Money9: તાજેતરની જ એક ઘટના છે, ગુરુગ્રામની એક સોસાયટીના એક ટાવરમાં 6 ફ્લેટની છત પડી જવાથી બે લોકોના મોત થઇ ગયા હતા. તપાસમાં સ્ટ્રક્ચરલ ખામીઓ બહાર આવી. અને ટાવરને તોડી પાડવાનો આદેશ આપવામાં આવ્યો. એટલું જ નહીં બીજા બે ટાવરને પણ રહેવાલાયક ન હોવાનું ગણવામાં આવ્યું
જ્યારે પણ તમે ઘર બનાવો છો કે અંડર કન્સ્ટ્રક્શન ફ્લેટ ખરીદો છો ત્યારે સિમેન્ટની ક્વોલિટી પર ભાગ્યે જ ધ્યાન આપતા હશો. આપણે સામાન્ય રીતે ડીલરની વાત માની લઇએ છીએ, કે પછી કોઇ ઓળખીતાની સલાહ પર સિમેન્ટ ખરીદી લઇએ છીએ. બાંધકામમાં સિમેન્ટ સૌથી જરુરી ચીજ છે. હકીકતમાં તે એક બાઇંડિંગ મટિરીયલ છે. જે બાકીના બિલ્ડિંગ મટિરીયલને એક બીજા સાથે બાંધવાનું કામ કરે છે. સિમેન્ટની ક્વોલિટી જેટલી સારી ઘરની મજબૂતી તેટલી વધુ…. ખરાબ સિમેન્ટ હશે તો ઘરમાં ક્રેક પડી શકે છે… એટલું જ નહીં, ઘર પડી પણ શકે છે. જેનાથી તમારા બધા પૈસા બરબાદ થઇ જાય છે. સિમેન્ટની ક્વોલિટી તમે જાતે પણ ચેક કરી શકો છો. આવો જાણીએ કેવી રીતે?
સિમેન્ટ ખરીદતી વખતે તેની મેન્યુફેક્ચરિંગ ડેટ જરુર જુઓ..સિમેન્ટનો ઉપયોગ મેન્યુફેક્ચરિંગ તારીખથી 3 મહિનાની અંદર કરી લેવો જોઇએ. તાજા સિમેન્ટનો ઉપયોગ કરવાથી ઘર મજબૂત થશે. જો સિમેન્ટ 3 મહિનાથી વધુ જુનો હોય, તો તેનો ઉપયોગ લેબ ટેસ્ટિંગ વગર ન કરો. સિમેન્ટ જેટલો જુનો થતો જશે તેની મજબૂતી તેટલી ઘટતી જશે. સિમેન્ટની બોરી પર મેન્યુફેક્ચરિંગની તારીખને D, સપ્તાહને W, મહિનાને M અને વર્ષને Y તરીકે દર્શાવેલું હોય છે.
સિમેન્ટ પાવડરની જેમ જેટલો ફાઇન એટલે કે ચીકણો હોય તેટલો સારો ગણવામાં છે. આવા સિમેન્ટની બાઇડિંગ સ્ટ્રેન્થ સારી હોય છે. સિમેન્ટના ઢગલામાં હાથ મારવાથી ઉડતી ટેન્ડન્સી જેટલી વધારે હશે સિમેન્ટ તેટલો સારો હશે. સિમેન્ટને ચપટીમાં લઇને મસળવાથી જો દાણાદાર જણાય તો તેનો અર્થ એ થાય કે સિમેન્ટ યોગ્ય સામગ્રીથી બન્યો નથી અથવા તો સિમેન્ટમાં ભેજ લાગી ગયો છે. જેનાથી હાઇડ્રેશન શરુ થઇ ગયું છે. આવો સિમેન્ટ વાપરવાથી દિવાલોમાં તિરાડો પડવાનું જોખમ રહે છે…
સિમેન્ટની બોરીમાં હાથ નાંખવાથી જો ઠંડકનો અનુભવ થાય તો સિમેન્ટ તાજો છે અને તેનો ઉપયોગ કરી શકો છો. આ ઉપરાંત, એક મુઠ્ઠી સિમેન્ટને પાણીમાં નાંખવાથી જો તે ડુબતા પહેલા થોડોક સમય તરે છે તો સિમેન્ટ ઠીક છે. જો સિમેન્ટ તરત પાણીમાં ડુબી જાય તો તેનો અર્થ એ કે તેમાં મિલાવટ છે…
સિમેન્ટની બાઇન્ડિંગ સ્ટ્રેન્થ ચકાસવાની એક બીજી રીત એ છે કે એક ભાગ સિમેન્ટ અને 4 ભાગ પાણી લઇને માલ બનાવો. ત્યાર બાદ આ માલને લેલાની મદદથી દિવાલ પર અંદાજે 2 ફૂટ દૂરથી ફેંકો..જો આખો માલ ચોંટી જાય તો સિમેન્ટ સારો છે. જો અડધો માલ પડી જાય અને અડધો ચોંટી જાય તો સિમેન્ટ ઓછો સારો છે. સાઇટ પર કડિયો આ રીતે સિમેન્ટની ક્વોલિટી ચેક કરે છે…
સિમેન્ટની ક્વોલિટી ચેક કરવા માટે સિમેન્ટનો એક ગોળો બનાવી લો. 24 કલાક બાદ તેને પાણીમાં નાંખો અને લગભગ 4 થી 5 દિવસ મુકી રાખો. ત્યારબાદ ગોળાને પાણીમાંથી કાઢીને જમીન પર પટકો, તો તે તૂટવો ન જોઇએ, કારણ કે સિમેન્ટ પોતાની 50 ટકા સ્ટ્રેન્થ 3 દિવસમાં પ્રાપ્ત કરી લે છે.
સિમેન્ટની બોરીને ખોલીને જ્યારે તેને ઉંધી કરવામાં આવે તો ઢગલો બહુ ઉંચો ન બનવો જોઇએ..સિમેન્ટ જમીન પર એક હદ સુધી ફેલાઇ જવો જોઇએ…આને સારો સિમેન્ટ માનવામાં આવે છે. જો ઢગલો બની જાય તો તે સિમેન્ટ ખરાબ છે.
અનિલને સિમેન્ટની પરખ હોવાનો ફાયદો એ થશે કે તેનું અને શ્વેતાનું ઘર મજબૂત બનશે. અને વર્ષોવર્ષ ચાલશે. જેનાથી મેન્ટેનન્સનો ખર્ચ ઓછો આવશે. તમે ACC સિમેન્ટ લો કે અલ્ટ્રાટેક, બિરલા લો કે JK Cement…આ રીતે સિમેન્ટની ક્વોલિટી પરખીને પોતાના ઘર માટે યોગ્ય સિમેન્ટ ખરીદી શકો છો. સસ્તાના ચક્કરમાં કોઇપણ સિમેન્ટ ન ખરીદી લો. ડીલર કે કોન્ટ્રાક્ટરની વાતોમાં આવી ન જાઓ, જાતે સિમેન્ટને પરખો કારણ કે જો અધકચરી માહિતીના આધારે સિમેન્ટ ખરીદશો તો આગળ જતા પસ્તાશો. એટલે સિમેન્ટનો ખ્યાલ રાખો….
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો