MONEY9 GUJARATI: જો વાયરલ, ડેન્ગ્યુ, ટાઈફોઈડ જેવી બીમારીઓ ગંભીર બની જાય તો હોસ્પિટલનું બિલ લાખો રૂપિયાનું થઈ શકે છે…જેના માટે તમારે તમારી બચત (savings) તોડવી પડી શકે છે…આવી સ્થિતિમાં ધ્રુવ જેવા લોકો આર્થિક સંકટ (economic crisis)માં ફસાઈ જાય છે…મની9એ (Money9) દેશનો સૌથી મોટો પર્સનલ ફાઇનાન્સ સર્વે (Personal Finance Survey) હાથ ધર્યો હતો.. 35 હજારથી વધુ ભારતીય પરિવારો વચ્ચે કરવામાં આવેલા આ સર્વેમાં બહાર આવ્યું છે કે છેલ્લા 5 વર્ષમાં 67 ટકા ભારતીય પરિવારોએ તેમની બચત તોડી છે… આના કરતાં પણ વધુ ચિંતાજનક સ્થિતિ એ છે કે આ 67 ટકા પરિવારોમાંથી 22.3 ટકા એવા છે જેમને સારવાર માટે તેમની બચત તોડવી પડી હતી..આ એ વાતનો સંકેત છે કે ધ્રુવની જેમ તેમની પાસે કાં તો હેલ્થ ઈન્સ્યોરન્સ (Health Insurance) નહોતો… અથવા જો હતું તો તેનું કવર પૂરતું નહોતું… જેના કારણે સારવારના ખર્ચમાં તેમની બચત સ્વાહા થઈ ગઈ… હવે આ જાણી લો કઈ ઉંમરે હેલ્થ ઈન્શ્યોરન્સ પોલિસી ખરીદવી જોઈએ અને પર્યાપ્ત હેલ્થ ઈન્સ્યોરન્સ કવર (Health Insurance Cover) કેટલું હોવું જોઈએ.
હેલ્થ ઈન્સ્યોરન્સ કવર કેટલું હોવું જોઈએ એ સૌથી મોટો અને સૌથી મુશ્કેલ પ્રશ્ન છે… અને એ જાણવા માટે એવી કોઈ ફોર્મ્યુલા નથી કે જે બધા લોકોને સમાન રીતે લાગુ પડે… મની9માં ઘણા ઈન્સ્યોરન્સ એક્સપર્ટ્સે જણાવ્યું છે કે વ્યક્તિએ ઓછામાં ઓછી 10 લાખ રુપિયાની સમ-ઈન્શોર્ડવાળી હેલ્થ ઈન્સ્યોરન્સ પોલિસી લેવી જોઈએ.. પરંતુ આ એક સેટ રુલ ના હોઈ શકે,,કારણ કે દરેક વ્યક્તિની જરૂરિયાતો અને સંજોગો અલગ-અલગ હોય છે…આ જરૂરિયાતો અને સંજોગોના આધારે તમારા હેલ્થ કવરનું કદ નક્કી કરવામાં આવે છે.
હેલ્થ કવરની યોગ્ય સાઈઝ શું હોવી જોઈએ તે સમજવામાં તમને જે ફેક્ટર્સ મદદ કરશે તે આ છે.-
– પ્રથમ- ઉંમર (જેટલી નાની ઉંમર, પ્રીમિયમ તેટલું ઓછું.
– તમારી અને તમારા પરિવારની મેડિકલ હિસ્ટ્રી
– તમે કયા શહેરમાં રહો છો
– તમે કયા પ્રકારની હોસ્પિટલમાં સારવાર મેળવશો?
– અને કેટલું પ્રીમિયમ ચૂકવી શકો છો…
ઉદાહરણ તરીકે, દિલ્હી-મુંબઈ જેવા મેટ્રો શહેરોમાં સારવાર ખૂબ મોંઘી છે. તેની સરખામણીમાં, નાના શહેરોમાં સારવાર થોડી સસ્તી છે. આવી સ્થિતિમાં મોટા શહેરોમાં રહેતા લોકોએ વધુ રકમનું ઈન્સ્યોરન્સ કવર લેવું જોઈએ. ઉદાહરણ તરીકે, જો તમને જનરલ હોસ્પિટલના સામાન્ય રૂમમાં દાખલ કરવામાં આવે છે, તો દિવસનો ચાર્જ 2 થી 3 હજાર રૂપિયા છે… જ્યારે, મોટી હોસ્પિટલના ડીલક્સ રૂમનો પ્રતિ દિવસનો ચાર્જ 10 થી 15 હજાર રૂપિયા કે તેથી વધુ છે. .
હેલ્થ ઈન્સ્યોરન્સ બે પ્રકારના હોય છે…ઈન્ડિવિઝ્યુઅલ અને ફેમિલી ફ્લોટર પ્લાન… ઈન્ડિવિઝ્યુઅલ પ્લાનમાં દરેક વ્યક્તિને અલગ પોલિસી અને સમ ઈન્શ્યોર્ડની અલગ રકમ મળે છે…જ્યારે ફેમિલી ફ્લોટમાં એક કૉમન ઈન્સ્યોરન્સ કવર આપવામાં આવે છે, જે પરિવારના તમામ સભ્યો વચ્ચે ડિવાઈડ થાય છે… કોના માટે ઈન્ડિવિઝ્યુઅલ અને કોના માટે ફેમિલી ફ્લોટર પ્લાન લેવો યોગ્ય છે? આવો જાણીએ એક્સપર્ટ પાસેથી…
બીજી એક વાત, તમારું હેલ્થ કવર એટલું હોવું જોઈએ કે તે ન માત્ર આજના મેડિકલ ખર્ચાઓને કવર કરે પરંતુ ભવિષ્યના સારવારના ખર્ચાઓને પણ સહન કરી શકે… સારવાર ખર્ચનો ફુગાવો 10 થી 15 ટકાની વચ્ચે છે… આને ધ્યાનમાં લઈ ઈન્સ્યોરન્સ કવરની રકમ વધારે રાખવી યોગ્ય રહેશે.. તેથી, તમારું ખિસ્સું જેટલું વધુ પ્રીમિયમ આપવા માટે Allow કરે, તેને તમારી જરૂરિયાતો સાથે મેચ કરી તેટલું વધું ઈન્સ્યોરન્સ લેવું જોઈએ..
જો તમે 10 લાખ અથવા 20 લાખ રુપિયાના કવરવાળો હેલ્થ ઇન્શ્યોરન્સ પ્લાન લો છો, તો તેના પ્રીમિયમમાં શું તફાવત આવશે… હવે ચાલો આ સમજીએ… પોલિસી બજારની વેબસાઇટ અનુસાર, જો 32 વર્ષનો ધ્રુવ જો પોતાના માટે 10 લાખ રુપિયાના કવર સાથેનો હેલ્થ ઈન્સ્યોરન્સ પ્લાન લે છે, તો તેનું પ્રીમિયમ દર મહિને 700 થી 1300 રુપિયા સુધીનું આવશે. અને જો 20 લાખ રુપિયાનું કવર લે છે, તો પ્રીમિયમ 932થી 1500 રુપિયા દર મહિને આવશે… આનો અર્થ એ છે કે ડબલ કવર માટે, તમારું પ્રીમિયમ ફક્ત 20 થી 30 ટકા જ વધશે.
હવે ચાલો વાત કરીએ કે તમે તમારા ઈન્સ્યોરન્સ કવરને કઈ રીતે વધારી શકો છો…સૌથી પહેલા, તમારે દર વર્ષે તમારા હેલ્થ ઈન્સ્યોરન્સની સમીક્ષા કરવી જોઈએ જેથી કરીને તમે તમારી જરૂરિયાત મુજબ કવર વધારી શકો.. પોલીસી રિન્યુઅલના સમયે, તમે ઈન્સ્યોરન્સ કંપની સાથે વાત કરીને કવર વધારી શકો છો…આ માટે તમારે થોડું વધારે પ્રીમિયમ ચૂકવવું પડશે.. તમે ટોપ-અપ પ્લાન અને સુપર ટોપ-અપ પ્લાન ખરીદીને પણ ઈન્સ્યોરન્સ કવર વધારી શકો છો.
કેટલાક રાઈડર જેવા કે હૉસ્પિટલ કૅશ રાઇડર, ક્રિટિકલ ઇલનેસ રાઇડર, મેટરનિટી કવર રાઇડર, એક્સિડન્ટ ડિસેબિલિટી રાઇડર જેવા રાઇડર્સ પણ છે જે પૉલિસીનું કવર વધારવામાં મદદ કરી શકે છે… આ રીતે, તમે ઇન્શ્યોરન્સ કવર વધારીને મેડિકલ ખર્ચને મેનેજ કરી શકો છો. અને સારવાર માટે ખિસ્સામાંથી મોટા ખર્ચાઓ ચૂકવવાથી બચી શકો છો..
તમે જેટલી નાની ઉંમરે હેલ્થ ઈન્સ્યોરન્સ ખરીદો છો, તેટલું સારું છે. યુવાનોમાં ઈમ્યુનિટી વધુ હોય છે, જેનાથી તેઓ ડાયાબિટીસ, હાયપરટેન્શન, કેન્સર અને હૃદય સંબંધિત રોગોનો શિકાર બનવાની શક્યતાઓ ઘટી જાય છે. આને કારણે, તમને ઓછા પ્રીમિયમ પર સારું કવર મળી જાય છે. …મોટાભાગની હેલ્થ ઈન્સ્યોરન્સ પૉલિસીમાં અમુક ચોક્કસ રોગો અથવા પૂર્વ-અસ્તિત્વમાં રહેલા રોગો માટે વેઈટિંગ પીરિયડ હોય છે… નાની ઉંમરે પોલિસી લઈને, તમે સ્વસ્થ રહીને વેીટિંગ પીરિયડ પૂરો કરી શકો છો. જેનાથી ભવિષ્યમાં બિમાર થાવ તો સરળતાથી તમે ક્લેમ કરી શકો છો..
હેલ્થ ઈન્સ્યોરન્સ પૉલિસી જરૂર લો… તે પણ પૂરતા કવર સાથે… હેલ્થ ઈન્શ્યોરન્સ લેતી વખતે તમારે કઈ બાબતોનું ધ્યાન રાખવું જોઈએ… હવે ચાલો તેના ચેકલિસ્ટ પર નજર કરીએ.. પૉલિસી લેતા પહેલા, તપાસો કે પોલિસીમાં હોસ્પિટલ સંબંધિત તમામ ખર્ચ, દાખલ થયા પહેલા અને પછીના ખર્ચ, ઓપીડી કવરેજ, એમ્બ્યુલન્સ ચાર્જ, આયુષ અને મોડર્ન ટ્રીટમેન્ટ વગેરેને આવરી લે છે કે નહીં… પૉલિસીમાં શું બાકાત છે તે જુઓ એટલે કે કઈ વસ્તુઓને બહાર રાખવામાં આવી છે… પૉલિસીમાં કો-પેમેન્ટ અથવા કોઈ કાસ પ્રકારની સારવાર, રૂમ રેન્ટ, ICU ચાર્જીસ વિશે કોઈ સબ-લિમિટ ના હોય. ઈન્સ્યોરન્સ કંપનીના નેટવર્કમાં સારી હોસ્પિટલો હોવી જોઈએ જેથી કેશલેસ સારવાર સરળતાથી મળી શકે…પૉલિસીમાં વેઈટિંગ પિરીયડ ઓછામાં ઓછો હોવો જોઈએ…કંપનીનો ક્લેમ સેટલમેન્ટ રેશિયો અને કસ્ટમર સર્વિસ પણ ચેક કરો..અને પછી જ પોતાના માટે માત્ર હેલ્થ ઈન્સ્યોરન્સ નહીં, પર્યાપ્ત હેલ્થ ઈન્સ્યોરન્સ ખરીદો..
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો