Money9: જો તમે સ્માર્ટફોનનો વધારે પડતો ઉપયોગ કરો છો, તો તમારે પાવર બેંકની પણ જરૂર પડતી હશે. ઘણા લોકો પાવર બેંક પોતાની સાથે રાખે છે, જ્યારે ઘણા લોકો તેનો ઉપયોગ કરતા નથી કારણ કે તેમને તેની સાઈઝ ખૂબ મોટી લાગે છે. હવે આવા યુઝર્સ માટે તાઈવાનની કંપની Promate ભારતમાં તેની નવી પાવર બેંક લોન્ચ કરી છે. આ પાવર બેંકની ખાસિયત એ છે કે તમે તેનો સરળતાથી ઉપયોગ કરી શકો છો અને તેને ગમે ત્યાં લઈ જઈ શકો છો કારણ કે કંપની દાવો કરે છે કે તે સૌથી નાની પાવર બેંક છે. તે 10000mAh બેટરીથી સજ્જ છે અને તે વજનમાં હલકી પણ છે. તો આવો જાણીએ તેની કિંમત અને ફિચર્સ વિશે…
Promate Acme-PD20 પાવરબેંકની કિંમત 3,199 રૂપિયા રાખવામાં આવી છે. તમે આને બ્લેક અને બ્લુ એમ બે રંગોમાં ખરીદી શકો છો. કંપનીના જણાવ્યા અનુસાર, આ પાવરબેંક સાથે વધુ સારી પકડ અને પ્રીમિયમ બિલ્ડ ક્વોલિટી ઉપલબ્ધ છે. Promate Acme-PD20 સાથે સુપર ફાસ્ટ PD (ટાઈપ C) ચાર્જિંગ પોર્ટ ઉપલબ્ધ છે. આ સિવાય તેમાં Qualcomm ની QC 3.0 ચાર્જિંગ ટેક્નોલોજી છે. Promate Acme-PD20નું વેચાણ એમેઝોન અને વિવિધ ઑફલાઇન સ્ટોર્સ પરથી થઇ રહ્યું છે. તેની સાથે બે વર્ષની વોરંટી પણ મળે છે.
નવી Promate Acme-PD20 10000mAh બેટરી દ્વારા સંચાલિત છે, જે લિથિયમ આયન બેટરી છે. પાવરબેંક વિશે, એવો દાવો કરવામાં આવે છે કે આ પાવરબેંક 20W PD અને 22.5W QC 3.0 પોર્ટ સાથે ફોનને ઝડપથી ચાર્જ કરે છે. તેમાં ટાઇપ-સી ઇનપુટ છે. કંપનીએ દાવો કર્યો છે કે આ પાવરબેંક દ્વારા હાઈ-વોલ્ટેજ અને ગરમીથી બચવા માટે એક અલગ પ્રોટેક્શન લેયર આપવામાં આવ્યું છે. આ પાવરબેંક કોઈપણ USB પ્રકાર અને Type-C પોર્ટ સપોર્ટેડ ડિવાઇસને ચાર્જ કરી શકે છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો