સપ્ટેમ્બરમાં મારુતિની ગાડીઓ પર ડિસ્કાઉન્ટનો વરસાદ, આ કાર પર ₹65,000 સુધીની છૂટ

• Follow

Money9: મારુતિ સુઝુકી એરેના ડીલરો બ્રેઝા અને અર્ટિગા સિવાય સમગ્ર રેન્જ પર વિવિધ ડિસ્કાઉન્ટ ઓફર કરી રહ્યા છે. આ ડિસ્કાઉન્ટ તહેવારોની સિઝનને ધ્યાનમાં રાખીને મળી રહ્યું છે. ડિસ્કાઉન્ટમાં વિવિધ વિકલ્પોનો સમાવેશ થાય છે, જેમ કે એક્સચેન્જ ઑફર્સ, કોર્પોરેટ અને રોકડ લાભો. આ ડિસ્કાઉન્ટ પેટ્રોલ અને CNG બંને વેરિએન્ટ પર ઉપલબ્ધ છે.

Maruti Suzuki S Presso

મારુતિ સુઝુકીએ સપ્ટેમ્બર માટે એસ પ્રેસો પર ડિસ્કાઉન્ટ ગયા મહિનાના રૂ. 57,000 થી વધારીને રૂ. 62,000 કર્યું છે. પેટ્રોલ અને CNG બંને વર્ઝન 62,000 રૂપિયાના ડિસ્કાઉન્ટ સાથે ઉપલબ્ધ છે પરંતુ આ ડિસ્કાઉન્ટ મેન્યુઅલ ટ્રાન્સમિશન પર જ માન્ય છે. જ્યારે AMT ટ્રીમ પર 37,000 રૂપિયાની ઑફર ઉપલબ્ધ છે.

Maruti Suzuki Celerio

Celerio પર 62,000 રૂપિયા સુધીનું ડિસ્કાઉન્ટ ઉપલબ્ધ છે. આ ડીલ પેટ્રોલ મેન્યુઅલ અને CNG વર્ઝન પર માન્ય છે. 5-સ્ટેપ AMT ટ્રીમ પર 47,000 રૂપિયા સુધીનું ડિસ્કાઉન્ટ છે. ગયા મહિને Celerio પર 57,000 રૂપિયા સુધીનું ડિસ્કાઉન્ટ હતું. Celerioની એક્સ-શોરૂમ કિંમત 5.37 લાખ રૂપિયાથી શરૂ કરીને 7.15 લાખ રૂપિયા છે.

Maruti Suzuki Alto K10

મારુતિ સુઝુકીની એન્ટ્રી-લેવલ હેચબેક, અલ્ટો, રૂ. 58,000 સુધીના ડિસ્કાઉન્ટ સાથે મળી રહી છે. આ ઓફર 5-સ્પીડ મેન્યુઅલ ટ્રીમ પર ઉપલબ્ધ છે જ્યારે AMT રૂ. 33,000 સુધીની ડીલ સાથે આવે છે. સસ્તી CNG હેચબેક શોધી રહેલા લોકો માટે સારા સમાચાર છે કારણ કે Alto પર 53,000 રૂપિયા સુધીનું ડિસ્કાઉન્ટ મળી રહ્યું છે. અલ્ટોની એક્સ-શોરૂમ કિંમત 3.99 લાખ રૂપિયાથી શરૂ થઈને 5.96 લાખ રૂપિયા સુધી છે.

Maruti Suzuki Swift

ઓગસ્ટમાં દેશમાં સૌથી વધુ વેચાતી કાર સ્વિટ LXI સિવાય પેટ્રોલ મેન્યુઅલ ટ્રાન્સમિશન ટ્રીમ્સ પર રૂ. 57,000 સુધીનું ડિસ્કાઉન્ટ ઓફર કરી રહી છે. આ સતત બીજો મહિનો છે જ્યારે લોકપ્રિય હેચબેક સમાન ડીલ સાથે ઉપલબ્ધ છે. એન્ટ્રી-લેવલ LXI મેન્યુઅલ અને ઓટોમેટિક વર્ઝન પર રૂ. 52,000 સુધીની ડીલ મળે છે. CNG પર 22,000 રૂપિયા સુધીનું ડિસ્કાઉન્ટ મળી રહ્યું છે. સ્વિફ્ટની એક્સ-શોરૂમ કિંમત 5.99 લાખ રૂપિયાથી 9.03 લાખ રૂપિયા સુધીની છે.