MONEY9 GUJARATI: લોકોની ભાગદોડવાળી જીંદગી અને સમયની મારામારીનો ફાયદો ઉઠાવી રહ્યા છે ગઠીયાઓ. ધંધા રોજગાર માટે ઘરથી દૂર રહતા લોકો સમયના અભાવને કારણે ઓનલાઈન હાઉસ હન્ટિંગ કરે છે. પરંતુ રિયલ એસ્ટેટ વેબસાઈટ પર મકાન પસંદ કરતી વખતે ઉતાવળીયે લેવાયેલો નિર્ણય તમને પડી શકે છે ભારે. માટે જાગતા રહો અને રાખો કેટલીક વાતોનું ધ્યાન.
હાલમાં જ બેંગાલુરુમાં ઘર શોધી રહેલા એક એન્જિનિયર સાથે પણ આવું જ કંઈક થયું. તે કોલકત્તાથી બેંગાલુરુ શિફ્ટ થવાની તૈયારી કરી રહ્યો હતો. NoBrokerની વેબસાઈટ પર રેંટેડ ઘર જોવાનું શરુ કર્યું. મરાઠાહલ્લી વિસ્તારમાં એક ફ્લેટ પસંદ આવ્યો, જેનું મંથલી રેન્ટ 25,000 રુપિયા હતું. અને બે મહિનાનું ભાડું એડવાન્સ આપવાનું લખ્યું હતું. એન્જિનિયરે રેન્ટ ભરી દીધું. સાથે જ બીજા કેટલાક કામ માટે પણ પૈસા આપ્યા. તેણે 8 ઑનલાઈન ટ્રાન્ઝેક્શનમાં લગભગ 1 લાખ 60 હજાર રુપિયા પે કર્યા. પરંતુ ત્યારબાદ મકાનનો કથિત માલિક ગાયબ થઈ ગયો.
એન્જિનિયરનું કહેવું છે કે તેણે નોબ્રોકર જેવી રેપ્યુટેડ પોર્ટલ પર એડ જોઈ, એટલે વિશ્વાસ કરી પૈસા મોકલી દીધા. ત્યાં નોબ્રોકરે તે એડ હટાવી દીધી અને તેનું કહેવું છે કે તેઓ આમાં કશું કરી શકે તેમ નથી. કેમ કે વ્યક્તિએ ના તો ફ્લેટ વિઝિટ કરી અને ના તો કથિત મકાન માલિક સાથે મુલાકાત કરી. પૂરી માહિતી વગર જ 8 વાર તેને પેમેન્ટ કરી દેવામાં આવ્યું. આ પ્રકારના ચિટીંગમાં ઘર ખરીદનારની બેદરકારી ભારે પડી શકે છે.
ઠગાઈના આવા ઘણા કેસ સામે આવ્યા છે જેમાં સાયબર ઠગ ફેક ફ્લેટ્સની એડ આપે છે. જેમાં લોકોને એવું જ કહેવામાં આવે છે કે પહેલા એક-બે મહિનાનું રેન્ટ, સિક્યોરિટી મની કે પછી થોડુંક ટોકન અમાઉન્ટ મોકલી દો. જેવા તમે તેને પૈસા મોકલો એટલે થોડી વારમાં ઠગ ગાયબ થઈ જાય છે. કેટલાક મોટા શહેરોમાંથી આવી ઘટનાઓ સામે આવી રહી છે. ખાસ કરીને એવા શહેરોમાં જ્યાં કામ માટે લોકો બહારથી આવીને રહે છે.
NoBrokerના Rental Market Trends 2023 સર્વે પ્રમાણે ભારતમાં લગભગ 43 ટકા ભાડુઆત ઘર શોધવા માટે રિયલ એસ્ટેટ વેબસાઈટનો ઉપયોગ કરે છે. વાર્ષિક આધાર પર તેમાં 35 ટકાથી વધુનો વધારો જોવા મળ્યો છે. જે લોકો ઑનલાઈન ઘર શોધી રહ્યા છે. તેમાં 32 ટકા લોકો એવા છે જેમની ઉંમર 25 થી 35 વર્ષ હોય. એટલે કે વર્કીંગ ક્લાસના હોય છે.
ગઠીયાઓ જાણે છે કે યોગ્ય અપાર્ટમેન્ટ શોધવું કોઈ સરળ કામ નથી અને લોકો સારા અપાર્ટમેન્ટના ફોટા જોઈને ખેંચાઈ આવે છે. દોડાદોડીવાળી આ જીંદગીમાં લોકો જુદી જ ઉતાવળમાં રહે છે., સમય ઓછો છે અને એટલે જ ઑનલાઈન સાઈટ્સ તેમની ચિંતાઓને ઘણાખરા અંશે ઓછી કરી દે છે. ફ્રૉડસ્ટર આ જ વાતનો ફાયદો ઉઠાવે છે.
તમે મૉડસ ઑપરેન્ડીને સમજી ગયા હશો પરંતુ જરુરી સવાલ એ ઉભો થાય છે કે આવી ઘટનાઓમાં ફરિયાદ ક્યાં કરવી.. તો આની ફરિયાદ તમે National cybercrime reporting portal – cybercrime.gov.in પર અથવા તો toll-free national helpline number 1930 પર કરી શકો છો.
જો તમારે આ પ્રકારની ઠગાઈથી બચવું છે તો ઑનલાઈન ફ્લેટ શોધતી વખતે સાવચેત રહો. કેટલીક વાતો એવી છે જેને સાંભળી તમારે સતર્ક થઈ જવાની જરૂર છે. જેમ કે નકલી મકાન માલિક તમને સૌથી પહેલા ઑનલાઈન પૈસા ટ્રાન્સફર કરવાનું કહેશે. ઉતાવળ કરશે. સામ-સામે મળ્યા વગર જ જિદ કરશે કે તમે પૈસા જલ્દી મોકલી દો, નહીંતર પ્રોપર્ટી હાથમાંથી નીકળી જશે. જો તમે મળવાની વાત પર અડગ રહેશો તો કહેશે કે તે કોઈ બીજા શહેરમાં છે કે પછી દેશ બહાર છે. પરંતુ આ વાતો સાંભળી તમારા કાન સળવા થઈ જવા જોઈએ, નહીંતર તમે પણ ફસાઈ શકો છો. જો આનાથી બચવું છે તો મંત્ર તમારી પાસે જ છે. સજાગ રહો અને મની9 જોતા રહો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો