Money9: મનોજની જેમ જ્યારે પણ કોઇ ઘર બનાવે છે તો એવું જ ઇચ્છે છે કે, તેમનું ઘર વર્ષો વર્ષ સુધી ટકે..જો કે આના માટે આપણે બે ચીજો પર ધ્યાન આપવું પડે છે. પહેલું-સારી ક્વોલિટીનું મટિરિયલ જેવું કે ઇંટ, સીમેન્ટ, સળિયા, રેતી અને બીજું, કામ કરનારા કડિયા કે અનુભવી કારીગર..જો આ બન્ને ચીજો સારી છે તો ઘરની લાઇફ લાંબી હશે..આજે આપણે વાત કરીશું ઇંટ એટલે કે બ્રિક્સની ક્વોલિટીની..તેની પસંદગી કેવી રીતે કરવી તે જાણીએ..
જ્યારે તમે તમારા ઘર માટે ભઠ્ઠા પર ઇંટ લેવા જાઓ છો તો ત્યાં 3-4 ક્વોલિટીની ઇંટો હોય છે. અવ્વલ એટલે ફર્સ્ટ ક્વોલિટીની ઇંટ સૌથી સારી ઇંટ છે. આ ઇંટ શેપ, સાઇઝમાં બરોબર અને યોગ્ય રીતે પાકેલી હોય છે. તેની કમ્પ્રેસિવ સ્ટ્રેન્થ એટલે કે મજબૂતી 105 કિલો પ્રતિ ચોરસ સેન્ટીમીટર સુધીની હોય છે. ઇંટની ક્વોલિટી ચેક કરવા માટે, તમે બે ઇંટને એકબીજા અથડાવો. તેમાંથી મેટલિક સાઉન્ડ આવવો જોઇએ અને ઇંટ ન તૂટવી જોઇએ. આવી ઇંટનો રેટ સાડા છ રૂપિયાથી લઇને 8 રૂપિયા સુધીનો હોય છે.
બે નંબર ઇંટ પ્રમાણમાં ઓછી પાકેલી હોય છે. એટલે કે તેની મજબૂતી અવ્વલથી થોડી ઓછી હોય છે. આને લાલ પેટી, અવ્વલ નરમ કે બે નંબરની ઇંટ પણ કહેવાય છે. આ ઇંટનો રેટ 5 થી 7 રૂપિયાની આસપાસ હોય છે. આજકાલ મોટાભાગના ઘર બીમ અને અને કોલમ પર બને છે. જેનાથી દિવાલ પર લોડ ઓછો પડે છે. આવી સ્થિતિમાં લાલ પેટીનો ઉપયોગ ઓછો કરી શકો છો.
થર્ડ ક્વોલિટીની ઇંટને પીળી ઇંટ કહે છે. આ ઘણી ઓછી પાકેલી હોય છે. ઘર બનાવવામાં આનો ઉપયોગ ન કરવો જોઇએ કારણ કે તેમાં મજબૂતી ખુબ જ ઓછી હોય છે. અસ્થાયી કે કાચા કામમાં તેનો ઉપયોગ કરી શકાય છે.
ચોથા પ્રકારની ઇંટનું નામ છે ચટકા ઇંટ..વધુ પાકેલી હોવાના કારણે તેનો આકાર વાંકો-ચૂકો હોય છે. તે કાળી પડી જાય છે. તેનો ઉપયોગ ઘર બનાવવામાં કરવાથી વધુ માલ વપરાય છે. દીવાલમાં ક્રેક આવવાના ચાન્સ વધી જાય છે. આ ઇંટોનો ઉપયોગ પાયા અને ફ્લોરમાં કરવામાં આવે છે. તે ઘણી મજબૂત હોય છે અને કિંમત પણ ઓછી હોય છે.
જો તમે ચીકણી માટીની લાલ ઇંટથી ઘર બનાવો છો તો ફક્ત અવ્વલ કે લાલ પેટી ઇંટનો જ ઉપયોગ કરો. ઇંટની ક્વોલિટી ચેક કરવા માટે તમે તેને ફ્લોર પર દોઢ મીટર ઉંચાઇથી પછાડો, જો ન તૂટે, તો તે વપરાશલાયક છે. લાલ ઇંટ ઉપરાંત ઘરમાં ફ્લાય એશ બ્રિક કે AAC બ્લોકનો ઉપયોગ પણ કરી શકાય છે. તો કેવી હોય છે આ ઇંટ..આવો હવે તેના વિશે જાણીએ…
ફ્લાય એશ બ્રિક રેતી, ફ્લાય એશ, લાઇમ, જિપ્સમ અને સીમેન્ટથી બને છે. તેની કમ્પ્રેસિવ સ્ટ્રેન્થ 75થી 100 કિલો પ્રતિ ચોરસ સેન્ટિમીટર હોય છે. તેનો આકાર એક જ પ્રકારનો હોય છે. લાલ ઇંટની સરખામણીમાં આ ઇંટના ચણતરમાં ઓછો માલ વપરાય છે. ફિનિશિંગ સારુ હોવાના કારણે દીવાલ પર પ્લાસ્ટર વગર ફક્ત પુટ્ટી અને કલર કરીને કામ ચલાવી શકાય છે. આ ઇંટની કિંમત 4 થી 6 રૂપિયા સુધીની હોય છે. તે વજનમાં લાલ ઇંટથી હલકી હોય છે. તેનું વજન 2.6 કિલોગ્રામ જ્યારે લાલ ઇંટનું વજન 3 કિલોગ્રામની આસપાસ હોય છે. તે પર્યાવરણને અનુકૂળ છે કારણ કે તેમાં વપરાતો કાચો માલ ફ્લાય એશ છે જે થર્મલ પાવર પ્લાન્ટમાંથી નીકળતું વેસ્ટ મટિરીયલ છે.
તો બીજીબાજુ AAC એટલે કે ઓટોક્લેવ્ડ એરિએટેડ કોન્ક્રીટ બ્લોક વજનમાં લાલ ઇંટ અને ફ્લાય એશ બ્રિકથી હલકો હોય છે. સાથે જ આકારમાં પણ મોટો હોય છે. દીવાલ બનાવવામાં ઇંટ અને ફ્લાય એશ બ્રિકની તુલનાએ AAC બ્લોક ઓછા લાગે છે. તેના ચણતરમાં વધારે સીમેન્ટની જરુર પણ નથી પડતી..AAC બ્લોકનો મોટાભાગે ઉપયોગ ઉંચી બિલ્ડિંગોમાં થાય છે. કારણ કે તેનાથી બિલ્ડિંગનો ડેડ લોડ ઘણો ઘટી જાય છે.
તો જોયું તમે ઇંટ કેવી રીતે તમારા ઘરને વર્ષો સુધી મજબૂત બનાવે છે. જો મનોજે પણ ઇંટ ખરીદતા પહેલા થોડીક જાણકારી લીધી હોત તો કદાચ આજે તેને પરેશાન ન થવું પડ્યું હોત..ઘર કોઇ એવી ચીજ તો નથી જેને વાંરવાર તોડીને બનાવી શકાય…એટલે ઘર બનાવવામાં વપરાતા દરેક સામાનની ક્વોલિટી તમારે ચેક કરી લેવી જોઇએ જેથી બાદમાં કોઇ ફરિયાદ ન રહે..
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો