Money9 Gujarati:
ઇન્ટરનેશનલ મોનેટરી ફંડ (IMF)એ ભારતીય અર્થવ્યવસ્થાની વૃદ્ધિનો અંદાજ 0.30 ટકા વધાર્યો છે. નાણાકીય વર્ષ 2024-25 (FY25)માં ભારત 6.8 ટકાની ઝડપે વૃદ્ધિ કરે તેવી શક્યતા IMFએ વ્યક્ત કરી છે. જાન્યુઆરીમાં આ સંસ્થાએ કહ્યું હતું કે FY25માં ભારતનો વિકાસ દર 6.5 ટકા રહી શકે છે. જોકે, IMFએ FY26ના અંદાજને 6.5 ટકા પર યથાવત્ રાખ્યો છે.
IMF Growth Forecast: 2024🇺🇸 US: 2.7%🇩🇪 Germany: 0.2%🇫🇷 France: 0.7%🇮🇹 Italy: 0.7%🇪🇸 Spain: 1.9%🇬🇧 UK: 0.5%🇯🇵 Japan: 0.9%🇨🇳 China: 4.6%🇮🇳 India: 6.8%🇷🇺 Russia: 3.2%🇧🇷 Brazil: 2.2%🇲🇽 Mexico: 2.4%🇸🇦 KSA: 2.6%🇳🇬 Nigeria: 3.3%🇿🇦 S. Africa: 0.9%https://t.co/tPL4fgygu4 pic.twitter.com/Y99bDg17oJ
— IMF (@IMFNews) April 16, 2024
અન્ય એક સંસ્થા યુનાઇટેડ નેશન્સ ટ્રેડ એન્ડ ડેવલપમેન્ટ (UNCTAD)એ પણ FY25 માટે ભારતના વિકાસ અનુમાનોમાં સુધારો કર્યો છે. UNCTADએ પોતાના રિપોર્ટમાં કહ્યું છે કે, 2024માં પણ ભારતીય અર્થવ્યવસ્થાનો વિકાસ મજબૂત રહેશે અને તેની ગતિ 6.5 ટકા રહેશે. તેનાથી ભારતના વિકાસના અંદાજમાં 0.3 ટકાનો વધારો થયો છે.
ઉલ્લેખનીય છે કે, ગયા અઠવાડિયે એશિયન ડેવલપમેન્ટ બેંક (ADB)એ FY25 માટે ભારતનો વિકાસ અંદાજ 6.7 ટકાથી વધારીને 7 ટકા કર્યો હતો. વર્લ્ડ બેન્કે પણ તે જ મહિનામાં વૃદ્ધિનો અંદાજ 6.4 ટકાથી વધારીને 6.6 ટકા કર્યો હતો.
આ સિવાય IMFએ પણ FY24 માટે ગ્રોથનું અનુમાન વધારીને 7.8 ટકા કર્યું છે, જે સરકારના 7.6 ટકાના ગ્રોથ અંદાજ કરતાં ઘણું વધારે છે.
IMFએ કહ્યું છે કે મેન્યુફેક્ચરિંગમાં મજબૂત વૃદ્ધિ સાથે રોકાણમાં બે આંકડાની વૃદ્ધિએ ગયા નાણાકીય વર્ષમાં આર્થિક વૃદ્ધિને નોંધપાત્ર રીતે મદદ કરી છે. નિષ્ણાતો માને છે કે ખાનગી ક્ષેત્રમાં મૂડીખર્ચમાં વધારાને કારણે ચાલુ નાણાકીય વર્ષમાં આર્થિક વૃદ્ધિની ગતિ અકબંધ રહેશે.
મજબૂત સ્થાનિક માંગ અને બિઝનેસ તથા ગ્રાહક વિશ્વાસના સ્તરોમાં સતત વૃદ્ધિને કારણે તાજેતરમાં Fitch અને Barclays સહિતની રેટિંગ એજન્સીઓએ તાજેતરમાં FY24 માટે ભારતના જીડીપી વૃદ્ધિ અંદાજને સુધારીને 7.8 ટકા કર્યો હતો.
IMFએ ફુગાવા અંગે નોંધ્યું છે કે, FY24માં ભારતનો ગ્રાહક ભાવ ફુગાવો (છૂટક મોંઘવારીનો દર) સરેરાશ 5.4 ટકાથી ઘટીને FY25માં 4.6 ટકા અને FY26માં વધુ ઘટીને 4.2 ટકા થવાની શક્યતા છે. ઉલ્લેખનીય છે કે, માર્ચ મહિનામાં છૂટક ફુગાવાનો દર 4.85 ટકા નોંધાયો છે, જે છેલ્લાં 10 મહિનાનું સૌથી નીચલું સ્તર છે. ફેબ્રુઆરીમાં છૂટક ફુગાવો 5.09 ટકા રહ્યો હતો. છેલ્લે મે 2023માં રિટલ ફુગાવાનો દર 4.31 ટકા નોંધાયો હતો અને ત્યારબાદ છેક હવે માર્ચમાં 4.85 ટકાના નીચા સ્તરે નોંધાયો છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો