MONEY9: પાયલોટ પ્રોજેક્ટ તરીકે જ કેમ ન થઇ હોય, પણ દેશમાં ડિજિટલ કરન્સીની શરૂઆત તો થઇ ચુકી છે. 1 નવેમ્બરે જથ્થાબંધ ટ્રાન્ઝેક્શન્સ માટે શરૂ કરવામાં આવેલા ડિજિટલ રૂપિયાનો હવે રિટેલ લેવડ-દેવડ માટેનો પાયલોટ પ્રોજેક્ટ 1 ડિસેમ્બરથી શરૂ થઇ ગયો છે. ઇ-રૂપિયો એક ડિજિટલ ટોકન હશે, જેને કાગળની નોટ કે ધાતુના સિક્કની જેમ કાયદેસરની માન્યતા મળશે. બેંક દ્વારા ડિજિટલ રૂપિયો ટોકનની જેમ મેળવી શકાશે.
ડિજિટલ કરન્સીની શરૂઆત
શરૂઆતમાં આઠ બેંકોમાંથી આ ટોકન મેળવી શકાશે. આ બેંકોમાં SBI, ICICI, Yes, IDFC First, Bank of Baroda, Union Bank of India, HDFC Bank અને Kotak Mahindra બેંકનો સમાવેશ થાય છે. ડિજિટલ ટોકન તે જ મૂલ્યના હશે જે મૂલ્યની કાગળની નોટો જેવી કે 1, 2, 5, 10, 20, 50, 100, 200, 500 અને 2000 કે સિક્કા 1, 2, 5, 10, 20ના મૂલ્યમાં બહાર પાડવામાં આવે છે.
ઇ રૂપિયો ડિજિટલ વોલેટમાં ઉપલબ્ધ હશે. જેને મોબાઇલ ફોન કે કોમ્પ્યુટર લેપટોપ દ્વારા ઉપયોગ કરવાનું શક્ય હશે. યૂઝર્સ ભાગીદાર બેંકો તરફથી રજૂ કરવામાં આવેલા અને મોબાઇલ ફોન પર સ્ટોર ડિજિટલ વોલેટના માધ્યમથી ડિજિટલ રૂપિયાની સાથે લેવડ-દેવડ કરી શકશે. દુકાનદારને ત્યાં ક્યૂઆર કોડ દ્વારા ઇ-રૂપિયાની ડિજિટલ વોલેટ દ્વારા ચુકવણી થઇ શકશે. ડિજિટલ રૂપિયા પર કોઇ વ્યાજ નહીં મળે અને તેને રોકડની જેમ બેંકમાં જમા કરાવી શકાશે. પાયલોટ પ્રોજેક્ટના આધારે સંપૂર્ણ ઉપયોગની રૂપરેખા તૈયાર કરવામાં આવશે.
કયા શહેરમાં મળશે સુવિધા
બજેટમાં સેન્ટ્રલ બેંકે ડિજિટલ કરન્સી શરૂ કરવાની જાહેરાત કરી હતી. જેનો ઉદ્દેશ કાગળની નોટ કે ધાતુના સિક્કા બહાર પાડવાનો ખર્ચ ઘટાડવાનો અને ડિજિટલ ચુકવણીને પ્રોત્સાહન આપવાનો છે. પાયલોટ પ્રોજેક્ટની શરુઆત મુંબઇ, નવી દિલ્હી, બેંગાલુરુ અને ભુવનેશ્વરમાં કેટલાક ગ્રાહકો અને મર્ચન્ટની વચ્ચે થશે. પાયલોટ પ્રોજેક્ટના બીજા તબક્કામાં તેને અમદાવાદ, ગંગટોક, ગુવાહાટી, હૈદરાબાદ, ઇન્દોર, કોચી, લખનઉ, પટણા અને સિમલામાં શરુ કરવામાં આવશે. સેન્ટ્રલ બેંક દ્વારા બહાર પાડવામાં આવેલી ડિજિટલ કરન્સી ચુકવણીની એક નવી રીત હશે. જેને નાગરિકો, બિઝનેસ અને સરકાર તેમજ અન્યો માટે લીગલ ટેન્ડર તરીકે બહાર પાડવામાં આવશે.
દેશમાં RBIની ડિજિટલ કરન્સીનો ઉપયોગ સંપૂર્ણ રીતે શરૂ થયા બાદ, કદાચ લેવડ-દેવડ માટે કેશ રાખવાની જરૂર જ ન પડે. આ કરન્સીને સરળતાથી મોબાઇલ વોલેટમાં રાખી શકાશે. અને યૂઝર્સ સરળતાથી તેના બદલે ફિઝિકલ કરન્સી લઇ શકશે. સૌથી મોટી વાત એ કે ક્રિપ્ટોકરન્સીની જેમ ડિજિટલ રૂપિયો ગેરકાયદેસર નહીં હોય કારણ કે તે RBIના નિયંત્રણમાં હશે અને તેને સરકારનું પણ સમર્થન મળશે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો