Money9: સારાંશને ક્રૂડ ઓઈલના વધતા ભાવથી કેવી રીતે ફાયદો મળી શકે છે. આને સમજવા માટે તમારે ક્રૂડ ઓઈલ અને ફુગાવાની સમગ્ર ઇકોનોમીને સમજવી પડશે. વાસ્તવમાં, ભારત પોતાની કુલ ઓઇલ અને ગેસની જરૂરિયાતના લગભગ 85 ટકા વિદેશમાંથી આયાત કરે છે…જેમાં દર વર્ષે અબજો ડોલરનો ખર્ચ થાય છે…ક્રૂડ ઓઇલ મોંઘું થવાનો અર્થ એ છે કે ભારતનું આયાત બિલ વધી રહ્યું છે કારણ કે જેટલું મોંઘું ક્રૂડ ભારતને મળશે તેટલા વધુ ડોલર ખર્ચવા પડશે.
જો મોંઘા ક્રૂડ ઓઈલની સાથે કરન્સીમાં પણ નબળાઈ આવે તો દેશનું આયાત બિલ વધુ વધે છે. અને તેનાથી મોંઘવારી પણ વધે છે…આવુ એટલા માટે થાય છે કારણ કે જેટલું મોંઘું ક્રૂડ હશે પેટ્રોલ અને ડીઝલની કિંમત પણ તેટલી જ વધશે. અને ક્રૂડના ઊંચા ભાવની અસર મોંઘવારી પર પડે છે… આવી સ્થિતિમાં એ જાણવું જરૂરી બની જાય છે કે ક્રૂડ ઓઈલની કિંમતોનો આઉટલુક શું છે. અને શું તેનાથી ઓઈલ-ગેસ સેક્ટરની કોઈ કંપનીમાં રોકાણ કરવાની તક બને છે? 7 ઓક્ટોબરે શરૂ થયેલા હમાસ-ઈઝરાયેલ યુદ્ધના એક સપ્તાહની અંદર, બ્રેન્ટ ક્રૂડની કિંમત 91 ડોલરને પાર પહોંચી ગઈ છે જે 6 ઓક્ટોબરે 85 ડોલરની નીચે હતી.
ક્રૂડમાં આ તેજી જૂનના મધ્યમાં શરૂ થઇ હતી જ્યારે કિંમત 72 ડૉલરની નીચે હતી. ત્યાંથી લગભગ 3 મહિનામાં બ્રેન્ટ ક્રૂડની કિંમત 97 ડૉલરની ઉપર એટલે કે 10 મહિનાની ઊંચી સપાટીએ પહોંચી ગઈ હતી. હકીકતમાં જૂનના પ્રથમ સપ્તાહમાં , વિશ્વના બીજા સૌથી મોટા ક્રૂડ ઉત્પાદક દેશ સાઉદી અરેબિયાએ જુલાઈ 2023 થી દરરોજ 10 લાખ બેરલ પ્રતિ દિનના ઉત્પાદન કાપની જાહેરાત કરી હતી.
અગાઉ એપ્રિલમાં ઓપેકમાં સમાવિષ્ટ 8 દેશોએ રોજના 11.6 લાખ બેરલ પ્રતિ દિનના સ્વૈચ્છિક ઉત્પાદન કાપની જાહેરાત કરી હતી… એટલું જ નહીં, ઓક્ટોબર 2022માં પણ તમામ ઓપેક દેશોએ મળીને ઉત્પાદનમાં દરરોજ 20 લાખ બેરલનો ઘટાડો કરવાનો નિર્ણય લીધો હતો. જેથી ક્રૂડના ભાવને સપોર્ટ મળી શકે. ફેબ્રુઆરી 2022 માં શરૂ થયેલા રશિયા-યુક્રેન યુદ્ધ પછી રશિયા પર લાદવામાં આવેલા પ્રતિબંધો હોય કે પછી OPEC દેશો દ્વારા ઉત્પાદનમાં કાપ અથવા હમાસ-ઈઝરાયેલની લડાઈ… આ બધાને ધ્યાનમાં રાખીને આ વર્ષે અત્યાર સુધી બ્રેન્ટ ક્રૂડની કિંમત 70 ડોલરથી નીચે નથી ગઇ.
સપ્ટેમ્બરના ઉત્તરાર્ધમાં ગોલ્ડમૅન સાક્સે જણાવ્યું હતું કે વધતી માંગ અને ઉત્પાદનમાં કાપને કારણે OPEC દેશો 2024માં બ્રેન્ટને 80 થી 105 ડૉલરની રેન્જમાં રાખી શકે છે. બીજી તરફ, મોર્ગન સ્ટેનલીએ 2023ના ચોથા ક્વાર્ટર માટે કિંમતોનો અંદાજ 82.5 ડોલરથી વધારીને 95 ડોલર કરી દીધો છે. આ સિવાય, 2024 ના પહેલા ક્વાર્ટર માટેનો અંદાજ 12.5 ડોલરથી વધારીને 92.5 ડોલર, બીજા ક્વાર્ટર માટે 10 ડોલર વધારીથી 90 ડોલર, ત્રીજા ક્વાર્ટર માટે 7.5 ડોલર વધારીને 87.5 ડોલર અને ચોથા ક્વાર્ટર માટે 5 ડોલર વધારીને 85 ડોલર કરી દીધો છે. જેપી મોર્ગને તો 2026 સુધીમાં ક્રૂડનો ભાવ ફરી 150 ડોલર સુધી પહોંચવાની શક્યતા પણ વ્યક્ત કરી છે.
ક્રૂડ ઓઈલ અને નેચરલ ગેસના ભાવમાં વધારાને કારણે ઓએનજીસી, ઓઈલ ઈન્ડિયા, એચઓઈસી, આરઆઈએલ, વેદાંતા જેવી ઓઈલ એન્ડ ગેસ ઉત્પાદક કંપનીઓ ઉપરાંત સેલન એક્સપ્લોરેશન, જિંદાલ ડ્રિલિંગ, ડોલ્ફિન જેવી ઓઈલ-ગેસ એક્સપ્લોરેશન સંબંધિત સેવાઓ પૂરી પાડતી કંપનીઓને પણ ફાયદો થાય છે. સાથે જ આઈજીએલ, ગુજરાત ગેસ જેવી ગેસ વિતરણ કંપનીઓને પણ ક્રૂડ ઓઈલના વધારાથી પરોક્ષ રીતે ફાયદો થાય છે. આનાથી ગેસના ભાવ પણ વધે છે… અને ગેસના ભાવ વધવાથી પેટ્રોનેટ એલએનજી, ગેઈલને ફાયદો થાય છે… તો બીજી તરફ ઓઈલ માર્કેટિંગ કંપનીઓ એટલે કે OMCs જેવી કે એચપીસીએલ, બીપીસીએલ, આઈઓસીને નુકસાન થાય છે. કારણ કે ક્રૂડના ભાવમાં વધારાથી આ ત્રણેય કંપનીઓનો ખર્ચ વધે છે અને માર્જિન પર દબાણ લાવે છે. વધેલા ખર્ચને Pass On કરવા માટે આ કંપનીઓ પેટ્રોલ, ડીઝલ, એટીએફ, એલપીજી વગેરેના ભાવમાં વધારો કરે છે. હવે મોટો પ્રશ્ન એ છે કે ક્રૂડ ઓઈલ અને નેચરલ ગેસની કિંમતોના આઉટલુકને ધ્યાનમાં રાખીને ઓઈલ-ગેસના સ્ટોકમાં શું કરવું જોઈએ?
સ્પષ્ટ વાત એ છે કે ક્રૂડ ઓઇલ અને નેચરલ ગેસની કિંમતોમાં ઉછાળાથી ઓઇલ-ગેસ ઉત્પાદક અને એક્સપ્લોરેશનના બિઝનેસ સાથે સંકળાયેલી કંપનીઓને ફાયદો થાય છે. એટલે ક્રૂડમાં વધારાનો ફાયદો ઉઠાવવા માટે કોઇ નાણાકીય સલાહકારની મદદથી સિલેક્ટેડ ઓઇલ-ગેસ શેરોમાં ખરીદી કરી શકાય છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો