Money9: તો ક્યારેક મોનાની જેમ તમે પણ વધુ કિંમત ચૂકવીને હેલ્ધી ખાવાનો સામાન ખરીદો તો તેમાં ઉપયોગમાં આવતા સામાનને ચેક કરવાનું ન ભૂલતા. સ્વાસ્થ્ય માટે સારુ બતાવીને વેચવામાં આવતી મોટાભાગની ફૂડ પ્રોડક્ટ્સની હાલત કંઇક આવી જ છે. કોઇકમાં હાઇ ફાઇબર તો કોઇકમાં ઓમેગા 3 હોવાનો દાવો કરીને તમને લલચાવવામાં આવે છે. સામાન્ય પ્રોડક્ટ્સની તુલનામાં આ સો કોલ્ડ હેલ્ધી પ્રોડક્ટ બેગણી કે ત્રણ ગણી મોંઘી હોય છે. ઓછી શુગર, સોલ્ટ, ફેટ અને કેલેરીના દાવાની પોલ રેપરની બેકસાઇડ પર જ જોવા મળી જાય છે. આવી પ્રોડક્ટ્સ બાજરી, કિનુઆ એટલે કે કોદરી, ઓટ્સ જેવા ફેન્સી નામ તો છાપી દે છે પરંતુ તેમાં તેની માત્રા કેટલી હોય છે, તે લેબલિંગ ચેક કરવાથી તમને ખબર પડી જશે.
ક્યારેક હાર્ટ માટે સારા હોવાના દાવા સાથે ડાર્ક ચોકલેટ વેચવામાં આવે છે તે ક્યારેક કોલેસ્ટ્રોલ ઘટાડવામાં ફાયદાકારક ગણાવીને સોયા મિલ્ક વેચવામાં આવે છે. પરંતુ જે દાવો કરવામાં આવી રહ્યો છે શું તે જ ખરેખર વેચવામાં આવી રહ્યું છે? ભારતમાં હેલ્ધી ફૂડ પ્રોડકટ્સનું વેચાણ સતત વધી રહ્યું છે. એવેન્ડસ કેપિટાના એક રિપોર્ટ અનુસાર 2026 સુધી હેલ્ધી ફ્ડૂસ પર ભારતીયોનો પ્રતિ વ્યક્તિ ખર્ચ બેગણો થઇ જશે. એક તરફ 2020માં દેશના 88 અબજ ડોલરના પેકેજ્ડ ફૂડ એન્ડ બેવરેજ માર્કેટમાં હેલ્થ ફોકસ્ડ ફૂડ એન્ડ બેવરેજનો હિસ્સો 11 ટકા હતો, 2026 સુધી તે વધીને 16 ટકા થઇ જશે. હેલ્ધી ફૂડનું બજાર વધીને 30 અબજ ડોલર થવાનું અનુમાન છે. 20 ટકાના CAGRની સાથે ભારત સૌથી ઝડપથી વધતુ હેલ્ધી ફૂડનું માર્કેટ છે.
2026 સુધી ભારતમાં આરોગ્યને લઇને જાગૃત કન્ઝ્યુમર્સની સંખ્યા વધીને 17.6 કરોડ થઇ શકે છે. બિસ્કિટ, ફ્રૂટ સ્નેક્સ, સ્નેક બાર્સ જેવા અલગ-અલગ સો કોલ્ડ હેલ્ધી સ્નેક્સના વેચાણમાં તેજી આવશે. હેલ્ધી ડેરી પ્રોડક્ટ્સનું બજાર પણ ઘણું તેજીથી વધવાનું અનુમાન છે.
આ વધતા બજારની સાથે આ પ્રોડક્ટ્સની અસલિયત છુપાવીને હેલ્ધી ફૂડની ભ્રામક જાહેરાતોનું માર્કેટિંગ અને એડવર્ટાઇઝિંગ પણ વધશે. એટલે તે ઘણી સરળતાથી કન્ઝ્યુમર સુધી પહોંચ બનાવી લેશે.
જો કે FSSAI એટલે કે Food Safety and Standards Authority of India ભારતમાં ફૂડ અને બેવરેજ આઇટમ્સનું રેગ્યુલેશન કરે છે, ફૂડ સેફ્ટી પર પણ ધ્યાન આપે છે. તેમ છતાં બેફામ રીતે તેનું માર્કેટિંગ કરવામાં આવી રહ્યું છે, ઘણાં જ હેલ્ધી ગણાવીને મોંઘા સામાન વેચવામાં આવી રહ્યા છે. જેના હેલ્થ બેનિફિટ્સનો કોઇ પુરાવો આપણને આપવામાં નથી આવતો. આ પ્રોડક્ટ્સ કેટલી હેલ્ધી છે તે તમને જણાવવા માટે FSSAIએ ગયા વર્ષે એક રેટિંગ લાવવાનો પ્રસ્તાવ આપ્યો હતો. જેનો હેતુ લોકોને હેલ્ધી પ્રોડક્ટ્સ પસંદ કરવામાં મદદ કરવાનો છે. પ્રોડક્ટમાં સોલ્ટ, શુગર અને ફેટની માત્રાના આધારે તેને 1 થી 5ના સ્કેલ પર રેટ કરવામાં આવશે અને આ રેટિંગ તમે પ્રોડક્ટના પેકિંગ પર જોઇ શકશો. પરંતુ અત્યાર સુધી આ પ્રસ્તાવ પર કંઇ નક્કર પ્રગતિ નથી થઇ. એટલે જરૂરિયાત છે કે FSSAI કંઇક નક્કર પગલા ભરે, સાથે જ આ રેટિંગ સિસ્ટમને જલદી લાગુ કરે.
યાદ રાખો હવે જ્યારે તમે મોનાની જેમ કોઇ હેલ્ધી બિસ્કિટ, બ્રેડ, સુગરલેસ ડ્રીંક કે ખાદ્યતેલ ખરીદો તો તેનું લેબલિંગ જરૂર ચેક કરો. આજકાલ વ્યસ્ત જીવનમાં આપણી પાસે સમય ઘણો ઓછો રહેતો હોય છે ત્યારે હેલ્ધીનો ટેગ બતાવીને સામાન ખરીદી લેવામાં આવે છે. પરંતુ જે સામાન માટે તમે વધુ કિંમત ચુકવી રહ્યા છો શું તે આ કિંમતને લાયક છે કે નહીં. કારણ કે બતાવવામાં કંઇક આવે છે અને વેચવામાં કંઇક બીજુ જ આવી રહ્યું છે. એટલે લેબલ વાંચો નહીંતર ઓટના નામે મેંદો ખાઇ રહ્યા હશો અને તે પણ વધારે કિંમત ચુકવીને..એટલે જાગતા રહો..
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો