ટ્રાફિક મેમો નહીં ભરો તો કોર્ટ કાર્યવાહી થશે તેવી ધમકીથી કઇ પણ વ્યક્તિ ચિંતામાં મૂકાઇ જશે… પરંતુ સાવધાન, તમને આ પ્રકારના મેસેજ માત્ર સરકારી એજન્સીઓ તરફથી જ નહીં સાયબર ગઠિયાઓ દ્વારા પણ મોકલાઇ રહ્યા છે. ક્યારેક ટ્રાફિક પોલીસ, તો ક્યારેક ઇન્કમ ટેક્સ ડિપાર્ટમેન્ટ, તો ક્યારેક ટ્રાઇના નામે મેસેજ મોકલીને તમને ડરાવવામાં આવે છે.. જેથી તમે ગભરાઇ જાવ અને ગઠિયાની વાતમાં ફસાઇ જાવ.
સાયબર ગઠીયાઓ માત્ર રમેશને જ નહીં, તેના જેવા લાખો લોકોને આ પ્રકારના મેસેજ મોકલી રહ્યા છે. તેને બલ્ક મેસેજિંગ કહેવામાં આવે છે. કેટલીક વખત લોકોને કોલ પણ કરવામાં આવે છે. આ મેસેજ અથવા કોલ કોઇ રેગ્યુલેટર એટલે કે સરકારી એજન્સીનો હોવાનો દાવો કરવામાં આવે છે.
ઇન્કમટેક્સ ડિપાર્ટમેન્ટના નામે છેતરપીંડીના અનેક કિસ્સાઓ સામે આવી ચુક્યા છે. જેમાં રિફંડ અટવાઇ જવાની અથવા રિટર્ન રિજેક્ટ થવાની બીક બતાવવામાં આવે છે. રિટર્નને રિજેક્ટ થતું બચાવવા માટે તમને એક લિન્ક પર ક્લિક કરવા માટે કહેવામાં આવે છે. બસ… તમે જેવી લિન્ક પર ક્લિક કરો,, કે થર્ડ પાર્ટી એપ તમારા મોબાઇલમાં ઇન્સ્ટોલ થઇ જાય છે…. આ એપ તમાાર ફોનમાં અલગ અલગ પ્રકારની એક્સેસ પરમિશન માગે છે. જેવી તમે તમારી પર્સનલ અને બેન્ક ડિટેઇલ્સ વેરિફાય કરો છે કે તમારું બેન્ક એકાઉન્ટ સફાચટ્ટ થઇ જાય છે.
આવા જ છેતરપીંડીવાળા ફોન ટ્રાઇના નામે પણ કરવામાં આવે છે. કોલની શરૂઆત જ તમારો નંબર બંધ કરવાની ધમકી સાથે કરવામાં આવે છે. તમને કહેવામાં આવે છે કે, તમારા ફોન નંબર પરથી અજાણ્યા લોકોને ખોટા મેસેજ મોકલાઇ રહ્યા છે,.. અથવા તો તમારા આધાર નંબરનો ઉપયોગ કરીને અનેક સિમકાર્ડ લેવાયા છે અને આ સિમકાર્ડનો ઉપયોગ ગેરકાયદે કામમાં થઇ રહ્યો છે. જો તમે તમારો નંબર બંધ કરાવવા નથી માગતા તો પેમેન્ટ કરી દો.. નંબર બંધ થવાના ડરથી લોકો પેમેન્ટ કરી દે છે અને છેતરપીંડીનો શિકાર બની જાય છે. દૂર સંચાર નિયામક ટ્રાઇએ લોકોને ચેતવણી આપી છે કે ટ્રાઇ આવા પ્રકારના કોલ કરતી નથી. જો તમને નંબર બંધ કરવાની ધમકીવાળો ફોન આવે તો તમારે સૌ પ્રથમ તમારા સર્વિસ પ્રોવાઇડરનો સંપર્ક કરવો જોઇએ.
હવે સવાલ તે થાય છે કે, સાયબર ગઠિયાઓ લોકોને નિશાન કેવી રીતે બનાવે છે? Cyber Crime Investigation Expert કામાક્ષી શર્માનું કહેવું છે કે, તમારી ગુગલ સર્ટ હિસ્ટ્રી, સોશિયલ મિડીયા પર તમે શું જોઇ રહ્યા છો, આ તમામ ડેટા સાયબર ગઠીયાઓ સરળતાથી એક્સેસ કરી શકે છે, ચોરી શકે છે. આ ડેટા સેફ નથી હોતો. આ બધી જ માહિતી થર્ડ પાર્ટીને આપવામાં આવે છે. તમે જોયું જ હશે કે તમારી સર્ચ હિસ્ટ્રી મુજબ ગુગલ પણ તમને તેવી વસ્તુઓ બતાવવા લાગે છે, તેવી જ એડ પણ આવવા માડે છે. તો સાયબર ગઠિયાઓને ખબર છે કે તમે શું સર્ચ કરી રહ્યા છો. શું જોઇ રહ્યા છો. ઉદાહરણ તરીકે જો તમે ITR રિફંડ સર્ચ કર્યું છે તો સાયબર ગઠિયાઓને ખબર છે કે તમે ITR રિફંડ બાબતે કઇંક માહિતી મેળવવા માગો છો માટે તે તમને ITRને લગતા મેસેજ અને મેઇલ મોકલવા માડશે.
આનાથી બચવા શું કરવું અલગ અલગ રેગ્યુલેટર્સનું નામ આપીને પૈસા પડાવતા આ કોલ્સથી બચવાનો રસ્તો છે કે તમે હંમેશા તેને ક્રોસ ચેક કરો. કોઇ પણ રેગ્યુલેટર અથવા સરકારી એજન્સી આવા મેસેજ મોકલતી નથી. ઇ-મેમોનો મેસેજ આવે તો તમે echallan.parivahan.gov.in વેબસાઇટ પર જઇને મેમો નંબર અથવા ગાડી નંબર નાંખીને મેમોની વિશ્વસનીયતા ચેક કરી શકો છો.
ઇન્કમ ટેક્સ રિફંડ અથવા ITRમાં કોઇ ભૂલ છે તેવો મેસેજ આવે અને આ ભૂલ સુધારવા માટે કોઇ પૈસા માગે તો સૌથી પહેલા તમે ઇન્કમટેક્સ ડિપાર્ટમેન્ટની વેબસાઇટ www.incometax.gov.in પર જાવ અને યુઝર આઇડી અને પાસવર્ડ નાંખીને પોતાના એકાઉન્ટમાં લોગ-ઇન કરો. જો તમારા રિટર્નમાં ભૂલ હશે અથવા રિફંડ મેળવવાનું થતું હશે તો તે તમામ માહિતી અહીં અપડેટ થયેલી હશે.
તેવી જ રીતે કોઇ નંબર બંધ કરવાની ધમકીભર્યો કોલ આવે તો ધમકી આપનારની વાત પર ભરોસો કરવાને બદલે તમારા ટેલિકોમ ઓપરેટરના કસ્ટમર કેયર પર કોલ કરીને માહિતી મેળવી શકો છો. સાયબર ગઠિયાઓ ડગલેને પગલે તાક લગાવીને બેઠા છે. માટે જ, સાવધાની હટી, ખિસ્સા ખાલી.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો