Money9: કમિન્સ ઇન્ડિયા પુણેની એન્જિનિયરિંગ ફર્મ છે જેણે કિર્લોસ્કર અને યુએસની કમિન્સ વચ્ચે પાર્ટનરશિપ તરીકે 1962માં કામકાજ શરૂ કર્યું..1997માં કમિન્સે કિર્લોસ્કરનો હિસ્સો ખરીદી લીધો અને હિસ્સેદારી વધારીને 51 ટકા કરી લીધી. CIL ભારતની સૌથી મોટી એન્જિન મેન્યુફેક્ચરિંગ કંપની છે જેની મહારાષ્ટ્ર અને ગુજરાતમાં 8 યૂનિટ છે. આ કંપનીની પાસે મજબૂત ડિસ્ટ્રીબ્યૂશન નેટવર્ક છે. પોતાના ગ્રાહકો માટે પેરન્ટ કંપની કમિન્સની પ્રોડક્ટ્સને કસ્ટમાઇઝ કરવાની પણ એબિલિટી છે.
CILનો બિઝનેસ ત્રણ યૂનિટ્સમાં વહેંચાયેલો છે. પહેલો છે એન્જિન બિઝનેસ જે હેવી, મીડિયમ અને લાઇટ ડ્યૂટી એન્જિન્સની સાથે કન્સ્ટ્રક્શન અને કોમ્પ્રેસર માર્કેટ્સને સર્વ કરે છે. બીજો છે પાવર સિસ્ટમ બિઝનેસ જે માઇનિંગ, મરીન, રેઇલ, O&G, ડિફેન્સ અને પાવર જનરેશન સેક્ટરને કેટર કરે છે. તો ત્રીજું સેગમેન્ટ ડિસ્ટ્રીબ્યૂશનનું છે.
ડીઝલ અને નેચરલ ગેસથી લઈને લેટેસ્ટ હાઈબ્રિડ, બેટરી ઈલેક્ટ્રિક અને ફ્યુઅલ સેલ ઓપ્શન્સની સાથે આ ગ્રુપ અનેક પ્રકારના એન્જિન બનાવે છે..આટલું જ નહીં, આ ગ્રુપ દરેક પ્રકારના ઈવી અને પાવર સેક્ટર માટે હાઈડ્રોજન ફ્યુઅલ સેલ પાવર મોડ્યુલ્સ અને કમ્પોઝિશન પણ તૈયાર કરે છે. ડીઝલ એન્જિન/જેનસેટ્સ ઇન્ડસ્ટ્રીમાં 40 ટકાના માર્કેટ શેર સાથે CIL ડીઝલ એન્જિન્સ અને પાવર જનરેટર સેટ્સની લીડિંગ મેન્યુફેક્ચરર છે. લીડરશિપ પોઝિશનના કારણે કંપનીને તેના માર્જિન સુધારવામાં મદદ મળી છે. બીજી બાજુ, સરકાર દ્વારા ઇન્ફ્રાસ્ટ્રક્ચર પર ઉંચો ખર્ચ, PLI સંબંધિત રોકાણ, 5G અને ક્લાઉડ આધારિત ડેટા સ્ટોરેજથી ડેટા સેન્ટર્સની માંગમાં વધારો થશે…અને આ બધાથી કંપનીની ઓર્ડર બુકની સ્થિતિ ઘણી મજબૂત થવાની અપેક્ષા છે…ઇન્ફ્રાસ્ટ્રક્ચર, ડેટા સેન્ટર્સ અને કોમર્શિયલ રિયલ્ટીમાં વધતા રોકાણથી બેકઅપ પાવરની માંગમાં વધુ વૃદ્ધિ થવાની ધારણા છે.
CILનું નવી પ્રોડક્ટ લોન્ચ કરવા અને ઇનોવેશન પર ખાસ ફોકસ છે. FY21માં આ કંપનીએ પાવર જનરેશન સેગમેન્ટમાં 7 નવી પ્રોડક્ટ્સ લોન્ચ કરી. ઇન્ડસ્ટ્રીયલ બિઝનેસમાં પણ રેઇલ, માઇનિંગ, મરીન, કન્સ્ટ્રક્શન અને પમ્પ સેગમેન્ટ્સ માટે 7 નવી પ્રોડકટ્સ અને ડિસ્ટ્રીબ્યૂશન સેગમેન્ટમાં 3 નવી પ્રોડક્ટ્સ લોન્ચ કરી છે. રેલવેને તેના બ્રોડગેજ નેટવર્કના 100 ટકા ઇલેક્ટ્રિફિકેશન કરવામાં સપોર્ટ કરવા માટે CILએ Diesel Electric Tower Cars એટલેકે DETCના સતત સપ્લાયને સુનિશ્ચિત કર્યો છે.
CILને મજબૂત પેરન્ટેજ અને ટેકનિકલ ક્ષમતાઓથી પ્રતિસ્પર્ધીઓની સરખામણીએ edge (એજ) મળે છે. આ કંપનીની લાંબાગાળામાં ટેલીમેટિક્સ, ઇલેક્ટ્રિફિકેશન, રિન્યુએબલ, વૈકલ્પિક ઇંધણ અને એડવાન્સ એનાલિટિક્સમાં એન્ટ્રી દ્વારા પોતાના પ્રોડક્ટ પોર્ટફોલિયોને વિસ્તૃત કરવાની યોજના છે. આ કંપની EV ઇકોનોમીમાં મોટા પાયે રોકાણ કરી રહી છે. બેટરી બનાવનારી ઘણી કંપની કંપનીઓમાં CILનો માલિકી હક છે.
એટલું જ નહીં, વૈશ્વિક સ્તરે આ ગ્રુપ હાઈડ્રોજન ટેક્નોલોજીમાં ભારે રોકાણ કરી રહ્યું છે. CILની હાઇડ્રોજન ટેક્નોલોજીથી સંબંધિત અનેક પ્રોડક્ટ્સનું સ્થાનિક સ્તરે મેન્યુફેક્ચરિંગ કરવાની ઇચ્છા છે અને જેવો માંગમાં વધારો થશે, આ પ્રોડક્ટ્સ લાવવાની યોજના ધરાવે છે. ક્લિન એનર્જિ ટેક્નોલોજી, ખાસ કરીને હાઇડ્રોજન ટેક્નોલોજી પર ધ્યાન કેન્દ્રિત કરવાથી કંપનીને લાંબા ગાળે તેનું માર્જિન વધારવામાં મદદ મળશે.
આમેય, ભારત સરકારનું ઈન્ફ્રાસ્ટ્રક્ચર સેક્ટર પર ઘણું ફોકસ છે. કારણ કે FY25 સુધીમાં ભારતને 5 ટ્રિલિયન ડૉલરનું અર્થતંત્ર બનાવવાનું છે. ત્યારે 2030 સુધી વૃદ્ધિ ચાલુ રાખવા માટે, આ સેક્ટરમાં 4.5 લાખ કરોડ ડોલરના રોકાણની જરૂર પડશે. FY20-25 દરમિયાન, ભારતમાં ઇન્ફ્રાસ્ટ્રક્ચર સેક્ટર પર 111 લાખ કરોડ રૂપિયાનો ખર્ચ પ્રસ્તાવિત છે, જેમાં એનર્જી પર 24 ટકા, રોડ્સ પર 18 ટકા, અર્બન ઇકોનોમી પર 17 ટકા અને રેલવેનો 12 ટકા હિસ્સો ગણીને ચાલીએ તો 71 ટકા પ્રસ્તાવિત રોકાણ આ જ સેક્ટર્સમાં થવાનું છે જ્યાં CILનું ઘણું ફોકસ છે.
આમ તો કંપનીનો બિઝનેસ ઘણો મજબૂત છે પરંતુ આવનારા કેટલાક વર્ષોમાં ડીઝલ અને ગેસ પાવર જનરેશન એસેટ્સ ફેઝ આઉટ થઇ જશે. આ રીતે કંપનીને પોતાનો બિઝનેસ ચાલુ રાખવા માટે સતત નવી પ્રોડક્ટ્સ લાવવા પર ફોકસ કરવું પડે છે જેના પર ઘણો ખર્ચ થાય છે. બીજું CIL પોતાની પેરન્ટ કંપનીને કુલ વેચાણના લગભગ 1.6 ટકા હિસ્સા જેટલી રોયલ્ટીની ચુકવણી કરે છે જે ભવિષ્યમાં વધી શકે છે જેનાથી નફા પર દબાણ સંભવ છે.
FY24માં કંપનીનું વેચાણ 8,300 કરોડ રૂપિયા, FY25માં 9,500 કરોડ રૂપિયા અને FY26માં 10,139 કરોડ રૂપિયા થવાની ધારણા છે… જ્યારે નફો FY24માં 1,350 રૂપિયા કરોડ, FY25માં 1,500 કરોડ રૂપિયા અને FY26માં 1,750 કરોડ રૂપિયા થવાનું અનુમાન છે. આ હિસાબે FY24માં EPS એટલે કે શેર દીઠ નફો 49 રૂપિયા, FY25માં 55 રૂપિયા અને FY26માં 63 રૂપિયા થવાની શક્યતા છે. આમ, 25 જાન્યુઆરીના 2,160 રૂપિયાના બંધ ભાવ મુજબ, શેર લગભગ 34 ગણાના PE એટલે કે પ્રાઇસ ટૂ અર્નિંગ્સ મલ્ટીપલ પર જોવા મળી રહ્યો છે.
ડીઝલ અને ગેસ પાવર જનરેશન એસેટ્સના ફેઝ આઉટ થયા બાદ પણ આ કંપની અનેક પ્રકારની પ્રોડક્ટ્સ ઓફર કરવાની સ્થિતિમાં હશે. યુએસની કમિન્સ ઇન્કોર્પોરેટેડની પેરન્ટ્સના કારણે આ કંપનીની પાસે પાવર ટેક્નોલોજી બિઝનેસમાં એડવાન્સ ટેક્નોલોજીસનો એક્સેસ છે. કમિન્સ ગ્રુપે આ ઓલ્ટરનેટ ટેક્નોલોજીસને ઇનોવેટ કરવા અને તેમાં નિપુણતા મેળવવા માટે ઘણા વર્ષો લગાવ્યા છે. જે આગળ વધીને એનર્જીની મુખ્ય જરુરિયાતો તરીકે ઉભરી આવશે. જેમ જેમ ભારત એમિશન સાથે જોડાયેલા નિયમોમમાં સખ્તાઇ કરશે તેમ તેમ CILને કોમ્પિટિશનની સરખામણીએ જલદી એફિશિયન્ટ પ્રોડક્ટ્સ લોન્ચ કરવામાં ફાયદો મળશે. કારણ કે એક તો આ કંપનીની પાસે સુપર ટેક્નોલોજીનો એક્સેસ છે અને બીજું પેરન્ટ કંપની કમિન્સ અગાઉથી યુરોપ અને યુએસમાં આ નિયમોને લાગુ કરી ચુકી છે.
CIL એ એક સારો નફો કમાતી સ્થાપિત કંપની છે અને પોતાની મહત્વની પ્રોડક્ટ્સ પર મોનોપોલી એટલે કે એકાધિકારની સ્થિતિમાં છે. આ રીતે જોઇએ તો કંપનીનો ઓપરેટિંગ કેશફ્લો મજબૂત છે અને કંપનીની પાસે સારી એવી રોકડ પણ ઉપલબ્ધ છે. આ તમામ કારણોસર શેરને 40થી 45 ગણાના પ્રીમિયમ વેલ્યુએશન મલ્ટિપલ મળવાની શક્યતા છે…. નિષ્ણાતોના મતે, આવતા 18 મહિનાના દ્રષ્ટિકોણથી શેરને 2,454 રૂપિયાના ટાર્ગેટ સાથે ખરીદી શકાય છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો