MONEY9 GUJARATI: વડોદરાના રહેવાસી અંકિત માટે ગાઢ ધુમ્મસ જીવલેણ સાબિત થયું. એક્સપ્રેસ વે પર કાર અકસ્માતમાં (accident) જીવ ગુમાવ્યો. બધું એટલું અચાનક બન્યું કે પરિવારને કંઈ જ ખબર ન પડી. થોડા દિવસો પછી, પરિવારના સભ્યોને ખબર પડી કે અંકિતે 20 લાખ રૂપિયાનો પર્સનલ એક્સિડેન્ટલ ઈન્સ્યોરન્સ કવર (Personal Accidental Insurance Cover) લીધું હતું. હવે આ વીમાનો ક્લેમ (Insurance claim) મેળવવા માટે પરિવારે શું કરવું જોઈએ? કેસ અકસ્માતનો હોવાથી, આ વીમા ક્લેમને મેળવવા માટે પોલીસ FIR પણ જરૂરી છે. પોલીસમાં કેસ નોંધવામાં આવ્યો છે પરંતુ હજુ સુધી FIR મળી નથી… તો આવી સ્થિતિમાં અંકિતના પરિવારે શું કરવું જોઈએ? ચાલો સમજીએ-
એક્સીડેન્ટના કિસ્સામાં, ક્લેમ માટે FIR જરૂરી હોય છે કારણ કે FIR નોંધવાનો અર્થ એ છે કે પોલીસે તપાસ કરી છે અને કંપનીને વિશ્વાસ છે કે વીમો ક્લેમ કરવા માટે કોઈ હારફેરી નથી કરી રહ્યું. તેનાથી ક્લેમ મેળવવામાં સરળતા રહેશે.
Digit General Insuranceના સિનિયર મેનેજર, હેલ્થ ક્લેમ ડૉ. રાજા તંવર કહે છે કે એક્સીડેન્ટમાં કોઈ પણ નુકસાનના કિસ્સામાં, શક્ય તેટલી વહેલી તકે વીમા કંપનીને જાણ કરવાની હોય છે.. આ માહિતી વીમા કંપનીના ઈમેલ આઈડી અથવા હેલ્પલાઈન નંબર પર આપી શકાય છે. આમાં પૉલિસીની વિગતો આપવી જરૂરી છે. ઈન્ટીમેશન આપવા માટે એટલે કે કંપનીને જાણ કરવા માટે FIRની જરૂર નથી હોતી. ઈન્ટીમેશન મળ્યા પછી વીમા કંપની જરૂરી દસ્તાવેજોનું લિસ્ટ આપશે. ક્લેમ ફોર્મ સાથે સંપૂર્ણ દસ્તાવેજો મળ્યા બાદ વીમા કંપની વીમાની રકમ જાહેર કરશે. આ મહત્વપૂર્ણ કાગળોની યાદીમાં FIR પણ ઉમેરવી પડશે.
ડૉ. રાજા તંવર કહે છે કે રોડ એક્સીડેન્ટમાં મૃત્યુના કિસ્સામાં FIR જરૂરી છે. FIR નોંધાયા બાદ જ પોલીસ પોસ્ટમોર્ટમ અને આગળની કાર્યવાહી હાથ ધરે છે. આવી સ્થિતિમાં, વીમા કંપની ક્લેમ ચૂકવતા પહેલા FIR અને પોસ્ટમોર્ટમ રિપોર્ટ માંગશે. જો કોઈ વ્યક્તિ અકસ્માતમાં ઘાયલ થઈ હોય અને તેની હોસ્પિટલમાં સારવાર થઈ હોય, તો ક્લેમ ફોર્મ સાથે મેડિકલ રિપોર્ટ પણ સબમિટ કરવાનો રહેશે. આ અહેવાલોનો અભ્યાસ કર્યા પછી જ વીમા કંપની ક્લેમ મંજૂર કરશે.
હવે પ્રશ્ન એ છે કે ક્લેમ માટે કયા દસ્તાવેજો જરૂરી છે? અકસ્માત વીમાનો ક્લેમ કરવા માટે જે ડૉક્યુમેન્ટ્સની જરૂર પડશે તેમાં પૉલિસીની કૉપી, મૃતક વ્યક્તિનું એડ્રેસ અને આઈડી પ્રૂફ, FIR, પોસ્ટમોર્ટમની કૉપી, જો હોસ્પિટલમાં સારવાર થઈ હોય, તો તેની વિગતો પણ આપવી પડશે. આ સાથે, નૉમિનીના KYC અને બેંક ખાતાની ડિટેલ્સ સબમિટ કરવાની રહેશે. જો નૉમિની પૉલિસીમાં નોંધાયેલ નથી, તો લીગલ હાયર સર્ટિફિકેટ એટલે કે કાનૂની ઉત્તરાધિકાર પ્રમાણપત્ર સબમિટ કરવું પડશે.
વાસ્તવમાં, નિયમો મુજબ, આ ક્લેમ ઘટનાના 30 દિવસની અંદર દાખલ થવો જોઈએ… જો કે, ક્લેમ દાખલ કરવા માટે કોઈ સમય મર્યાદા નથી… જો દાવો 30 દિવસ પછી દાખલ કરવામાં આવે છે, તો વીમા કંપની ક્લેમમાં વિલંબ માટેનું વ્યાજબી કારણ પૂછી શકે છે. ક્લેમ સાથે જોડાયેલા તમામ દસ્તાવેજો મળ્યાની તારીખથી વીમા કંપનીને એક મહિનાની અંદર ક્લેમની રકમ ચૂકવવાની રહેશે.
જો તમે વીમા ક્લેમ કરી રહ્યા છો, તો પ્રયત્ન કરો કે ક્લેમ સંબંધિત તમામ કાગળો એકસાથે સબમિટ કરો. જો દસ્તાવેજો પૂરા ન હોય, તો જ્યાં સુધી તમે બધા દસ્તાવેજો સબમિટ નહીં કરો ત્યાં સુધી વીમા કંપની ક્લેમ પાસ નહીં કરે. ઘણી વખત વીમા કંપની કેટલાક ક્લેરિફિકેશન અને સપોર્ટિંગ ડૉક્યુમેન્ટ્સ પણ માંગે છે. જો તમે માહિતી આપતી વખતે વારંવાર તમારું નિવેદન બદલો છો, તો તમારો ક્લેમ નકારવામાં આવી શકે છે.
પરિવારની આર્થિક સુરક્ષા માટે પર્સનલ એક્સીડેન્ટ ઈન્સ્યોરન્સ એક સારો વિકલ્પ છે. અંકિતના પરિવારની જેમ સંકટ સમયે આ ઈન્સ્યોરન્સ ઘણો મદદગાર સાબિત થઈ શકે છે. જો તમે કોઈપણ વીમા ક્લેમ લેવા માંગતા હો, તો તેના વિશે વીમા કંપનીને તાત્કાલિક જાણ કરો. આ પછી જરૂરી કાગળો એકત્રિત કરો. ક્લેમ સંબંધિત તમામ દસ્તાવેજો એકસાથે સબમિટ કરવાનો પ્રયાસ કરો જેથી કરીને તમને સમયસર ક્લેમ મળી શકે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો