Money9: નાણાકીય વર્ષ 2023-24ના ટેક્સ પ્લાનિંગ માટે હવે તમારી પાસે અઢી મહિનાથી પણ ઓછો સમય બચ્યો છે…પગારદાર લોકોએ ફેબ્રુઆરીમાં ટેક્સ સેવિંગ સંબંધિત દસ્તાવેજો કંપનીમાં સબમિટ કરવાના રહેશે…ચાલુ ફાઇનાન્સિયલ યરથી ન્યૂ ટેક્સ રિજિમને એટ્રેક્ટિવ બનાવવામાં આવી છે. ત્યારબાદ લોકોમાં નવી અને જૂની ટેક્સ સિસ્ટમ પસંદ કરવાને લઈને ઘણી મૂંઝવણ છે.
આજે આ વિડિયોમાં જાણીએ બંને ટેક્સ રિજીમમાં મળનારા ટેક્સ બેનિફિટ અંગે જે યોગ્ય રિજીમ સિલેક્ટ કરવામાં તમારી મદદ કરશે.
ઓલ્ડ ટેક્સ રિજીમ કરદાતાઓમાં ખૂબ જ લોકપ્રિય છે. જેનું કારણ જુની વ્યવસ્થામાં ટેક્સ બચાવવા માટે ઉપલબ્ધ અસંખ્ય વિકલ્પો છે. ઓલ્ડ ટેક્સ રિજીમમાં લગભગ 70 એગ્ઝમ્પ્શન અને ડિડક્શન છે. જે ટેક્સેબલ ઇનકમ અને કર જવાબદારી ઘટાડવામાં મદદ કરે છે. આ ઉપરાંત, આ સ્કીમ બચતની આદત કેળવવા, લાંબા ગાળાના રોકાણમાંથી ટેક્સ ફ્રી રિટર્ન કમાવવા અને નિવૃત્તિ માટે પૈસા ઉમેરવાની દ્રષ્ટિએ પણ પસંદ કરવામાં આવે છે.
ઓલ્ડ ટેક્સ રિજીમમાં મળતી છૂટ અને કપાતમાં સૌથી કોમન સેક્શન 80C છે. આવકવેરા કાયદાની કલમ 80Cમાં એમ્પ્લોઇ પ્રોવિડંટ ફંડ એટલે કે EPF, પબ્લિક પ્રોવિડન્ટ ફંડ એટલે કે PPF, લાઇફ ઇન્સ્યોરન્સ જેવી વિવિધ સ્કીમોમાં રોકાણ કરીને 1.5 લાખ રૂપિયા સુધીનો ડિડક્શનનો લાભ લઇ શકાય છે. આ ઉપરાંત NPSમાં રોકાણ પર 50 હજાર રૂપિયાની વધારાની છૂટ છે… આ રીતે 2 લાખ રૂપિયા સુધીના રોકાણને ટેક્સની નેટમાંથી બહાર રાખી શકાય છે.
હવે નંબર આવે છે હેલ્થ ઈન્સ્યોરન્સનો. સેક્શન 80Dમાં હેલ્થ ઈન્સ્યોરન્સ પ્રીમિયમ માટે ડિડક્શન છે. પોતે, પત્ની અને બાળકોના પોલિસી પ્રીમિયમ પર 25,000 રૂપિયાનું ડિડક્શન મળે છે. વરિષ્ઠ નાગરિકો માટે આ મર્યાદા 50,000 રૂપિયા છે. જો તમે અને તમારા માતા-પિતા બંને વરિષ્ઠ નાગરિકો છો, તો તમે 1 લાખ રૂપિયા સુધીની કપાત મેળવી શકો છો.
હાઉસ રેન્ટ એલાઉન્સ એટલે કે HRA હેઠળ, પગારદાર વ્યક્તિ ઘરનું ભાડું ચૂકવવા પર છૂટ મેળવી શકે છે… પરંતુ આના માટે કેટલીક શરતો છે… – પહેલી એ કે HRA તરીકે પ્રાપ્ત થયેલી વાસ્તવિક રકમ, – બીજી મેટ્રો સિટીમાં બેઝિક સેલરીના 50 ટકા અને નોન મેટ્રો સિટીમાં સેલેરીના 40 ટકા. – અને ત્રીજી શરત, મકાનના વાર્ષિક ભાડામાંથી વાર્ષિક પગારના 10 ટકા ઘટાડ્યા બાદ બાકી રહેલી રકમ. આ ત્રણેમાંથી જે રકમ ઓછી હશે તેની પર ડિડક્શન લઈ શકાય છે.
જૂની કર વ્યવસ્થા હેઠળ, હોમ લોન લઈને ઘર ખરીદવા પર પણ ટેક્સ છૂટ છે. કલમ 24 (b) હેઠળ, હોમ લોનના વ્યાજ પર 2 લાખ રૂપિયા સુધીનું ડિડક્શન ક્લેમ કરી શકાય છે. તેવી જ રીતે, પ્રિન્સિપલ એમાઉન્ટ પર સેક્શન 80C હેઠળ કરમુક્તિ છે.
નવી કર વ્યવસ્થામાં ટેક્સના દરો ઓછા છે પરંતુ જૂની કર વ્યવસ્થાની જેમ છૂટછાટ અને ડિડક્શન્સ નથી. બજેટ 2023માં નવી ટેક્સ પ્રણાલીમાં ઘણા ફેરફારો કરવામાં આવ્યા છે. બેઝિક એગ્ઝમ્પ્શન લિમિટને અઢીથી વધારીને 3 લાખ કરવામાં આવી છે. ટેક્સ સ્લેબની સંખ્યા 6 થી ઘટાડીને 5 કરવામાં આવી છે. પગારદાર લોકોને 50 હજારનું સ્ટાન્ડર્ડ ડિડિક્શન મળ્યું…વધારે કમાણી કરનારાઓ માટે સરચાર્જ ઘટ્યો. નવી વ્યવસ્થામાં સાત લાખ રૂપિયા સુધીની આવક પર કોઈ ટેક્સ નથી. જો સ્ટાન્ડર્ડ ડિડક્શન ઉમેરવામાં આવે તો સાડા સાત લાખ રૂપિયા સુધીની કમાણી ટેક્સની જાળમાંથી બહાર રહે છે.
ટેક્સ બચાવવાની શક્યતા ક્યાં વધુ છે. આને સમજીએ ઈન્કમ ટેક્સ કેલ્ક્યુલેટરથી ધારો કે તમારી ગ્રોસ સેલેરી 10 લાખ રૂપિયા છે. તમને બંને ટેક્સ રિજીમમાં 50 હજાર રૂપિયાનું સ્ટાન્ડર્ડ ડિડક્શન મળશે. ત્યારે જુની કર વ્યવસ્થામાં કુલ ટેક્સ 1,06,600 રૂપિયા જ્યારે નવી વ્યવસ્થામાં 54,600 રૂપિયા ટેક્સ ભરવો પડશે… એટલે કે, નવી વ્યવસ્થા પસંદ કરવાથી 52,000 રૂપિયાની બચત થશે.
જો તમે જૂની કર વ્યવસ્થા હેઠળ 80Cમાં દોઢ લાખ, 80Dમાં 25 હજાર, સેક્શન 80ccd (1b) હેઠળ NPSમાં 50 હજારનું રોકાણ અને હોમ લોનના વ્યાજ પર 2 લાખ રૂપિયાનું ડિડક્શન લો છો, તો જૂની કર વ્યવસ્થામાં તમારી ટેક્સ લાયબિલિટી 18,200 રૂપિયા બનશે. અહીં જૂની સ્કીમ પસંદ કરીને તમે 36,400 રૂપિયાનો ટેક્સ બચાવી શકશો.
સંપૂર્ણ કેલ્ક્યુલેશન પરથી એટલું તો જરૂર સ્પષ્ટ થાય છે કે ટેક્સ છૂટ અપાવનારી જેટલી સેક્શન્સનો જેટલો મહત્તમ ઉપયોગ કરવામાં આવશે, નવી કર વ્યવસ્થાની સરખામણીમાં જૂની કર વ્યવસ્થા વધુ ફાયદાકારક થતી રહેશે. ઉદાહરણ તરીકે, જો કોઈ કરદાતા તેની આવકનો નોંધપાત્ર હિસ્સો ટેક્સ બચાવનારા વિકલ્પોમાં લગાવે છે, તો તેને જૂની કર વ્યવસ્થા પસંદ કરવામાં ફાયદો છે.
જો કે, જેમની પાસે રોકાણ માટે વધુ પૈસા નથી બચતા અથવા તો જેઓ ટેક્સ બચાવવા માટે રોકાણ કરવા નથી માંગતા, તેમના માટે નવી ટેક્સ સિસ્ટમ ફાયદાકારક સાબિત થશે. કોઈપણ રિજીમ પસંદ કરતા પહેલા, આવકવેરા વિભાગની વેબસાઇટ પર રહેલા કેલ્ક્યુલેટરની મદદથી પોતાની આવકને બન્નેમાં કેલ્ક્યુલેટ જરૂર કરો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો