Money9: હેલ્થ ઇન્સ્યોરન્સમાં સમ ઇંશ્યોર્ડની રકમ ઘણીય મોટી હોય છે, તો પછી OPDના ખર્ચાઓ માટે અલગથી કવર કેમ લેવું? રાહુલ પણ આમ જ વિચારતો હતો કે, 5 લાખનો વીમો છે તો પછી શું કામ ટેન્શન લેવું? પરંતુ હવે રાહુલ તેમાં 25,000 રૂપિયાનું OPD એડ ઓન કવર જોડી રહ્યો છે. હકીકતમાં એક દિવસ અચાનક રાહુલના પેટમાં દુઃખાવો ઉપડ્યો..જેથી તે ઇમરજન્સી વૉર્ડમાં દાખલ થયો. અલ્ટ્રાસાઉન્ડ બાદ કિડની સ્ટોન ડિટેક્ટ થઇ. પેનકિલર અને દવાઓ બાદ થોડીવારમાં ડિસ્ચાર્જ થઇ ગયો. પરંતુ થોડાક કલાકોનું હોસ્પિટલાઇઝેશન અને ટેસ્ટનો ખર્ચો હેલ્થ ઇન્સ્યોરન્સમાં કવર ન થયો.
રેગ્યુલર હેલ્થ ઇન્સ્યોરન્સ
રેગ્યુલર હેલ્થ ઇન્સ્યોરન્સમાં ક્લેમ ત્યારે જ મળે છે જ્યારે તમે ઓછામાં ઓછા 24 કલાક હોસ્પિટલમાં ભરતી થયા હોવ. હોસ્પિટલના આઉટ પેશન્ટ ડિપાર્ટમેન્ટ એટલે કે OPDમાં જ્યારે તમે ડોક્ટરને બતાવો છો તો આ ખર્ચ તમારો આરોગ્ય વીમો કવર નથી કરતું. ડૉક્ટરની ફીથી લઇને બ્લડ ટેસ્ટ સુધીના બધા ખર્ચા તમારે કરવા પડશે. ઇન્સ્યોરન્સ ઇન્ડસ્ટ્રીનું આકલન છે કે બીમાર પડવા પર સારવારના ખર્ચનો અંદાજે 70 ટકા હિસ્સો OPD સારવાર, પેથોલૉજી ટેસ્ટ અને ડોક્ટરની ફીસ પાછળ વપરાય છે જે મોટાભાગે હેલ્થ ઇન્સ્યોરન્સ પોલિસીમાં કવર નથી થતો. જો થાય છે તો પ્રીમિયમ વધી જાય છે.
ડોક્ટરની તપાસ, પેથોલોજી ટેસ્ટથી લઇને સ્કેન અને દવાઓના ખર્ચા માટે એડ ઑન ઓપીડી કવર મળે છે. કેટલીક કંપનીઓ પોતાના હેલ્થ વીમામાં આને ઇન બિલ્ટ જોડીને પણ આપે છે. પરંતુ વીમાની સાથે ઇન બિલ્ટ OPD કવર એક તો મોંઘું પડે છે અને બીજું સબ-લિમિટની સાથે મળે છે. સબ-લિમિટનો અર્થ થયો કે વીમા કંપની પહેલેથી નક્કી કરી લે છે કે તે OPD ખર્ચનો કેટલો હિસ્સો પે કરશે.
એડ ઓન ઓપીડી કવર
એડ ઓન ઓપીડી કવર હોસ્પિટલમાં દાખલ થયા વગરના ઘણાં ખર્ચાઓને કવર કરી લે છે. ફક્ત 500 રૂપિયાના મામૂલી પ્રીમિયમની ચુકવણીથી આ કવર શરૂ થાય છે અને 5000ના સમ એશ્યોર્ડથી લઇને તમે ગમેતેટલી રકમનું એડ ઑન લઇ શકો છો.
Bajaj Allianz General Insurance ની Health Administration Team ના હેડ ભાસ્કર નેરુરકર જણાવે છે કે બજાજ આલિયાંઝ પોતાની એપ દ્વારા હેલ્થ પ્રાઇમ નામનું એડ ઑન રાઇડર આપે છે જેમાં ડોક્ટરની ઓનલાઇન કન્સલ્ટન્સી, ડોક્ટર દ્વારા જણાવેલા ટેસ્ટ, રજિસ્ટર્ડ લેબ દ્વારા હોમ સેમ્પલ કલેક્શનથી લઇને ફિઝિયોથેરાપીની કેશલેસ સુવિધા આપે છે. 63 રૂપિયાથી લઇને 2300 રૂપિયાના પ્રીમિયમ પર અંદાજે 6 પ્લાન છે જેમાં 15,000થી 25,000 સુધીનું કવર લઇ શકાય છે.
OPD કન્સલ્ટન્ટ અને ટેસ્ટના ખર્ચામાં નકલી બિલ બનવાની સંભાવના રહે છે. એટલે બધી જ કંપનીઓ આ એડ ઓનને એપ દ્વારા ઓનલાઇન કેશ સેવા આપે છે. તમે કંપનીના નેટવર્કમાં સામેલ ડોક્ટરની સલાહ લો છો. આ કંપનીઓના રજિસ્ટર્ડ લેબથી ટેસ્ટ કરાવો છો. દવાઓનો ખર્ચ જો તમારા ઓપીડી કવરમાં સામેલ છે તો જે ખર્ચ આપે છે તે તેમના નેટવર્કમાં હોય તે ફાર્મસીમાંથી દવા ખરીદમાં આવે છે.
OPD કવર પસંદ કરતી વખતે ધ્યાન રાખો કે તમે કયા કયા ખર્ચ કવર કરવા માંગો છો. જેમ કે દવાઓનો ખર્ચ, જનરલ ફિઝિશિયન ઉપરાંત સ્પેશ્યાલિસ્ટ ડોક્ટરનું કન્સલ્ટેશન અને કવરનો રેશિયો, વીમા કંપનીના નેટવર્ક હોસ્પિટલ અને લેબ્સના લિસ્ટને બરોબર જોઇ અને સમજી લો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો