Money9: કોરોના મહામારીના પગલે 2 વર્ષ સુધી માંગ પર ખરાબ અસર થયા બાદ ગયા વર્ષથી એપેરલ કે ગાર્મેન્ટ સેક્ટરની કંપનીઓની માંગમાં રિકવરી જોવા મળી છે. 2024-25 સુધી એપેરલની માર્કેટ સાઇઝ વધીને 8.1 થી 8.2 લાખ કરોડ થઇ હોવાનું અનુમાન છે. આ રીતે આ સેક્ટરના 2021-22 થી 2024-25 દરમિયાન 18 થી 20 ટકાના વાર્ષિક દરે વધવાની આશા વ્યક્ત થઇ રહી છે. નવા સ્ટોર ખુલવા, અટકેલી માંગ પાછી ફરવા, ગ્રાહકોની બદલાતી લાઇફ સ્ટાઇલ અને બ્રાન્ડને લઇને વધતી જાગૃતતાનો ફાયદો આ સેક્ટરને મળવાની સંભાવના છે. આ ગ્રોથના કારણે સીધો ફાયદો એપેરલ કે કપડા બનાવનારી કંપનીઓને થશે. જેનાથી રોકાણકારોને આ સેક્ટરમાં મૂડી લગાવવાની તક મળશે.
પરંતુ સપ્ટેમ્બરમાં સમાપ્ત FY24ના બીજા ક્વાર્ટરના પરિણામો તો કંઇક બીજી જ કહાની રજૂ કરી રહ્યા છે. હકીકતમાં બીજા ક્વાર્ટરમાં કપડા બનાવનારી મોટાભાગની કંપનીઓના પરિણામો ખરાબ રહ્યા છે. એક તો માંગમાં સુસ્તી છે અને બીજું એક્સટેન્ડેડ લોસ અને એન્ડ ઓફ સીઝન સેલથી કંપનીઓના નફા પર દબાણ જોવા મળ્યું છે. જો કે ક્રૂડ ઓઇલની કિંમતોમાં ઘટાડો થયો છે પરંતુ તેનાથી ફક્ત થોડીક રાહત જ મળી અને તે પણ કેટલીક સિલેક્ટેડ કંપનીઓને જ..કદાચ આ જ કારણ છે કે KPR Mill, AB Fashions અને Lux Industries જેવી કંપનીઓની આવકમાં સામાન્ય વધારા છતાં નફાની સ્થિતિ ખરાબ રહી છે. AB Fashions, આલોક ઇન્ડસ્ટ્રીઝ, સતલેજ ટેક્સટાઇલ્સ જેવી કંપનીઓની ખોટમાં ક્યાં તો વધારો થયો અથવા તો તે નફામાંથી ખોટમાં આવી ગઇ. તસ્વા અને TMRW જેવી નવી બ્રાન્ડ્સમાં ખોટ જવાથી AB Fashionના માર્જિન પર દબાણ જોવા મળ્યું. હકીકતમાં ગયા વર્ષની તુલનામાં લગ્નોની તારીખ આગળ શિફ્ટ થઇ ગઇ છે અને ડિસ્ક્રેશનરી માંગ ધીમી રહી જેનાથી ઘણી કંપનીઓની ઓવરઓલ માંગ પર અસર પડી છે.
આ મુશ્કેલ અને પડકારજનક માહોલમાં પણ કેટલીક કંપનીઓની આવક, ઓપરેટિંગ પ્રોફિટ અને ઓવરઓલ પ્રોફિટમાં સારો ગ્રોથ જોવા મળ્યો છે. તેમાં Rupa & Co, Dollar Industries અને ટ્રેન્ટના પરિણામો સૌથી દમદાર રહ્યા છે. ટ્રેન્ટને મજબૂત આવક ગ્રોથથી ફાયદો મળ્યો કારણ કે એક તો આ કંપનીએ નવા સ્ટોર ખોલ્યા છે અને બીજું LFL એટલે કે like for like sales ગ્રોથ 10 ટકા રહ્યો છે જે ઘણો મજબૂત ગણાય છે. like for like sales ગ્રોથનો અર્થ એક વર્ષ પહેલાના સ્ટોરની સંખ્યા દ્વારા રજિસ્ટર થયેલો ગ્રોથ..જેનાથી નવા ખોલવામાં આવેલા સ્ટોર્સ, નવા ખરીદવામાં આવેલા સ્ટોર્સ અને બંધ કરવામાં આવેલા સ્ટોર્સના સેલ્સ ગ્રોથ પર અસર નથી દેખાતી.
હવે સવાલ એ છે કે આ સેક્ટરનો આઉટલુક કેવો છે કારણકે ત્રિમાસિક પરિણામો સારા નથી રહ્યા પરંતુ સેક્ટરના ગ્રોથને લઇને એક્સપર્ટ્સ ઘણાં બુલિશ છે. ભલે બીજા ક્વાર્ટરના પરિણામો સારા ન રહ્યા હોય પરંતુ આ સેક્ટરની કંપનીઓ તરફથી પરિણામો બાદ આવેલી કોમેન્ટ્રી પોઝિટિવ રહી છે..પસંદગીની કંપનીઓના મેનેજમેન્ટે થર્ડ ક્વાર્ટરમાં તહેવારોની અને પ્રીમિયમ સેગમેન્ટની માંગ વધવાની આશા વ્યક્ત કરી છે.
મંત્રી ફિનમાર્ટના ફાઉન્ડર અરૂણ મંત્રીના જણાવ્યા અનુસાર ,”આવનારા ક્વાર્ટર માટે સેક્ટરનો આઉટલુક ઘણો જ સકારાત્મક છે..કંપનીઓના ખર્ચામાં ઘટાડો અને કાચા માલની કિંમતોમાં ઘટાડાનો ફાયદો મળવાની આશા છે, જેનાથી લાંબાગાળાના દ્રષ્ટિકોણથી ઘણાબધા શેરોના રી-રેટિંગની ઘણી સંભાવના છે. આ સેક્ટર માટે PLI સ્કીમે ગ્રોથમાં કેટલિસ્ટની જેમ કામ કર્યું છે અને તેનાથી આવનારા ક્વાર્ટરમાં પણ આ સેક્ટરને બૂસ્ટ મળશે. ભલે પછી ચીન સ્થાનિક કંપનીઓ માટે મોટુ કોમ્પિટિશન કેમ ન હોય. કારણ કે ઇકોનોમીમાં રિવાઇવલ થઇ રહ્યું છે. પરંતુ કંપનીઓ લોકલની સાથે સાથે એક્સપોર્ટ માંગને પણ પૂરા કરવામાં સક્ષમ છે કારણ કે સરકાર આ સેક્ટરને સપોર્ટ કરી રહી છે.
હવે મોટો સવાલ છે કે જો થર્ડ ક્વાર્ટરમાં માંગમાં સુધારાની આશા છે તો તેનાથી સેક્ટરની કઇ કંપનીઓને સૌથી મોટો ફાયદો થશે? વેલ્યુએશન કેવા છે અને શું તેમાં કોઇ શેરમાં ખરીદીની પણ તક છે?
આ સેક્ટરની કેટલીક ખાસ કંપનીઓને બાદ કરતા મોટાભાગની કંપનીઓના વેલ્યૂએશન સસ્તા જરાયે નથી દેખાઇ રહ્યા..અરવિંદ લિમિટેડ અને કિટેક્સ ગાર્મેન્ટ્સને બાદ કરતા બાકી બધી કંપનીઓના શેર 40xથી વધુના PE મલ્ટીપલ પર કારોબાર કરી રહ્યા છે.
અરુણ મંત્રીનુ માનવું છે કે “6 થી 9 મહિનાના દ્રષ્ટિકોણથી AB Fashions અને Arvind Ltdમાં રોકાણ કરી શકાય છે. લાંબાગાળાની ખરીદીથી હાલ બચવું જોઇએ કારણ કે સામાન્ય ચૂંટણી પહેલા મધ્યમગાળાના દ્રષ્ટિકોણથી રણનીતિ બનાવવી જોઇએ. AB Fashionsમાં 285 રૂપિયાના ટાર્ગેટ, 190 ના સ્ટોપલોસ, Arvind Ltd માં 298 રૂપિયાના ટાર્ગેટ અને 195ના સ્ટોપલોસની સાથે ખરીદી કરવી જોઇએ.”
તો એકંદરે ગાર્મેન્ટ કંપનીઓના પરિણામો સારા નથી રહ્યા પરંતુ તહેવારોની સીઝનનો ફાયદો મળવાથી નાણાકીય વર્ષના બીજા છમાસિક ગાળામાં માંગમાં રિકવરીની શક્યતા છે. એટલે 6 થી 9 મહિનાના દ્રષ્ટિકોણથી પસંદગીની કંપનીઓમાં સ્ટ્રીક્ટ સ્ટોપલોસની સાથે ખરીદી કરી શકાય છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો