આવકવેરા વિભાગે નાણાકીય વર્ષ 2023-24 (AY 2024-25) માટે ITR ફાઇલ કરવા માટે ITR-3ની ઑફલાઇન, ઑનલાઇન અને Excel યુટિલિટીઓ બહાર પાડી છે. જે વ્યક્તિઓને ITR-3 ફાઇલ કરવાની જરૂર છે, તેઓ આ વર્ષે રિટર્ન ફાઇલ કરવા માટે હવે ઑફલાઇન (Java), ઑનલાઇન અથવા એક્સેલ આધારિત યુટિલિટીનો ઉપયોગ કરી શકે છે. અમે તમને જણાવી દઈએ કે ઈ-ફાઈલિંગ ITR પોર્ટલ પર ‘ડાઉનલોડ’ વિભાગ હેઠળ આ ત્રણેય યુટિલિટીઝ હવે ડાઉનલોડ કરવા માટે ઉપલબ્ધ છે.
Online Utility:
Online Utilityનો ઉપયોગ કરતા કરદાતાઓને ITR ફોર્મમાં પહેલાથી ભરેલ ડેટા આપમેળે બતાવવામાં આવશે. તેઓ દરેક શેડ્યૂલ પર પહેલાથી ભરેલા ડેટાની પુષ્ટિ કર્યા પછી અને ડેટા (જો કોઈ હોય તો) ઉમેર્યા પછી સરળતાથી ITR ફાઇલ કરી શકે છે. તમને જણાવી દઈએ કે આમાં સેન્ટ્રલ રેકોર્ડકીપિંગ એજન્સી નેશનલ પેન્શન સિસ્ટમ (NPS) સંબંધિત માહિતી માટે સલાહ આપે છે.
Offline Utility (Java):
JSON ફોર્મેટમાં Java-આધારિત ઑફલાઇન ટૂલનો ઉપયોગ સામાન્ય રીતે ટેક્સપેયર્સ દ્વારા મહત્વપૂર્ણ ડેટા સાથે ITR ફાઇલ કરવા માટે કરવામાં આવે છે. જેમ કે વ્યક્તિઓને રેકોર્ડ જાળવવાની જરૂર હોય ટેક્સ ઑડિટની જરૂરિયાતનો સામનો કરવો પડે અથવા બહુવિધ વિભાગોમાં રહેલી માહિતી હોય.
Excel Utility:
જે કરદાતાને જાવા-આધારિત યુટિલિટીનો ઉપયોગ કરવામાં પરેશાની થતી હોય તેઓ એક્સેલ યુટિલિટીનો ઉપયોગ કરી શકે છે.
ITR-3 કોના માટે છે?
ઈન્કમ ટેક્સ રિટર્ન ફાઇલ કરવા માટે ITR ફોર્મ-3નો ઉપયોગ ફક્ત તે લોકો જ કરી શકે છે જેમની આવક બિઝનેસ અથવા કોઈપણ વ્યવસાયથી છે. જો તમે નાનો વ્યવસાય પણ કરો છો, તો તમે ITR ફોર્મ-3 પર રિટર્ન ફાઇલ કરી શકો છો. આ સિવાય જો તમે ફ્રીલાન્સ આર્ટિસ્ટ અને કન્સલ્ટન્ટ છો તો તમે ITR ફોર્મ-3નો પણ ઉપયોગ કરી શકો છો.
Published - May 13, 2024, 05:25 IST
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો