Money9: મ્યુચ્યુઅલ ફંડની વિવિધ પ્રકારની સ્કીમ જોઈને પટનાનો રોહિત પરેશાન રહે છે. ઇક્વિટી ફંડ, ગોલ્ડ ફંડ અથવા ETF, આવા ડઝનેક ફંડમાંથી કેવી રીતે પસંદગી કરવી? રોહિત વિચારી રહ્યો છે કે શું એવી કોઈ રીત છે કે જેના દ્વારા તે આ બધા સારા ફંડનો લાભ એકસાથે મેળવી શકે અને તેણે વધુ મગજ પણ ન દોડાવવું પડે?
રોહિતની આ મૂંઝવણને દૂર કરવાનો એક રસ્તો છે અને તે છે ફંડ ઓફ ફંડ્સનો.. આમાં તે એક જ જગ્યાએ રોકાણ કરીને ઘણી સ્કીમનો લાભ લઈ શકે છે.
તો સૌ પ્રથમ આપણે જાણીએ કે શું હોય છે ફંડ ઓફ ફંડ્સ?
ફંડ ઓફ ફંડ્સ એક એવું મ્યુચ્યુઅલ ફંડ છે જે સીધા શેર, સોના-ચાંદી જેવી કમોડિટીઝ અને બોન્ડમાં રોકાણ કરવાને બદલે એવા મ્યુચ્યુઅલ ફંડ્સમાં રોકાણ કરે છે જેનું આવી સિક્યોરિટીઝમાં રોકાણ હોય… એટલે કે ઇક્વિટી, ડેટ, સિલ્વર અથવા ગોલ્ડ ફંડ્સમાં રોકાણ કરે છે. કેટલાક એફઓએફ એવા પણ છે જે વિદેશી બજારમાં રોકાણ કરતા ઓવરસીઝ ફંડ કે ઇન્ટરનેશનલ ફંડ્સમાં રોકાણ કરે છે.
FoFs મ્યુચ્યુઅલ ફંડની અન્ય શ્રેણીમાં આવે છે. તે તેમની એસેટના ઓછામાં ઓછા 95 ટકા અંડરલાઇંગ ફંડ્સમાં રોકાણ કરે છે. આ અંડરલાઇંગ ફંડ ઇક્વિટી, ડેટ, સિલ્વર, સોનું કે ઇન્ટરનેશનલ સ્ટોક્સમાં રોકાણ કરે છે.
ચાલો હવે એ જોઈએ કે ફંડ ઓફ ફંડ્સનું રિટર્ન કેવું છે…હકીકતમાં આ ફંડની દરેક કેટેગરીનું રિટર્ન અલગ પ્રકારનું છે.
જો આપણે 11 ઓક્ટોબર, 2023 સુધીના ડેટા પર નજર કરીએ તો, ડેટ ઓરિએન્ટેડ FoFs એ એક વર્ષમાં સરેરાશ 7 ટકા, ત્રણ વર્ષમાં 5 ટકા અને પાંચ વર્ષમાં 7 ટકાનું રિટર્ન આપ્યું છે. બીજી તરફ, ઇક્વિટી ઓરિએન્ટેડ FoFsનું રિટર્ન વધુ છે. તેમાં એક વર્ષમાં સરેરાશ 19 ટકા, ત્રણ વર્ષમાં 23 ટકા અને પાંચ વર્ષમાં 14 ટકાનું રિટર્ન મળ્યું છે.
હવે સવાલ એ ઊભો થાય કે આમાં કેવા પ્રકારના રોકાણકારોએ રોકાણ કરવું જોઈએ.
તો એવા નવા રોકાણકારો માટે ફંડ ઓફ ફંડ્સ એક શ્રેષ્ઠ વિકલ્પ છે જેઓ ઉચ્ચ ગુણવત્તા અને ઓછા જોખમવાળા ઉત્પાદનોમાં રોકાણ કરવા માગે છે. તે એવા રોકાણકારો માટે યોગ્ય છે કે જેઓ પોર્ટફોલિયો તૈયાર કરવાની ઝંઝટમાં નથી પડવા માંગતા અને તેને સંપૂર્ણરીતે FoFs ના ફંડ મેનેજર પર છોડી દે છે. પરંતુ તેમાં રોકાણ કરતા પહેલા, એ જાણવું જરૂરી છે કે આ ફંડ કેવી રીતે કામ કરે છે, તેમાં ટેક્સ કેવી રીતે લાગે છે અને તેની અન્ય વિશેષતાઓ શું છે.
મધુબન ફિનવેસ્ટના ફાઉન્ડર દીપક ગગરાણી કહે છે કે FoFsમાં ઊંચા ખર્ચ અને પોર્ટફોલિયોના સંભવિત ઓવરલેપિંગ વિશે જાણવું જરૂરી છે, જેનાથી વિવિધતાનો ફાયદો મર્યાદિત થઇ જાય છે. આ ઉપરાંત, એ પણ ધ્યાનમાં રાખવું જોઈએ કે એફઓએફ્સને ટેક્સના દૃષ્ટિકોણથી ડેટ મ્યુચ્યુઅલ ફંડ જ ગણવામાં આવે છે, એટલે કે, રોકાણ કોઈપણ એસેટમાં હોય, તેનું રિડમ્પશન ઇક્વિટી ઓરિએન્ટેડ ટેક્સનો નિયમ નહીં પરંતુ ડેટ ફંડની જેમ ટેક્સ લાગશે.
FoFs પર ડેટ મ્યુચ્યુઅલ ફંડની જેમ ટેક્સ લાગે છે. એવા FoFs જેનું ફોકસ લિક્વિડ, ઇન્ડેક્સ અને ETF સ્કીમ્સ પર હોય છે તે વધુમાં વધુ 1 ટકાની કુલ ફી વસૂલ કરી શકે છે. બીજી બાજુ, એવા FoFs કે જે મોટાભાગે એક્ટિવલી મેનેજ્ડ ઇક્વિટી સ્કીમ્સમાં રોકાણ કરે છે, તેમનો ટોટલ એક્સપેન્સ રેશિયો એટલે કે TER 2.25 ટકા જેટલો હોઇ શકે છે, એટલે કે તે વધુ ચાર્જ લે છે.
રોકાણકારોએ કોઇ FoFનું આકલન ફંડના ખર્ચ અને તેના રોકાણવાળા ફંડ્સનો ખર્ચ જોઇને કરવું જોઇએ કારણ કે આ ફેક્ટર્સનું રોકાણના રિટર્ન પર અસર પડે છે. રોકાણકારોએ તમામ ફાયદા અને ગેરફાયદાનું મૂલ્યાંકન કરવું જોઈએ. રોકાણ પોતાની રિસ્ક પ્રોફાઇલ અને નાણાકીય લક્ષ્યો અનુસાર જ હોવું જોઈએ.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો