Money9: ગૌરવ પાસે એક્સિસ બેંકનું ક્રેડિટ કાર્ડ હતું.. જો તમારી પાસે પણ એક્સિસ બેંકનું ક્રેડિટ કાર્ડ છે તો આ માહિતી તમારા માટે ખૂબ જ જરૂરી છે… કારણ કે ગૌરવ એકલો જ નથી જેની સાથે આ છેતરપિંડી થઈ છે. એક્સિસ બેંકના ઘણા ક્રેડિટ કાર્ડ યુઝર્સ સાથે આવી છેતરપિંડી થઈ છે. તેમાંથી ઘણા લોકોએ સોશિયલ મીડિયા પર આ છેતરપિંડીની ફરિયાદ પણ કરી છે. ક્રેડિટ કાર્ડ યુઝર્સનું કહેવું છે કે તેઓએ કોઈ પણ પ્રકારનું ટ્રાન્ઝેક્શન ન કર્યું હોવા છતાં તેમને આવા ઘણા OTP મળી રહ્યા છે.. ઘણા ગ્રાહકો સાથે ગૌરવ જેવી ઘટના બની છે.. તેમના કાર્ડમાંથી અનઓથોરાઇઝ્ડ ઇન્ટરનેશનલ ટ્રાન્ઝેક્શન કરવામાં આવ્યા. બેંક અને ક્રેડિટ કાર્ડને તો આપણે સેફ માની છીએ અને તેના પર ભરોસો કરીએ છીએ… તો આ ફ્રોડ કેવી રીતે થઈ રહ્યો છે? જો આ એક બેંકના ક્રેડિટ કાર્ડ સાથે આવું થઇ રહ્યું છે, તો આવતીકાલે અન્ય બેંકના કાર્ડની સાથે પણ થઈ શકે છે.
હકીકતમાં, Axis Bankના એવા ક્રેડિટ કાર્ડ યુઝર્સે જેમણે પોતાના કાર્ડમાં ઇન્ટરનેશનલ ટ્રાન્ઝેક્શનની મંજૂરી આપી રાખી છે, તેમને આ પ્રકારના ઘણાં મેસેજ આવી રહ્યા છે, એવુ જણાવાઇ રહ્યુ છે કે તેમના કાર્ડથી આવા ટ્રાન્ઝેક્શન કરવામાં આવ્યા છે. OTP વાળા મેસેજ પણ આવી રહ્યા છે. જોખમ એ છે કે ક્રેડિટ કાર્ડનો ડેટા બ્રીચ એટલે કે ચોરી થયો છે, તેને કોઇએ હેક કરી લીધો છે.. ગ્રાહકોએ બેંકમાં ફરિયાદ કરી છે..આ અંગે બેંકે સલાહ આપી છે કે ગ્રાહકોએ તેમના કાર્ડના ઇન્ટરનેશનલ ટ્રાન્ઝેક્શનને ડિસેબલ કરી દેવા જોઇએ. તેનું સ્ટેટસ શું છે તે તરત ચેક કરવું જોઇએ. આ પ્રકારનો આ પ્રથમ કિસ્સો છે કે કોઈ બેંકના કાર્ડના ઇન્ટરનેશનલ ટ્રાન્ઝેક્શનમાં ફ્રોડ થયો હોય. આ મામલે ડેટા લીક થવાની માહિતી અને ઘણી ફરિયાદો પણ સામે આવી છે.
Axis Bankએ સલાહ ઉપરાંત એમ પણ કહ્યું છે કે તેના ક્રેડિટ કાર્ડ સુરક્ષિત છે. કોઈપણ સિસ્ટમ હેક નથી થઇ. હા, કેટલાક મર્ચન્ટ્સથી કેટલાક અનધિકૃત વ્યવહારો થયા છે જેને બ્લોક કરી દેવામાં આવ્યા છે. આ ફ્રોડ બેઝિક કાર્ડની ઇન્ફોર્મેશનની મદદથી કરવામાં આવ્યા છે. તે રકમ નાની છે અને સંપૂર્ણ રીતે રિકવર કરી લેવામાં આવશે. બેંકે તેની એડવાન્સ્ડ ટ્રાન્ઝેક્શન મોનિટરિંગ સિસ્ટમ દ્વારા મજબૂત વ્યવસ્થા સુનિશ્ચિત કરવાનું શરૂ કરી દીધું છે. બેંકે કહ્યું છે કે આ એક BIN (બીઆઇએન) એટેક હોઈ શકે છે.
BIN એટેકને બેંક આઇડેન્ટિફિકેશન નંબર એટેક પણ કહેવાય છે. આ એક પ્રકારનો ક્રેડિટ કાર્ડ ફ્રોડ છે જેમાં સાયબર સ્કેમર અલગ-અલગ ક્રેડિટ કાર્ડ નંબના કોમ્બિનેશનને સિસ્ટમની મદદથી ટેસ્ટ કરે છે અને વેલિડ ક્રેડિટ કાર્ડ નંબર જનરેટ કરે છે. BIN કોઇ ક્રેડિટ અથવા ડેબિટ કાર્ડ પર નોંધાયેલ પ્રથમ 6 નંબર હોય છે અને તેના દ્વારા એ જાણી શકાય છે કે કાર્ડ ઇશ્યૂ કરનારી બેંક અથવા નાણાકીય સંસ્થા કોણ છે.
અહીં એક મહત્વનો પ્રશ્ન ઊભો થાય છે કે ડેટા લીક કેવી રીતે થઇ રહ્યો છે? આ સ્કેમર્સ સુધી ક્રેડિટ કાર્ડની વિગતો કેવી રીતે પહોંચી રહી છે. નિષ્ણાતો આના માટે ઘણા કારણો આપે છે, જેમ કે મોટાભાગની બેંકો ક્રેડિટ કાર્ડ ટ્રાન્ઝેક્શન અને અન્ય મહત્વપૂર્ણ કાર્યોને આઉટસોર્સ કરે છે. આ આઉટસોર્સિંગ કામ સાથે સંકળાયેલા લોકો ડેટા લીક કરી શકે છે. તેઓ આ ડેટા સાયબર ઠગને વેચી શકે છે. જો ફોન હેક થઈ જાય તો પણ તેમાં રહેલી કાર્ડની વિગતો લીક થઈ શકે છે. આ ઉપરાંત પણ ડેટા લીક થવાના ઘણા કારણો છે.
ક્રેડિટ કાર્ડનો ડેટા લીક થઇ જાય.. તમને આવા ટ્રાન્ઝેક્શનના મેસેજ મળવા લાગે… આવી પરિસ્થિતિ જ ઉભી ન થાય તેના માટે શું કરવું? આના માટે, કેટલીક બાબતોનું ધ્યાન રાખો… કારણ કે તમારે જાતે જાગૃત રહેવું પડશે. તમે થોડી સાવચેતી રાખશો તો છેતરપિંડી થવાની શક્યતાઓ ઘટી જશે.
જો તમે આવા ફ્રોડનો શિકાર બનો તો તરત જ બેંકમાં ફરિયાદ કરો. બેંકો તેમની જવાબદારીથી છટકી ન શકે. બેંક અર્થ વિશ્વાસ થાય છે. આ વિશ્વાસ પર ખરા ઉતરવાની જવાબદારી બેંકની છે. ડેટા લીક થવો અને આ પ્રકારના ટ્રાન્ઝેક્શન થવાથી બેંકની વિશ્વસનીયતા પ્રશ્નાર્થ ચિહ્ન ઉભા થાય છે, તેથી બેંક પણ પોતાના તરફથી બેંકની જવાબદારી નક્કી કરવા માટે પગલાં ભરે. આના માટે સોશિયલ મીડિયાનો ઉપયોગ કરી શકે છે. આનાથી અન્ય ગ્રાહકો પણ જાગૃત થશે અને તેઓ આ પ્રકારની છેતરપિંડીથી બચી જશે.
અંતે, અમે એમ જ કહીશું કે ક્રેડિટ કાર્ડનો ઉપયોગ કરતી વખતે તમારે ખૂબ સાવધાની રાખવી જોઈએ. આ ઉપરાંત જ્યારે પણ તમે બહાર કાર્ડનો ઉપયોગ કરો, ઉદાહરણ તરીકે રેસ્ટોરન્ટ અથવા દુકાનમાં ખરીદી કરતી વખતે, તમારા કાર્ડ પર નજર રાખો. તમારી નજર સમક્ષ ટ્રાન્ઝેક્શન થવા જોઇએ. આનાથી તમારા કાર્ડની વિગતો ચોરાઈ જવાની શક્યતા ઘટી જશે. ઓનલાઈન શોપિંગ સાઇટ્સ પર કાર્ડ ટોકનાઇઝેશન કરાવો. આનાથી કાર્ડના માત્ર છેલ્લા 4 અંકો જ દેખાશે. તો એવા દરેક ઉપાય કરો જેનાથી તમારું ક્રેડિટ કાર્ડ સેફ રહે. જાગતા રહો અને આવા ઠગોથી બચતા રહો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો