Monry9: થોડાક દિવસ પહેલા સુધી બદ્રી ઘણો ખુશ હતો. ખુશીનું કારણ હતુ બાળકનું ભવિષ્ય સુરક્ષિત થવું. તેની પાસે એક પ્રોપર્ટી હતી. જેણે તેને તેના 12 વર્ષના પુત્રને ગિફ્ટ કરી દીધી. જેનાથી તેને 3 ફાયદા થયા. એક તો દર મહિનાની ઇનકમ બંધાઇ ગઇ. કારણ કે પ્રોપર્ટી ભાડા પર ચડી ગઇ. બાળકનું ફ્યૂચર સિક્યોર થઇ ગયું. અને ભાડાની કમાણી તેની ઇનકમમાં નહીં જોડાય. તો વધુ ટેક્સ પણ નહીં ભરવો પડે. પરંતુ બદ્રીની આ ખુશી લાંબા સમય સુધી ન ટકી. તેના એક પરીચિતે જણાવ્યું કે બાળકનું ભવિષ્ય ભલે સિક્યોર થઇ ગયું પરંતુ ટેક્સ તો તારે ભરવો જ પડશે.
પ્રોપર્ટી ગિફ્ટમાં આપવા છતાં બદ્રીના પોતાના ખિસ્સામાંથી કેમ ટેક્સ કપાશે? આ વાત તેને સમજાતી નથી. આવો જાણીએ કે આમ કેમ થશે? આવકવેરા કાયદા 1961 હેઠળ એક નાણાકીય વર્ષમાં 50 હજાર રૂપિયાથી વધુ ગિફ્ટ મળવા પર ટેક્સ ચૂકવવો પડે છે. ટેક્સ ગિફ્ટ લેનાર વ્યક્તિએ ચૂકવવો પડે છે. જો કે આવકવેરા કાયદા હેઠળ રિલેટિવની વ્યાખ્યામાં પતિ કે પત્ની, ભાઇ કે બહેન, માતા કે પિતા, પતિ કે પત્ની કે માતા-પિતા સહિત અન્ય વ્યક્તિઓનો સમાવેશ થાય છે. બદ્રીએ પોતાના પુત્રને પ્રોપર્ટી ગિફ્ટમાં આપી છે. આવા સંજોગોમાં પ્રોપર્ટી ગિફ્ટ કરતી વખતે બન્ને પર કોઇપણ પ્રકારની ટેક્સ જવાબદારી નહીં બને.
હવે વાત આવે છે કે ક્યારે અને કેમ બદ્રીએ પુત્રને ગિફ્ટ કરેલી પ્રોપર્ટી પર ટેક્સ ચૂકવવો પડશે. સામાન્ય રીતે એક વ્યક્તિ પર ટેક્સ ત્યારે લાગે છે જ્યારે તે જાતે કમાણી કરે છે. પરંતુ કેટલાક કિસ્સાઓમાં જ્યારે કોઇ બીજી વ્યક્તિ કમાણી કરે છે. તો તે કમાણી પણ તમારી ઇનકમમાં ઉમેરાઇ જાય છે. આ પ્રકારના કિસ્સામાં જ્યારે બીજી વ્યક્તિની ઇનકમ તમારી ઇનકમમાં ઉમેરાય છે તેને ક્લબિંગ ઓફ ઇનકમ કે ઇનકમ ક્લબિંગ કહેવાય છે. ઇનકમ ટેક્સ એક્ટની સેક્શન 60 થી 64માં ક્લબિંગ સાથે જોડાયેલી જોગવાઇઓ આપવામાં આવી છે.
સેક્શન 64 દર્શાવે છે કે ક્યારે અને કેવી રીતે સ્પાઉઝ, એટલે કે પતિ કે પત્ની..માઇનોર ચાઇલ્ડ એટલે કે 18 વર્ષથી ઓછી ઉંમરની બાળકની કમાણી તમારી ઇનકમમાં જોડાઇ શકે છે. સેક્શન 64 (1A) સગીર બાળકની કમાણીને કવર કરે છે. જેમાં સાવકા અને દત્તક લીધેલા બાળકો પણ સામેલ છે. સેક્શન 64 (1A) હેઠળ, જો સગીર બાળકોની કોઇ કમાણી થાય છે તો તે તેના પેરન્ટન્સની કમાણીમાં ઉમેરાઇ જાય છે. પેરન્ટ્સ એટલે કે માતા કે પિતામાંથી જેની કમાણી વધારે હશે..બાળકની કમાણી તેની ઇનકમમાં ઉમેરાઇ જશે. જો માતા-પિતાના છુટાછેડા થઇ જાય છે..તો બાળકની ઇનકમ તે વ્યક્તિ સાથે ક્લબ થશે જે તેનો લિગલ ગાર્ડિયન એટલે કે કાયદેસરનો વાલી છે.
ક્લબિંગ ઓફ ઇનકમ ત્યાં સુધી ચાલુ રહેશે..જ્યાં સુધી બાળક સગીર ન થઇ જાય. સગીર થયા બાદ આ કમાણી તેની પોતાની આવક હેઠળ ટેક્સેબલ થશે. આવકવેરા કાયદા હેઠળ એવી 3 સ્થિતિ છે જ્યારે સગીર બાળકની ઇનકમ તેના માતા કે પિતાની આવકમાં નથી ઉમેરાતી. પહેલી..સેક્શન 80Uમાં દર્શાવેલી દિવ્યાંગતા, એટલે કે Disability થી પીડિત બાળકની ઇનકમ માતા કે પિતાની ઇનકમની સાથે નહીં જોડાય. બીજી, જો બાળક કોઇ મેન્યુઅલ વર્ક કરીને કમાણી કરે છે તો આવી ઇનકમ પણ પેરન્ટ્સની કમાણીમાં નહીં જોડાય. ત્રીજું, જો તમારુ બાળક કોઇ ગેમ શો કે એક્ટિવિટીમાં ભાગ લે અને પોતાની સ્કીલ કે ટેલેન્ટથી કોઇ આવક મેળવે તો તે કમાણી પણ માતા-પિતાની ઇનકમમાં નહીં ઉમેરાય.
જો તમે પણ બદ્રીની જેમ ઇનકમ છુપાવવાના ઇરાદે પોતાના સગીર બાળક કે પત્નીના નામે કોઇ પ્રોપર્ટી ખરીદો છો કે એફડી કરાવીને એમ વિચારો છો કે તેનાથી જે રિટર્ન આવશે તેની પર તમારે કોઇ ટેક્સ નહીં ચૂકવવો પડે તો ક્લબિંગની જોગવાઇઓનું ધ્યાન રાખો. આવી ઇનકમ પર તમારે ટેક્સ ચૂકવવો પડી શકે છે. એક વાત બીજી ધ્યાનમાં રાખો કે જો તમે આ રીતે ટેક્સ બચાવો છો તો તેને ટેક્સ ચોરી માનવામાં આવી શકે છે. અને પેનલ્ટી ભરવી પડી શકે છે..એટલું જ નહીં કોર્ટના ચક્કર પણ કાપવા પડી શકે છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો