Money9 Gujarati:
દેશના મુખ્ય 17 રાજ્યો દ્વારા તેમના એકમોને આપવામાં આવેલી કુલ લોન ગેરંટી નાણાકીય વર્ષ 2022-23 સુધીમાં ત્રણ ગણી વધીને 9.4 લાખ કરોડ રૂપિયા થઈ ગઈ છે. નાણાકીય વર્ષ 2016-17માં તે 3 લાખ કરોડ રૂપિયા હતી. જો કે, ગેરંટી એ આકસ્મિક જવાબદારીઓ છે, પરંતુ તેનાથી રાજકોષીય વ્યવસ્થા સામે જોખમ ઊભું થઈ શકે છે. આવી સ્થિતિમાં, રાજ્યોને મજબૂત ગેરંટી મોનિટરિંગની જરૂર છે, જેથી તેમની નાણાકીય વ્યવસ્થા એકંદરે સ્થિતિસ્થાપક રહે.
રાજ્યો મોટાભાગે તેમના વિવિધ સાહસો, સહકારી સંસ્થાઓ અને શહેરી સ્થાનિક સંસ્થાઓ વતી તેમના લેણદારો (બેંકો અથવા અન્ય નાણાકીય સંસ્થાઓ)ની તરફેણમાં બાંયધરી આપે છે અને બોન્ડ ઈશ્યૂ કરે છે.
ICRA રેટિંગ્સના મુખ્ય અર્થશાસ્ત્રી અદિતિ નાયરે જણાવ્યું છે કે, દેશના 17 મોટા રાજ્યો દ્વારા તેમના એકમોને આપવામાં આવેલી કુલ લોન ગેરંટી 2016-17માં 3 લાખ કરોડ રૂપિયાથી ત્રણ ગણી વધીને 9.4 લાખ કરોડ રૂપિયા થઈ ગઈ છે. હકીકતમાં, આવી ગેરંટી વર્ષોથી સતત વધી રહી છે. તે નાણાકીય વર્ષ 2016-17માં 3 લાખ કરોડ રૂપિયાથી વધીને નાણાકીય વર્ષ 2020-21માં 7.7 લાખ કરોડ રૂપિયા અને નાણાકીય વર્ષ 2021-22માં 9 લાખ કરોડ રૂપિયા થઈ છે.
ICRAના રિપોર્ટમાં ગોવા તેમજ ઉત્તર-પૂર્વીય રાજ્યો અને અન્ય પહાડી રાજ્યોનો સમાવેશ કરવામાં આવ્યો નથી. રાજ્યો દ્વારા ગેરંટી મર્યાદા સુનિશ્ચિત કરવા અંગે RBIએ કડક નિયમો અમલી કર્યા છે અને મોટાભાગના રાજ્યો તેનું પાલન કરે છે. આ નિયમોમાં મોનીટરીંગમાં વધારો કરવા ઉપરાંત ગેરંટી માટે રિસ્ક વેઈટેજનો ઉલ્લેખ કરવાનો સમાવેશ થાય છે. નોંધનીય છે કે વર્ષ 2022-23માં કુલ રાજકોષીય ખાધના 78.6 ટકાની ભરપાઈ રાજ્યો દ્વારા બહારના સ્ત્રોતોમાંથી ઉધાર લઈને કરવામાં આવી હતી.
મીડિયા અહેવાલો અનુસાર, રિઝર્વ બેંકના કાર્યકારી જૂથના અહેવાલમાં ભલામણ કરવામાં આવી છે કે રાજ્ય સરકારો તરફથી ગેરંટી આપવાની આદત પર અંકુશ મૂકવો જોઈએ. રિપોર્ટમાં એમ પણ કહેવામાં આવ્યું છે કે એવું સૂચન કરવામાં આવ્યું છે કે રાજ્યોને એક વર્ષમાં તેમની કુલ આવકના 5 ટકા અથવા તેમના કુલ જીડીપીના 0.5 ટકાથી વધુની ગેરંટી આપવી જોઈએ નહીં.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો