Money9: ક્રેડિટ કાર્ડના બિલને ચૂકવવા માટે સામાન્ય રીતે લોકો મિનિમમ પેમેન્ટનો જ વિકલ્પ પસંદ કરે છે. કારણ કે તેમને કદાચ ખબર કે, ક્રેડિટ કાર્ડના બિલની રકમને હપ્તેથી એટલે કે ઇએમઆઇમાં પણ ચૂકવી શકાય છે. જેમાં ગ્રાહક બિલ ચુકવવાના સમયગાળાને પસંદ કરી શકે છે. પરંતુ એવુ નથી કે EMIના વિકલ્પમાં માત્ર ફાયદો જ મળશે. આ ઓપ્શન મોંઘો પણ પડી શકે છે. કેવી રીતે..આવો સમજીએ આ લેખમાં.
હપ્તેથી ચૂકવણી પર ઉંચુ વ્યાજ
ક્રેડિટ કાર્ડની બાકી રકમ એક અનસિક્યોર્ડ લોન હોય છે જે મોંઘી હોય છે.
જો તમે અન્ય ક્યાંયથી પૈસાની વ્યવસ્થા ના કરી શકો અને ક્રેડિટ કાર્ડનું બિલ એક સાથે ના ચુકવી શકો તો તમે બાકી રકમને હપતેથી ચુકવવાનું પણ પસંદ કરી શકો છો. પરંતુ આ માટે તમારે વ્યાજ ચુકવવું પડશે. જો તમે મિનિમમ એમાઉન્ટ પસંદ કરો છો તો બાકી રકમ પર 24થી 48 ટકા સુધી વ્યાજ લાગી શકે છે પરંતુ જો તમે ક્રેડિટકાર્ડની બાકી રકમને હપ્તેથી ચુકવવાનું પસંદ કરો છો તો તમારા પર 15થી 24 ટકા સુધીનું વ્યાજ લાગી શકે છે.
EMIના વિકલ્પથી શું ફાયદો?
જો તમે મિનિમમ એમાઉન્ટ પેમેન્ટ ચુકવી રહ્યા છો તો તેમાં દર મહિને વ્યાજ તેમજ પેનલ્ટીની રકમ સામેલ હોય છે. મિનિમમ પેમેન્ટ કરતા રહેવાથી તમારો ક્રેડિટ સ્કોર તો ખરાબ નથી થતો પરંતુ તમારી બાકી રકમમાં કોઇ ઘટાડો થતો નથી. સાથે જ જો કાર્ડની લિમિટ પૂરી વપરાઇ જશે તો તમારો ક્રેડિટ સ્કોર ડેન્જર ઝોનમાં આવી જશે. ક્રેડિટ લિમિટને પૂરી વાપરી નાંખવાનો અર્થ એ થયો કે તમારો ક્રેડિટ યૂટીલાઇઝેશન રેશિયો હાઇ છે અને તે સિબિલ સ્કોરને ખરાબ કરી નાંખે છે. એટલે તમને જેટલી ક્રેડિટ એલોટેડ છે તેનાથી તમે વધુ ખર્ચ કરી રહ્યો છે. ક્રેડિટ સ્કોર ખરાબ થશે તો તમને ભવિષ્યમાં લોન મેળવવામાં મુશ્કેલી પડશે.
આની સામે જો તમે EMIનો વિકલ્પ પસંદ કરો છો તો, તમે થોડી થોડી કરીને બાકીની રકમ ચુકવો છો અને લોનની મુદ્દલ ઘટે છે. જો તમે નિયમિત રીતે EMIની ચુકવણી કરતા રહેશે તો ડિફોલ્ટથી બચી જશો.
શું ધ્યાનમાં રાખવું?
– ક્રેડિટ કાર્ડનો યૂઝ પોતાની ક્ષમતા અનુસાર કરો
– ખરીદી વખતે સંયમમાં રહો
– ક્રેડિટ લિમિટનો પૂરો ઉપયોગ ન કરો
– મિનિમમ પેમેન્ટ અને ઇએમઆઇનો વિકલ્પ ના છૂટકે જ પસંદ કરો.
– આ સુવિધાને પોતાની આદત ન બનાવો
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો