Money9: અભિષેકની AGE ગ્રુપ એટલે કે 20 થી 25 વર્ષના મોટાભાગના નવયુવાન..જેમણે નવી નવી નોકરી શરૂ કરી છે. તેમનું માનવું હોય છે કે આ ઉંમરમાં પૈસા બચાવીને શું કરવું છે? બચાવવા માટે તો આખી જિંદગી પડી છે. સેલેરી ઓછી છે તો કેટલી બચાવી શકાશે. યુવાનો અહીં જ ભૂલ કરી બેસે છે. અને સેવિંગની જગ્યાએ બધા પૈસા ખર્ચી નાંખે છે. જેનું પરિણામ ભવિષ્યમાં તેમને ઉઠાવવું પડે છે. જેમ જેમ ઉંમર વધતી જાય છે ફાઇનાન્સિયલ પ્લાનિંગમાં ફેરફારની જરૂર ઉભી થાય છે. પરંતુ કેમ પડે છે ફેરફારની જરૂર..આવો જાણીએ..
20 થી 29 વર્ષની ઉંમરમાં વ્યક્તિ નવુ-નવુ કમાવાનું શરૂ કરે છે. તેમની મોટાભાગની કમાણી ખાણી-પીણી, હરવા-ફરવા, મોજશોખ પૂરા કરવા અને કેટલાક કિસ્સામાં એજ્યુકેશન લોન ચુકવવામાં પૂરી થઇ જાય છે. હકીકતમાં ફાઇનાન્સિયલ પ્લાનિંગ આ જ ઉંમરે શરૂ થઇ જાય છે. સૌથી પહેલા પોતાના એજ્યુકેશન અપગ્રેડેશનનો ગોલ બનાવવો જોઇએ. ભલે તમારી સેલેરી વધારે ન હોય તો પણ તેમાં 10 થી 15 ટકાનું સેવિંગ કરવું જોઇએ. જેથી ભવિષ્યમાં હાયર સ્ટડી કરીને વધુ કમાણી કરી શકાય.
ફાઇનાન્સિયલ ગોલ 5 વર્ષ કે તેથી વધુ હોય તો ઇક્વિટી કે બેલેન્સ્ડ ફંડમાં રોકાણ કરો. હરવા-ફરવા કે કાર-બાઇક લેવા જેવા શોર્ટ ટર્મ ગોલ છે તો ડેટ કે બોન્ડમાં રોકાણ કરી શકો છો. સરળ શબ્દોમાં કહીએ તો પોતાના પૈસા ઇક્વિટી, ગોલ્ડ, બોન્ડ કે આવી બીજી એસેટ ક્લાસમાં અલગ-અલગ રોકાણ કરવાને જ એસેટ એલોકેશન કહેવાય છે. આ ઉપરાંત, ધીમે ધીમે 6 મહિનાની સેલેરી જેટલું ઇમરજન્સી ફંડ પણ બનાવો, જે મુશ્કેલ સમયમાં કામ લાગશે.
30s માં આવતા આવતા કમાણીની સાથે જવાબદારીઓ પણ વધે છે. લગ્ન થઇ જાય છે. બાળકો થઇ જાય છે. ખર્ચ વધે છે. ઘર ખરીદવા અને બાળકોના ઉજ્જવળ ભવિષ્ય માટે નવા ગોલ બને છે. 30 થી 39 વર્ષની ઉંમર ઘણી મહત્વની હોય છે. આ ઉંમરમાં જેને રોકાણનું મહત્વ સમજાઇ જાય તો તેની ફાઇનાન્સિયલ પોઝિશન હંમેશા સારી રહે છે.
જવાબદારી વધવાની સાથે સૌથી પહેલા ટર્મ અને મેડિકલ ઇન્સ્યોરન્સ લઇ લો. જેથી કોઇ અપ્રિય ઘટના બને તો પરિવારની નાણાકીય સુરક્ષા સલામત રહે. સાથે જ ખર્ચ ઘટાડવાની કોશિશ કરો. બાળકોના અભ્યાસ અને જો ઘર ખરીદવા માંગો છો તો તેના માટે થોડુ-થોડુ રોકાણ કરો. ઘર ખરીદવા માટે તમારે એ જોવું પડશે કે તમે કેટલું મોટું ઘર ખરીદી શકો છો. જેથી બાકીના ફાઇનાન્સિયલ ગોલ કોમ્પ્રોમાઇઝ ન થાય. આ જ ઉંમરમાં રિટાયરમેન્ટ પ્લાનિંગ અંગે વિચારવું જોઇએ. ભલે તમે નાનું રોકાણ કરો. EPF કે NPSમાં ઇન્વેસ્ટ કરો છો તો નોકરી બદલતી વખતે આ પૈસાને ન ઉપાડતા.
40 થી 49 વર્ષની ઉંમરમાં તમારી સેલેરીમાં જે સૌથી વધુ તેજી આવવાની હોય છે તે આવી ચુકી હોય છે. હવે ખર્ચા ઝડપથી વધશે કારણ કે બાળકોના અભ્યાસનો ખર્ચ વધી રહ્યો હશે. જો તમે રિટાયરમેન્ટનું પ્લાનિંગ નથી કર્યું તો આ ઉંમરમાં તેની ચિંતા પણ સતાવવા લાગશે. બાળકોના અભ્યાસ માટે તમને લોન મળી શકે છે, પરંતુ રિટાયરમેન્ટ માટે કોઇ લોન નથી આપતું. ઉંમરના આ પડાવમાં તમારે સેલેરીના ઓછામાં ઓછા 30 થી 35 ટકા સુધી રિટાયરમેન્ટ માટે અલગ રાખવા પડશે.
જ્યારે તમે 50ની ઉંમરમાં પ્રવેશ કરશો તો તે સમયે તમારે રિટાયરમેન્ટ માટે સતત રોકાણ કરતા રહેવાનું છે. રિટાયરમેન્ટના એસેટ એલોકેશનમાં ઇક્વિટીનો હિસ્સો 60 થી 70 ટકા સુધી રહે છે. કારણ કે હજુ તમારી ઘણી મોટી જિંદગી બાકી છે. સમય પસાર થવાની સાથે ધીમે-ધીમે ઇક્વિટીનો હિસ્સો ઘટાડવા જોઇએ. બાળકોના હાયર સ્ટડી માટે તમે એજયુકેશન લોન લઇ શકો છો. જો કોઇ વધુ ઇન્ટરેસ્ટ રેટવાળી લોન જેવી કે પર્સનલ લોન કે કાર લોન લો છો તો તેને સમાપ્ત કરવાનો પ્રયત્ન કરો.
60 વર્ષની ઉંમરમાં પહોંચવા પર તમારે રેગ્યુલર ઇનકમની જરૂર હોય છે. આ ઉપરાંત સારવારનો ખર્ચ પણ વધે છે. આવી સ્થિતિમાં તમારે 3 થી 5 વર્ષ માટે જેટલા પૈસાની જરૂર છે તેને ડેટ ફંડ કે ફિકસ્ડ ઇનકમ પ્લાનમાં નાંખી દો. તો 5 વર્ષ કે તેથી વધુ સમય બાદ જે પૈસાની જરૂર પડશે તેને ઇક્વિટી ફંડમાં પડી રહેવા તો જેથી તમારા પૈસા વધતા રહે.
જો તમે પણ અભિષેકની જેમ બિલકુલ સેવિંગ નથી કરી રહ્યા તો તરત સેવિંગ શરૂ કરીને ફાઇનાન્સિયલ પ્લાનિંગ ચાલુ કરી દો..કારણ કે જવાનીમાં બચાવેલા પૈસા ઘડપણમાં કામમાં આવે છે. જેમ દર વર્ષે તમારો પગાર વધે તેમ દર વર્ષે રોકાણ વધતા રહેવું જોઇએ. લોંગ ટર્મમાં ઇક્વિટી એટલે શેર 10 થી 12 ટકા રિટર્ન આપી શકે છે. ઇન્વેસ્ટમેન્ટ પોર્ટફોલિયોનો રિવ્યૂ કરતા રહો જેથી શોર્ટફોલ થાય તો ઇન્વેસ્ટમેન્ટ વધારીને ફાઇનાન્સિયલ ગોલ પૂર્ણ કરી શકાય.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો