Money9: અતુલ પાસે 5 લાખ રૂપિયાના કવર સાથે ફેમિલી ફ્લોટર હેલ્થ ઇન્સ્યોરન્સ પ્લાન હોવા છતાં તેણે તેની પત્નીના હોસ્પિટલમાં દાખલ થવાનો ખર્ચ અલગથી ચૂકવવો પડ્યો. કુલ 8 લાખ રૂપિયાનું બિલ આવ્યું અને 3 લાખ રૂપિયા પોતાના ખિસ્સામાંથી ચૂકવવા પડ્યા.
દેશમાં આરોગ્ય સેવાઓનો ફુગાવો 14 ટકાના સ્તરે છે. જે સામાન્ય કરતા બમણી ઝડપે વધી રહ્યો છે. પોલિસી બજારનો સર્વે દર્શાવે છે કે છેલ્લા પાંચ વર્ષમાં સારવારનો ખર્ચ બમણાથી વધુ વધી ગયો છે. આવી સ્થિતિમાં આરોગ્ય વીમા કવચ ક્યારે ઘટશે તે કહી શકાય નહીં.જો અતુલની જેમ, તમે મોંઘા પ્રિમીયમને કારણે વધુ હેલ્થ વીમા કવચ નથી લીધું અથવા ફક્ત કંપનીની ગ્રુપ ઇન્સ્યોરન્સ પોલિસી પર આધાર રાખીને બેઠા છો તો તમારા વીમામાં ટોપઅપ અને સુપર ટોપઅપ પ્લાન ઉમેરી દો… અમુક રકમ ચૂકવીને, તમે આ પ્લાન દ્વારા વીમા કવરને અનેકગણું વધારી શકો છો.
ટોપઅપ અને સુપર ટોપઅપ પ્લાન શું છે અને તે કેવી રીતે કામ કરે છે. ચાલો તેને સમજીએ…ઉદાહરણ તરીકે, અતુલ 30 વર્ષનો છે, તેને પત્ની અને બે બાળકો છે અને તે 5 લાખ રૂપિયાના ફેમિલી ફ્લોટર હેલ્થ ઈન્સ્યોરન્સ કવર માટે વાર્ષિક 20,000 રૂપિયાનું પ્રીમિયમ ચૂકવે છે. જેના માટે તે ટોપઅપ અથવા સુપર ટોપઅપ પ્લાન લઈ શકે છે. અતુલને 20 લાખ રૂપિયાનો ટોપઅપ કે સુપર ટોપઅપ પ્લાન લગભગ 8 થી 10 હજાર રૂપિયાના પ્રીમિયમમાં મળી જશે. પરંતુ એ ધ્યાનમાં રાખવું પડશે કે ટોપઅપમાં ડિડક્ટિબલ સામેલ હોય છે. ટોપઅપ પ્લાન એડ-ઓન કવર તરીકે કામ કરે છે જે મેડિકલ ઇમરજન્સીમાં તમારા હાલના કવરને વધારી દે છે.
જ્યારે તમારો ચાલુ હેલ્થ ઈન્સ્યોરન્સ ઓછો પડે ત્યારે ટોપઅપ અને સુપર ટોપઅપ પ્લાન ખૂબ જ મદદરૂપ સાબિત થાય છે. પરંતુ તેનું કવરેજ પૂર્વ નિર્ધારિત એક નિશ્ચિત મર્યાદામાં થયેલા ખર્ચ થયા બાદ શરૂ થાય છે. આ ડિડક્ટિબલ લિમિટ હોય છે. જેમાં, પોલિસીધારકે પહેલેથી નક્કી કરેલી લિમિટ સુધીની રકમ ચૂકવવાની હોય છે અને ત્યારબાદ ટોપઅપનો લાભ મળે છે. ઉદાહરણ તરીકે, અતુલ ટોપઅપ પ્લાન લે છે અને ડિડક્ટિબલ લિમિટ 3 લાખ રૂપિયા છે. જો તેની સારવારનો ખર્ચ 5 લાખ રૂપિયા થાય છે તો 3 લાખ રૂપિયા બેઝિક હેલ્થ પોલિસીથી કવર થઇ જશે જ્યારે 2 લાખ રૂપિયા ટોપઅપ પ્લાનથી કવર થશે.
જો તમારી પાસે બેઝ પ્લાન નથી… તો તમે તમારા પોતાના ખિસ્સામાંથી ડિડક્ટિબલ રકમ ખર્ચીને ટોપઅપ અથવા સુપર ટોપઅપની સુવિધા લઇ શકો છો. હેલ્થ ઈન્સ્યોરન્સમાં, ટોપઅપ અને સુપર ટોપઅપ પ્લાન બન્ને એડ-ઓન કવર છે. પરંતુ બંને વચ્ચેના તફાવતને સમજી લેવો જરૂરી છે. ટોપઅપ પ્લાનને પોલિસી ટર્મમાં માત્ર એક જ વાર ક્લેમ કરી શકાય છે. જ્યારે સુપર ટોપઅપ દ્વારા ઘણીવાર ક્લેમ લઈ શકાય છે. ટોપઅપ પ્લાન એકવાર ક્લેમ કર્યા બાદ લેપ્સ થઇ જાય છે અને સુપર ટોપઅપના પૂરા કવરને યૂઝ કરી શકાય છે.
જો આપણે પ્રીમિયમની સરખામણી કરીએ તો, ટોપઅપ પ્લાન સુપર ટોપઅપ કરતાં સસ્તો હોય છે. જો તમે મલ્ટીપલ ક્લેમના હિસાબે પ્લાન લેવા માંગો છો તો સુપર ટોપઅપ પ્લાન સારો રહેશે. જો તમારી પાસે પહેલેથી કોઇ હેલ્થ વીમા પોલિસી નથી, તો પણ તમે ટોપઅપ અને સુપર ટોપઅપ પોલિસી ખરીદી શકો છો. આ સ્થિતિમાં, તમારે કપાતપાત્ર રકમ તમારા પોતાના ખિસ્સામાંથી ખર્ચ કરવી પડશે. ત્યારબાદ જ ટોપઅપનું કવર શરૂ થશે. ટોપઅપ પ્લાનમાં તમે સ્વયં, જીવનસાથી અને બાળકોને કવર કરી શકો છો. આ પ્લાન ફેમિલી ફ્લોટરની જેમ કામ કરશે.
સર્ટિફાઇડ ફાઇનાન્શિયલ પ્લાનર જિતેન્દ્ર સોલંકી કહે છે કે જે લોકોનું હેલ્થ ઇન્શ્યોરન્સ પોલિસીનું કવર ઓછું છે તેમના માટે ટોપઅપ અને સુપર ટોપઅપ પ્લાન વધુ સારા વિકલ્પો છે. ખાનગી ક્ષેત્રમાં કામ કરતા લોકો કે જેઓ ફક્ત કંપનીના ગ્રુપ હેલ્થ ઇન્સ્યોરન્સ પર નિર્ભર છે તેઓ કેટલાક વધારાના નાણાં ખર્ચીને પોતાના વીમા કવરમાં વધારો કરી શકે છે. કંપની છોડવા પર આ ગ્રુપ પોલિસીને વ્યક્તિગત વીમા કવરમાં કન્વર્ટ કરાવીને વીમા કવરને ચાલુ રાખી શકાય છે. મોંઘવારીના સમયમાં તમારા પરિવારના સ્વાસ્થ્યને સુરક્ષિત રાખવા માટે પર્યાપ્ત હેલ્થ વીમા કવર સાથેની પોલિસી ખરીદો. પોલિસીને રિન્યુ કરતા પહેલા તેની સમીક્ષા કરો.અને જો તમને ક્યાંયથી પણ એવું લાગી રહ્યું છે કે કોઇ હેલ્થ ઇમરજન્સી આવશે અને જેમાં તમને લાગી રહ્યું છે કે તમારો વીમો પર્યાપ્ત કવર તમને નહીં આપી શકે તો ટોપઅપ અને સુપર ટોપઅપ પ્લાનને સમજીને તેને તમારા વીમા પ્લાનમાં જોડો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો