Money9: રવિએ ઓફિસમાં ઇનકમ ટેક્સ સેવિંગ્સ સંબંધિત પ્રૂફ સબમિટ કરવાના છે નહીં તો ટેક્સ કપાઇ જશે…તેની પાસે ઇન્વેસ્ટમેન્ટ માટે અત્યારે પૈસા નથી…તેથી તે તેના ઇક્વિટી મ્યુચ્યુઅલ ફંડમાં પડેલા પૈસાને ઇક્વિટી લિંક્ડ સેવિંગ્સ સ્કીમ એટલે કે ELSSમાં કરવા માંગે છે. ELSSમાં રોકાણ પર સેક્શન 80સી હેઠળ ડિડક્શન મળે છે. પરંતુ રવિની દુવિધા એ છે કે એક મ્યુચ્યુઅલ ફંડમાંથી બીજા ફંડમાં સ્વિચ કરવા પર કેપિટલ ગેઇન ટેક્સ લાગશે કે નહીં?
આ વીડિયોમાં આપણે રવિના આ સવાલનો જવાબ શોધવાનો પ્રયાસ કરીએ…
ઘણા લોકો મ્યુચ્યુઅલ ફંડ સ્કીમમાં પડેલા પૈસાને અન્ય સ્કીમમાં નાંખે છે અથવા સ્વિચ કરે છે…હાલની સ્કીમમાં મનપસંદ રિટર્ન ન મળવું અને રિસ્કને ઘટાડવું આનું કારણ હોઇ શકે છે…મ્યુચ્યુઅલ ફંડ્સમાં સ્વિચિંગ કરવાનો અર્થ એક જ મ્યુચ્યુઅલ ફંડ હાઉસમાં પોતાના રોકાણને એક સ્કીમમાંથી બીજી સ્કીમમાં ટ્રાન્સફર કરવાનો છે. તમે એક જ ફંડ હાઉસની ઇક્વિટી સ્કીમમાંથી ડેટ અને ડેટમાંથી ઇક્વિટી સ્કીમમાં પૈસા સ્વિચ કરી શકો છો.
અલગ અલગ ફંડ હાઉસની સ્કીમ વચ્ચે રોકાણ ટ્રાન્સફર કરવા માટે, પહેલા રિડેમ્પશન કરવું પડે છે અને પછી પૈસાને બીજા મ્યુચ્યુઅલ ફંડ હાઉસની સ્કીમમાં ઇન્વેસ્ટ કરવા પડશે…માની લો કે, હાલમાં તમે મ્યુચ્યુઅલ ફંડ Aની સ્કીમમાં રોકાણ કર્યું છે. જેને તમે ફંડ હાઉસ B ની સ્કીમમાં ટ્રાન્સફર કરવા માંગો છો…આના માટે તમારે A ની સ્કીમમાંથી રિડેમ્પ્શન કરવું પડશે એટલે કે યુનિટ્સ વેચવા પડશે. રિડેમ્પ્શનમાંથી મળેલા પૈસા તમારા બેંક ખાતામાં આવશે. ત્યારબાદ તમે મ્યુચ્યુઅલ ફંડ Bની સ્કીમમાં રોકાણ કરી શકો છો… મ્યુચ્યુઅલ ફંડના યૂનિટ રિડીમ એટલે કે વેચવા પર કેપિટલ ગેઈન ટેક્સ ચૂકવવો પડે છે.
એક જ ફંડ હાઉસની અલગ-અલગ સ્કીમ વચ્ચે ઇન્વેસ્ટમેન્ટ ટ્રાન્સફર કરવા પર પૈસા બેંક એકાઉન્ટમાં નથી આવતા, પરંતુ સીધા એક સ્કીમમાંથી બીજી સ્કીમમાં જતા રહે છે. જો કે, કરવેરાના દૃષ્ટિકોણથી, તેને સેલ અથવા રિડમ્પ્શન જ માનવામાં આવે છે. આનો અર્થ એ છે કે નફા પર કેપિટલ ગેઈન ટેક્સ ચૂકવવો પડશે. કેપિટલ ગેઈન ટેક્સ કેટલો અને કેવા પ્રકારનો છે, તે સ્કીમના નેચર અને હોલ્ડિંગ પીરિયડ પર આધાર રાખશે.
ઇક્વિટી મ્યુચ્યુઅલ ફંડમાં 12 મહિનાથી વધુનું રોકાણ લોંગ ટર્મ કેપિટલ ગેઇન માનવામાં આવે છે. 12 મહિનાથી વધુ સમય માટે કોઈ રોકાણને રાખીને તેને બીજી સ્કીમમાં ટ્રાન્સફર કરવાથી લોંગ ટર્મ કેપિટલ ગેઇન એટલે કે LTCG ટેક્સ લાગશે…એક નાણાકીય વર્ષમાં 1 લાખ રૂપિયા સુધીના નફા પર કોઈ ટેક્સ નથી. તેનાથી ઉપરના નફા પર 10 ટકા ટેક્સ છે. હોલ્ડિંગ પીરિયડ 12 મહિનાથી ઓછો હશે તો નફાને શોર્ટ ટર્મ કેપિટલ ગેઇન માનવામાં આવશે. તેના પર 15 ટકાના દરે STCG ટેક્સ લાગુ થશે.
જો તમે 1 એપ્રિલ, 2023 ના રોજ અથવા ત્યારબાદ ડેટ મ્યુચ્યુઅલ ફંડમાં રોકાણ કર્યું હશે તો હોલ્ડિંગ પીરિયડ ગમે તે હોય, રોકાણને સ્વિચ કરવા પર થયેલો નફો શોર્ટ ટર્મ કેપિટલ ગેઇન માનવામાં આવશે. જે તમારી ઇનકમમાં ઉમેરાશે. ઇનકમ જે ટેક્સ સ્લેબમાં આવશે તે દરે ટેક્સ વસૂલવામાં આવશે.
જો ડેટ મ્યુચ્યુઅલ ફંડમાં રોકાણ 31 માર્ચ, 2023 ના રોજ અથવા તે પહેલાનું છે તો ઇન્ડેક્સેશનનો ફાયદો મળશે… આ સ્થિતિમાં, ડેટ ફંડના યુનિટને 36 મહિનાથી વધુ સમય માટે રાખીને બીજી સ્કીમ પર સ્વિચ કરવા પર ઈન્ડેક્સેશન બેનિફિટ બાદ 20 ટકા લોંગ ટર્મ કેપિટલ ગેઇન ટેક્સ લાગશે. ઇન્ડેક્સેશન ટેક્સ જવાબદારી ઘટાડવામાં મદદ કરે છે…36 મહિના પહેલાં વેચવામાં આવે, તો શોર્ટ ટર્મ કેપિટલ ગેઇન લાગશે અને ટેક્સ સ્લેબ અનુસાર નફા પર ટેક્સ લાગશે.
રવિએ ડીએસપી ઇક્વિટી ઓપોર્ચ્યુનિટીઝ ફંડમાં રોકાણ કર્યું છે…આ એક ઇક્વિટી મ્યુચ્યુઅલ ફંડ છે…રવિ આ રોકાણને ડીએસપીની જ ELSS સ્કીમમાં સ્વિચ કરવા માંગે છે…તેનું રોકાણ 40 હજાર છે અને હોલ્ડિંગ પીરિયડ 4 મહિના છે..હાલના સમયમાં તેની રકમ વધીને 44,200 રૂપિયા થઇ ગઇ છે. એટલે કે 4,200 રૂપિયાનો નફો છે…તેના રોકાણને હજુ 12 મહિના નથી થયા..તેથી આ ગેઇન શોર્ટ ટર્મ કેપિટલ ગેઇન છે…અને તેને 4,200 રૂપિયાના નફા પર 15 ટકાના દરે 630 રૂપિયા ટેક્સ ચૂકવવો પડશે.
રવિની જેમ, જો તમે પણ એક સ્કીમમાંથી બીજી સ્કીમમાં પૈસા ટ્રાન્સફર કરો છો, તો ટેક્સ લાગશે… ટેક્સ ઉપરાંત, તમારે એક્ઝિટ લોડ ચૂકવવો પડી શકે છે… એક્ઝિટ લોડ એક પ્રકારની ફી છે, જે એસેટ મેનેજમેન્ટ કંપની રોકાણકાર પાસેથી ત્યારે વસૂલે છે જ્યારે તે રોકાણ પાછું ખેંચે અથવા સ્વિચ કરે છે..મુખ્યત્વે આ ફી રોકાણકારને લૉક-ઇન પીરિયડ પહેલાં તેના રોકાણને તોડતા અટકાવવા માટે લેવામાં આવે છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો