Money9: પ્રતીક, ગૌરવ અને રુચિ..ત્રણેયને જોડે છે અંગ્રેજીના ચાર અક્ષર R-I-S-K એટલે કે જોખમ. આ છે ફાઇનાન્સિયલ રિસ્ક. અડધા કલાક પહેલા આમાંથી કોઇને ખબર નહોતી કે આ રીતે પૈસાની જરુરિયાત ઉભી થશે. ત્રણેય પર ખિસ્સાની ક્ષમતા કરતા વધારે ખર્ચ આવી ગયો છે.
પ્રતિક કાર લેવાનું પ્લાન કરી રહ્યો હતો પરંતુ કારના સપનાને પૂરુ કરવા માટે હજુ વધારે રાહ જોવી પડશે. 30 ટકા સેલેરી કટ થયા બાદ તેને પોતાના ઘરના ખર્ચાને એડજસ્ટ કરવાનું મુશ્કેલ થઇ જશે. પછી કારની ઇએમઆઇ કેવી રીતે ભરી શકશે? ગૌરવ તો હવે આવતા વર્ષે જ ગોવા ફરવા જઇ શકશે…હવે તો નવું ભાડાંનું ઘર શોધવામાં સમય આપવો પડશે. મહિનાઓથી ગોવા ફરવા જવા માટે જે પૈસા બચાવી રહ્યો હતો, હવે તેમાંથી જ એડવાન્સ ભાડું, બ્રોકિંગ ચાર્જ અને શિફ્ટિંગનો ખર્ચ કાઢવો પડશે.
રુચિને સમજાતું નથી કે માસીની સારવારના પૈસા આપવા માટે કેવી રીતે ના પાડવી. બીજા ખર્ચાઓને તો રોકી શકે છે પરંતુ માસીની જરુરિયાત મોટી છે. આ પ્રકારના ફાઇનાન્સિયલ ઝટકા કોઇને પણ હલાવીને રાખી શકે છે.
પ્રતીકને જરુર છે કારના ડાઉન પેમેન્ટ માટે એકસાથે રકમની અને ઇએમઆઇ માટે દર મહિને અંદાજે 15 હજાર રૂપિયાની. ગૌરવને ઘર શિફ્ટિંગમાં બે મહિનાનું એડવાન્સ, બ્રોકિંગ ચાર્જ અને સામાનના શિફ્ટિંગ માટે લગભગ 1 લાખ રૂપિયાનો ખર્ચ ઉઠાવવો પડશે. તો રુચિને પોતાની બચતમાંથી 50 હજાર રૂપિયા કાઢીને આપવાના છે.
ફાઇનાન્સિયલ રિસ્ક શું છે
આવી સ્થિતિ કોઇની પણ સામે આવી શકે છે. જ્યારે તમારી આવક અચાનક બંધ થઇ જાય કે ઘટી જાય પરંતુ તમારા ખર્ચા તો ત્યાંના ત્યાં જ રહે છે. આને જ કહેવાય છે ફાઇનાન્સિયલ રિસ્ક. તમે 5 પ્રકારના ફાઇનાન્સિયલ રિસ્કથી ઘેરાયેલા રહો છો. જ્યારે તમારી ખિસ્સાની ક્ષમતા કરતા વધારે મોટો ખર્ચ તમારી સામે આવી જાય. જ્યારે તમને કોઇ રોકાણ કે કામમાં નુકસાન થાય. પરંતુ તમારા ખર્ચા બિલકુલ ના બદલાય. બીમારી કે દુર્ઘટના જેવી સ્થિતિ..જેના માટે તમે કોઇ તૈયારી નથી કરી. કોઇ પૈસા અલગથી નથી રાખ્યા. તો આ પ્રકારના ફાઇનાન્સિયલ રિસ્ક જ્યારે ઉભા થાય ત્યારે તે જો તમે તેના માટે તૈયાર નહીં હોવ તો તે તમને ભારે ચિંતામાં નાંખી દેશે.
કાર ક્રેશથી બચવા માટે આપણે જેમ સીટબેલ્ટ લગાવીએ છીએ તેવી જ રીતે અજાણ્યા ફાઇનાન્સિયલ ઝટકાથી બચવા માટે ઇમરજન્સી ફંડ સીટબેલ્ટનું કામ કરે છે. પ્રતીક, ગૌરવ અને રુચિની પાસે આ સીટબેલ્ટ નથી એટલે પરેશાન છે.
ઇમરજન્સી ફંડ બનાવો
કમાણી શરુ થતા જ તમારે સૌપ્રથમ 6 મહિનાના ખર્ચ માટે અલગથી પૈસા બચાવીને ઇમરજન્સી ફંડ બનાવવું પડશે. જો 55,000 રૂપિયાની સેલેરી જેમાં દર મહિને ઘરનું ભાડું કે લોનની EMI, કરિયાણું, બાળકોની ફી, કામવાળીનો પગાર, ફોનનું બિલ અને સોસાયટીનું મેન્ટેનન્સ આ બધા પર 35,000નો ખર્ચ થતો હોય. 5 હજાર રૂપિયા તમે એન્ટરટેઇનમેન્ટ માટે રાખો છો, હવે હાથમાં ટેક્સ વગેરે કપાયા બાદ મહિનામાં 10 હજાર રૂપિયાનું સેવિંગ થઇ રહ્યું છે. 40,000 રૂપિયા મહિનાના ખર્ચનો અર્થ એ થયો કે 6 મહિનાના ઇમરજન્સી ફંડ માટે 2,40,000 રૂપિયા એકત્ર કરવા પડશે. 10,000 રૂપિયા મહિનાના સેવિંગને બે વર્ષ સુધી બચાવીને જ આ ફંડ તૈયાર થશે. જ્યાં સુધી આ ટાર્ગેટ પૂર્ણ ન થાય ત્યાં સુધી તમે કોઇ રોકાણ કે મોટો ખર્ચ ન કરો.
ઇમરજન્સી ફંડના પૈસાને ઇન્વેસ્ટ કરવાની ભૂલ ન કરતાં. આને એવી જગ્યાએ રાખો જ્યાંથી તમે તેને તરત ઉપાડી શકો. જેમ કે અલગ બેંક એકાઉન્ટ ખોલી શકો છો. ફ્લેક્સિબલ એફડી જેમાં પૈસા ગમેત્યારે સેવિંગ એકાઉન્ટમાં ટ્રાન્સફર થઇ જાય ત્યાં રાખી શકો છો કે મ્યુચ્યુઅલ ફંડ વિશે ખબર હોય તો તેમાં શોર્ટ ટર્મ ડેટ ફંડ સ્કીમ એક વિકલ્પ હોઇ શકે છે.
પ્રતીક, ગૌરવ અને રુચિ ત્રણેયનો સામનો એવી પરિસ્થિતિ સાથે થયો જેમાં આવક ન વધી ઉલટાનું પ્રતીકના કેસમાં તો આવક ઘટી ગઇ. રેગ્યુલર ખર્ચની સાથે જ્યારે નવા ખર્ચા આવે છે તો પસીનો છુટી જાય છે. આ જ રીતે ફાઇનાન્સિયલ રિસ્ક તમારી આસપાસ ફરતુ રહે છે. આ વીડિયો જોયા બાદ સૌથી પહેલા કામ એ કરો કે ચેક કરો કે તમારુ ઇમરજન્સી ફંડ છે કે નહીં. ન હોય તો તરત તેની પર કામ શરુ કરી દો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો