેડી-ટૂ-મૂવ અને અંડર-કન્સ્ટ્રક્શન પ્રૉપર્ટીની કિંમતમાં 2 થી 4 ટકા કરતાં વધુનું અંતર છે તો રેડી-ટૂ-મૂવ તરફ વળી શકાય છે.
અંતર ઘટ્યું
અંડર કન્સ્ટ્રક્શન અને રેડી ટૂ મૂવ પ્રોપર્ટીની કિંમતોની વચ્ચે અંતર ઘટી રહ્યું છે. એનારૉકનો રિપોર્ટ દર્શાવે છે કે વર્ષ 2021ના પ્રથમ ત્રિમાસિકમાં રેડી-ટૂ-મૂવ અને અંડર કન્સ્ટ્રક્શન ઘરોની કિંમતોમાં ફરક ફક્ત 3 થી 5 ટકા રહી ગયો છે. વર્ષ 2017માં આ ગેપ 9 થી 12 ટકા હતો. હવે જ્યારે ઘર ખરીદારનારા રેડી-ટૂ-મૂવ તરફ શિફ્ટ કરી રહ્યાં છે ત્યારે ગેપ ઘટવાના કારણે નવા મકાનોના સપ્લાયમાં ઘટાડો થઇ શકે છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો