MONEY9 GUJARATI: જ્યારે તમે ઘર બનાવડાવો કે પછી રીનોવેટ કરાવો છો તો બધી વસ્તુઓનું ઝીણવટપૂર્વક ધ્યાન આપો છો, પરંતુ તેમાં બાથરુમને ભૂલી જાવ છો. લિવિંગ રૂમ કે બેડરૂમની જેમ બાથરુમ પર પણ ધ્યાન આપવું જ જોઈએ. તેમાં યોગ્ય સામાનનો ઉપયોગ કરવો જોઈએ. કારણ કે તે તમારા પરિવારના સભ્યોની સુવિધા અને સુરક્ષા બંને રીતે મહત્વના છે.
આવો સમજીએ કે ઘર માટે યોગ્ય સેનેટરી ફિટિંગની કેવી રીતે પસંદગી કરવી. પરંતુ પહેલા એ જાણી લઈએ કે સેનેટરી વેરમાં કઈ કઈ આઈટમ આવે છે? તો સેનેટરી વેરમાં ઘણી આઈટમ આવે છે. જેમ કે WC એટલે કે વૉટર ક્લૉસેટ જેને વેસ્ટર્ન ટૉયલેટ કહેવામાં આવે છે. OP એટલે કે ઓડિસા પૈન જેને દેશી એટલે કે ઈસ્ટર્ન ટૉયલેટ કહેવામાં આવે છે. વૉશ બેસિન, બાથરુમ સિંક, કિચન સિંક, બાથ ટબ, ટેપ એટલે કે નળ, હૉટ એન્ડ કોલ્ડ વૉટર કંટ્રોલર, શાવર, યૂરિનલ, વૉટર ટેંક, પાઈટ અને ટાઈલ્સ…
મોટાભાગે આ તમામ વસ્તુઓનો ઉપયોગ તમારા ઘરમાં થાય છે. જેનું મુખ્ય કામ પાણી કે પછી વેસ્ટ મટિરિયલ્સને એકત્રિત કરવાનું અને તેનો નિકાલ કરવાનું છે.
“જળ એ જ જીવન છે” એટલે કે વગર પાણીએ જીવન અશક્ય છે. પરંતુ શું સેનેટરી વેર ખરીદતી વખતે તમે ક્યારેય પાણી બચાવવાનું વિચાર્યું છે. કદાચ નહીં.. કમોડ, ફ્લશ, શાવર અને ટેપ એવા સેનેટરી ફિટિંગ છે, જેના દ્વારા સૌથી વધુ પાણીનો ઉપયોગ થાય છે. જો તમે થોડી સમજદારી વાપરો તો પાણી અને પૈસા બંને બચાવી શકો છો.
દાખલારુપે માર્કેટમાં મોટાભાગે બે પ્રકારના ફ્લશ ઉપલબ્ધ છે. એક સિંગલ ફ્લશ અને બીજું ડ્યુઅલ ફ્લશ.. સિંગલ ફ્લશમાં એકવારમાં લગભગ 6થી 8 લીટર પાણીનો વપરાશ થાય છે. અને ડ્યૂઅલ ફ્લશમાં બે બટન આપવામાં આવેલા હોય છે. નાનું બટન લિક્વિડ વેસ્ટ એટલે કે યૂરિનલ માટે હોય છે જેને દબાવવાથી લગભગ દોઢ લીટર પાણી કમોડમાં જાય છે. જ્યારે મોટું બટન દબાવવાથી 4.5 લીટર પાણીનો ઉપયોગ થાય છે. એક કેલક્યુલેશન પ્રમાણે કોઈ પરિવાર ડ્યુઅલ ફ્લશના ઉપયોગથી સિગલ ફ્લશની સરખામણીએ વર્ષમાં 20 હજાર લીટર પાણી બચાવી શકે છે.
આવી રીતે જ લો ફ્લો ટૈપ અને શાવરનો ઉપયોગ કરવો જોઈએ. લો ફ્લો ફિટિંગ્સ પાણીના ફ્લોને ઓછો કરી પાણી બચાવવાનું કામ કરે છે. આ બંને રીતે પર્યાવરણ માટે વાજબી હોવાની સાથે સાથે વીજળી અને પાણીનું બિલ પણ ઘટાડી દે છે.
સેનેટરી વેર ખરીદતા પહેલા બાથરુમ કે પછી તેને જ્યાં લગાવવાના છે તે જગ્યાને ધ્યાનમાં રાખવી જોઈએ. સ્પેસ પ્રમાણે જોઈએ તો સેનેટરી વેર વૉલ માઉન્ટેડ એટલે કે દીવાલ પર ફીટ થશે કે ફ્રીસ્ટેન્ડિંગ એટલે કે જમીન પર ફીક્સ કરાશે. જેથી જગ્યાનો યોગ્ય ઉપયોગ થાય. સેનેટરી વેર ઘણી સ્ટાઈલ, સાઈઝ, લંબાઈ અને પહોળાઈના આવે છે. એવી પ્રોડક્ટ પસંદ કરો જે બાથરુમની સ્પેસ પ્રમાણે વ્યાજબી હોય.
ઘરમાં બાથરુમ એવો એરિયા છે જ્યાં લપસી જવાના કારણે સૌથી વધુ દુર્ઘટનાઓ બને છે. ભીનું ફર્શ ગંભીર ઈજાઓનું કારણ બની શકે છે. માટે જ ટૉયલેટ અને બાથરુમ બનાવતી વખતે સ્લિપરી ટાઈલ્સ ના લગાવડાવો. સિરેમિક ટાઈલ્સ, વૉટરપ્રૂફ ફ્લોરિંગ કે પછી સ્ટેન્ડ કંક્રીટની ફ્લોરિંગ પસંદ કરી શકો છો. ફ્લોરિંગ એટલે કે ટાઈલિંગ પહેલા સ્લોપનું ખાસ ધ્યાન રાખો કે જેથી પાણી જમા ના થાય. વૉટર પ્રૂફિંગ પણ કરાવી લો.
સેનેટરી વેર લેતી વખતે પરિવારજનોની જરૂરિયાતોનું પણ ધ્યાન રાખો. જો ઘરમાં વૃદ્ધ કે બાળકો છે તો ટૉયલેટ સીટ અને નહાવાની જગ્યાએ હેંડ બાર લગાવડાવો. જો તમારા વિસ્તારમાં હાર્ડ વૉટર આવે છે તો બ્રાસ એટલે કે મોટા ડાયામીટર વાળા ફિટિંગ્સનો ઉપયોગ કરવું યોગ્ય રહેશે જેથી ફિટિંગ્સમાં ક્ષાર જમા ના થાય. બાથરુમમાં એગ્ઝૉસ્ટ ફેન ખાસ લગાવો જેથી ગભરામણ ના થાય.
સૌથી મહત્વપૂર્ણ વાત જે તમારા ખીસ્સા સાથે જોડાયેલી છે, તે છે બ્રાન્ડેડ અને નૉન બ્રાન્ડેડ સેનેટરી વેરમાંથી કોની પસંદગી કરવી તે. ઈન્ડિયન પ્લમ્બિંગ એસોસિએશનના રાષ્ટ્રીય અધ્યક્ષ ગરમીત સિંહ અરોડા જણાવે છે કે બ્રાન્ડેડની સરખામણીએ નૉન બ્રાન્ડેડ સેનેટરી વેર 50 ટકા સુધી સસ્તા પડે છે. મોટાભાગે એક બાથરુમમાં બ્રાન્ડેડ સેનેટરી વેર લગાવવાનો ખર્ચ 30થી 35 હજાર રુપિયા થાય છે જ્યારે નૉન બ્રાન્ડેડમાં આ ખર્ચ 15થી 20 હજાર રુપિયા થાય છે. બ્રાન્ડેડ સેનેટરી વેરમાં આફ્ટર સેલ સર્વિસ અને ડ્યૂરાબિલિટી સારી હોય છે. એટલે કે તે લાંબા સમય સુધી ટકે છે.
સારી ક્વૉલિટીના સેનેટરી વેરનો ઉપયોગ કરી પાણીનું વેસ્ટેજ અને સમારકામનો ખર્ચ બંને બચાવી શકો છો. હંમેશા ISI માર્કવાળા સેનેટરી આઈટમની ખરીદી કરો. નૉન બ્રાન્ડેડ સેનેટરી વેરમાં સારી ક્વૉલિટી મળી જાય છે, પરંતુ ઘણા દુકાનદારોનો આશય માત્ર તેમનો સામાન વેચવાનો હોય છે. તેવામાં તમારે આ આઈટમની ક્વૉલિટી તપાસવી જોઈએ. જે માટે તમે પ્લમ્બિંગ એન્જિનિયરની કે પછી પ્લમ્બરની મદદ લઈ શકો છો. જો વધારે સામાન ખરીદવો હોય તો જથ્થાબંધ માર્કેટમાંથી લો. રિટેલ માર્કેટ કરતાં 20 થી 25 ટકા સસ્તો સામાન મળી જશે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો