Money9: કરણની સાથે જે થયું તે બીજા કોઇની પણ સાથે થઇ શકે છે. સાયબર ઠગોના કમાનમાં ઠગાઇના સો તીર હોય છે. તમે એક તીરથી બચ્યા તો બાજું તૈયાર હોય છે. કરણ રિફંડ ફ્રોડનો શિકાર થયો છે. આ રીતે રિફંડ ફ્રોડની ઘટના એક સામાન્ય વાત થઇ ગઇ છે. કરણે તે જ કર્યું જે સામાન્ય રીતે લોકો કરતા હોય છે. કોઇ પ્રોડક્ટમાં ખરાબી નીકળે ત્યારે કસ્ટમર કેરમાં ફરિયાદ કરે છે કે પછી સોશિયલ મીડિયા પર પોતાની સમસ્યા પોસ્ટ કરે છે. સોશિયલ મીડિયા પર તમારી કોઇપણ જાતની પોસ્ટ પર કંપનીના પ્રતિનિધિઓ ઉપરાંત સાયબર ઠગોની પણ નજર હોય છે ત્યારે તમારે એલર્ટ રહીને લોકો અને સાયબર ઠગોની વચ્ચેનો ભેદ પારખવાની જરૂર છે.
આજના ડિજિટલ યુગમાં નામ, સરનામું અને ફોન નંબર જેવી તમારી કોઇપણ ખાનગી માહિતી પર્સનલ કે ફક્ત તમારા ખાસ લોકો સુધી સીમિત નથી રહેતી. સોશિયલ મીડિયા અને ઇન્ટરનેટના સમયમાં તમારી ખાનગી માહિતી કોઇ પણ મેળવી શકે છે. સાયબર ઠગ તમારી આ માહિતીનો ઉપયોગ કરીને તમારો સંપર્ક કરે છે અને ઠગવાનો ખેલ શરૂ થઇ જાય છે.
ક્યારેક આઇટીઆર રિફંડ તો ક્યારેક ઇ-કોમર્સ સાઇટથી રિફંડ અપાવવાનો દાવો કરીને સાયબર ઠગ તમારો સંપર્ક કરે છે. ચાલાકીથી થર્ડ પાર્ટી એપ ડાઉનલોડ કરાવે છે. તમે જેવી એપ ડાઉનલોડ કરીને તેને તમામ એક્સેસ આપ્યો કે તરત તમારા બેંક ખાતામાંથી પૈસા ઉપડી જાય છે…રિફંડના નામે થર્ડ પાર્ટી એપ ડાઉનલોડ કરાવનારાથી સતર્ક કરો.
UPI દ્વારા પણ રિફંડ ફ્રોડને અંજામ આપવામાં આવી રહ્યો છે. જેને UPI રિફંડ સ્કેમ કહે છે. જેમાં સાયબર ઠગ તમને કોલ કરશે અને કહેશે કે તમારું એક લમસમ રિફંડ ડ્યૂ છે. ભલે તમારુ કોઇ રિફંડ ન બનતું હોય..પણ લાલચમાં આવીને તમે તેમની વાત માની લો છો. તમારી આ નાની લાલચ સાયબર ઠગોને એ વાતનો ભરોસો કરાવે છે કે તે તમને શિકાર બનાવી શકે છે.
સાયબર ઠગ તમારો ભરોસો જીતવા માટે પ્રોફેશનલની જેમ વાત કરે છે. ટેકનીકલ શબ્દોનો ઉપયોગ કરીને તમને ફસાવાની કોશિશ કરશે. તે બેંક અધિકારી, ઇનકમ ટેક્સ ડિપાર્ટમેન્ટ કે પોપ્યુલર ઇ-કોમર્સ સાઇટ્સથી હોવાનો દાવો કરે છે. ત્યારબાદ તે મેસેજ દ્વારા તમને લિંક મોકલશે અને રિફંડ ક્લેમ કરવા માટે રજિસ્ટર કરવાનું કહેશે. રજિસ્ટ્રેશન દરમિયાન તમારી પાસે બેંક એકાઉન્ટ ડિટેલ, યૂપીઆઇ આઇડી અને પિન નાંખવાનું કહેવામાં આવશે. તે એમ કહીને પ્રેશર બનાવશે કે તમે તરત ડિટેલ્સ નાંખશો કે તમારા એકાઉન્ટમાં રિફંડના પૈસા નાંખી દેવામાં આવશે. પરંતુ જેવી તમે ડિટેલ્સ નાંખી..પૈસા આવવાના બદલે તમારુ ખાતુ ખાલી થઇ જશે.
સાયબર એક્સપર્ટ દિવ્યા તંવર આ અંગે કહે છે કે સાયબર ઠગ તમારી નબળાઇને સારી રીતે જાણે છે. સોશિયલ મીડિયા પર જ્યારે કોઇ વ્યક્તિ પોસ્ટ નાંખતી હોય છે ત્યારે તે કંપનીના ઠંડા રિસ્પોન્સ પર આમ કરી રહ્યો હોય છે. કંપનીને ટેગ કરીને ફરિયાદ કરીને આશા રાખે છે કે વહેલામાં વહેલી તકે તેનો ઉકેલ આવે અને જો પૈસા ફસાયા છે રિફંડ મળે. જેવો સામેવાળો રિફંડની વાત કરે છે તો પરેશાન ગ્રાહકોને આશાનું કિરણ દેખાય છે અને તે તરત પોતાની ડિટેલ શેર કરી બેસે છે. ડાર્ક વેબમાં બેસીને નજર રાખી રહેલા સાયબર ઠગ આવી જ તક શોધતા હોય છે અને તે આવા જ લોકોને પોતાના શિકાર બનાવે છે.
આ પ્રકારના ફ્રોડથી પોતાને કેવી રીતે બચાવશો. આવો તેના વિશે પણ જાણીએ..જ્યારે પણ કોઇ તમારો સંપર્ક કરે, કોઇ પ્રકારના રિફંડની વાત કરે તો સૌથી પહેલા યાદ કરો કે શું તમે ખરેખર રિફંડ માટે એલિજિબલ છો. જો હાં તો શું રિફંડ ક્લેમ કરવાની આ વેરિફાઇડ રીત છે? બેંક કે બીજા અધિકારી તમારી પર્સનલ અને ફાઇનાન્સિયલ ડિટેલ્સ નથી માંગતા. કોઇપણ અજાણ્યા ઇ-મેઇલ, મેસેજ કે લિંક પર ક્લિક ના કરો. કોઇ પણ ગુડ ટુ બી ટ્રુ ઓફર લાગે એટલે કે એવી કોઇ ઓફર જે સાંભળવામાં ઘણી સારી લાગે પરંતુ તે પૂરી થવાની શક્યતા ન હોય, તો એલર્ટ થઇ જવું જોઇએ. થોડીક પણ શંકા જાય તો કોલ કરનારાને સો સવાલ કરો. સોશિયલ મીડિયાનો સમજી-વિચારીને ઉપયોગ કરો. આ રીતે જાગતા રહો અને સાયબર ઠગોની છેતરપિંડીથી બચો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો